Hechos 8:32 - Biblia Dc en Mixe de Quetzaltepec

³² Yë'ë ënety kyäjpxyp ma ja Dios ja y'aaw y'ayuk y'ënä'änyën: Jëtu'un jä'ä ijxtëm ja kupixyny yajmënejkxyën ma y'o'ktaknën; ets ijxtëm ja kupixyny u'unk amonyë tkupëkyën ko yajknikeepy, ni tuk'aaw ojts kyakäjpxy.

Biblia Mixe de Quetzaltepec

³² Yë'ë ënäty kyäjpxyp ma ja Tios ja y'aaw y'ayuk y'ënä'änyën: Jëtu'un jä'ä ijxtëm ja kupixyny yajmënejkxyën ma y'o'ktaknën; ets ijxtëm ja kupixyny u'unk amonyë tkupëkyën ko yajknikeepy, ni tuk'aaw ojts kyakäjpxy.

Hechos 8:32 ပူးပေါင်းရင်းမြစ်များ

Salmos 39:2

Uumës ojts näpyëjktä'äkyë, ka'apës tii nkäjpxy; yë'ëpaatës ka'ap oypyë nkäjpxy. E ja npa'amës ni'ikyë të myëjtä'äky.

Salmos 39:9

Uumës të näpyëjktä'äkyë, ka'apës yë n'aaw nëkoo të nyajwä'kxy, jä'ä ko mijts tii winë mtuumpy.

Jeremias 11:19

Ëjts nitiijës ënety nka'aaw nkajotëty, jëtu'un tä kupixyny ayääkën ka'ap tnijawë ko y'ooka'any; e yë'ëjëty tamtëm tnipëjktaakëtë wi'ixës xyaj'ooka'antën. Jä'ä ënety y'ëna'antë: Tsojk tääpë kepy ntimpyujxë'këmë tyam ma amëk jotmëk yajpaatyën, tsojk ntimkyë'ëtsë'këm yaa naaxwiiny ma ja'ay jyuuky'atën, këtiipë nijëna'a yajja'amyätsëty.

Jeremias 12:3

E mijts Wintsën wa'atsës xy'ixy'äty; mnija'ap wi'ixës nmay ntajyën ma mijtsën. Mënëjkxta'a tääpë ja'ayëty jëtu'un tä yë ja'ay tmënëjkxyën yë kupixyny ma y'o'ktaknën; tuknikä'tsta'a jëna'a tyuka'ajëtë o'kën.

Jeremias 51:40

Etsës ok nmënëkxa'any ma o'ktaknën, ijxtëm yë kupixyny ayääkë ets tsajppax ayääkë yajmënëjkxtën ma y'o'ktaknën.

Lucas 23:34

Tääts ja Jesús y'ënäny: Dios Teety, nimä'kx, jä'ä ko ka'ap tnijawëtë tii tyuuntëp. Tääts ja tsiptuunpëtëjkëty tni'ëyë'ktë ja Jesús ja wyit ets aak ayi'iyë ojts twijtswa'kxtë.

Juan 1:29

Komjëpom ja Juan t'ijxy ko ja Jesús myëwinkonyë ets y'ënäny: Ixtë, ya'atë jëtu'un ijxtëm ja kupixyny u'unkën, Dios wyintsë'kën mëti'ipë ja naaxwiinyëtë ja'ay yajpokywyätsëpën.

Hechos 8:31

Tää y'ëtsooy ja noky kyajpxpë: ¿Wi'ixës nwinjawëty? ka'apës pën xytyukwinkumëtyaakë wi'ix nyiwijyën. Ënet ja Felipe t'ënëmaay ets yajpätëtëty pujxnwintëkäämpë këjxm ma ënety jam y'u'unyën.

Romanos 8:36

Jëtu'un ijxtëm ja Dios ja y'aaw y'ayuk y'ënä'änyën: Jä'äkyëjxm ko mijts myajmëpëky, xëmë ëëts ja ja'ay xyaj'ooka'antë, jëtu'un ëëtsëty naxtë ijxtëm ja kupixyny yajmënejkxyën ma ja y'o'ktaknën.

1 Corintios 15:3

Mëtu'kpëky, yë'ë miits të ntuk'ëwaanëtë mëti'ipës të nyajtuk'ëwaanën näjyëtu'un. Yë'ë të ntuk'ijxpëktë ko ja Kristë ja npoky'ajtëm të tku'ookë, ijxtëm ja Dios ja y'aaw y'ayuk kyëxja'ayëtyën;

1 Pedro 1:19

yë'ë mëët ja Kristë nye'pyny, mëti'ipë të wyintsë'kën'atyën ijxtëm tu'uk ja kupixyny u'unkën mëti'ipë ka'ap tii ma'atpë ëxëëkpë tmëëtëtyën.