Hechos 8:31 - Biblia Dc en Mixe de Quetzaltepec

³¹ Tää y'ëtsooy ja noky kyajpxpë: ¿Wi'ixës nwinjawëty? ka'apës pën xytyukwinkumëtyaakë wi'ix nyiwijyën. Ënet ja Felipe t'ënëmaay ets yajpätëtëty pujxnwintëkäämpë këjxm ma ënety jam y'u'unyën.

Biblia Mixe de Quetzaltepec

³¹ Tää y'ëtsooy ja noky kyajpxpë: ¿Wi'ixës nwinjawëty? ka'apës pën xytyukwinkumëtyaakë wi'ix nyiwijyën. Ënät ja Felipe t'ënëmaay ets yajpätëtëty pujxnwintëkäämpë këjxm ma ënäty jam y'u'unyën.

Hechos 8:31 ပူးပေါင်းရင်းမြစ်များ

Romanos 10:14

¿E wi'ix t'amëtowtëty pën ka'ap tmëpëktë? ¿Ets wi'ix tmëpëktëty pën ka'ap tmëtowtë ko jyääjëty? ¿Ets wi'ix tmëtowtëty pën ka'ap pën tyuk'ëwa'anxëtë?

1 Corintios 8:2

Pën jää pën y'ënä'äny ko tii tjaty tnijawë, ka'anëm tnijawë ijxtëm pyaat'atyën.

Santiago 1:21

Ixmajtsta'atë ja ëxëëk winma'any ets ja ëxëëkajtën mëti'ipë tëë nyipäjnën. Ëxajëtë wintsë'kën mëët ja aaw ayuk mëti'ipë të yajpëjktä'äkyën ma ja mjot mwinma'anyëtyën. Ya'atë aaw ayuk myëët'ajtyp ja mëk'ajtën ets xyajnitsokmëty.

Santiago 1:10

ets ja nmëku'uk'ajtëm kumeenypë, wä'än naxym näpyëjktä'äkyë ko Dios yajkumeeny'ätyë, jä'ä ko jëtu'un yë kumeenyjyä'äy ijxtëm ja ujts pëjyën mëti'ipë ka'ap jeky y'ityën.

1 Corintios 3:18

Ni pën kë'ëm kyanäwyin'ëënëtëty: pën jää pën nyätyijyë wijy kejy ijxtëm ja naaxwiinyëtë ja'ay ja wyinma'anyëtyën, jëtu'un miits näpyëjkta'akëtë ijxtëm ja ja'ay ni'ik tsuupën mëti'ipë ka'ap tii tjaty nijawën, ënät miits myaj'ixtëty wijy kejy mëti'ipë ka'ap kyixy nyäxyën.

Marcos 10:15

Tëy miits n'ënëëmëtë, pën ja Dios ja kyutujkën ka'ap tkupëjkë ijxtëm ja pi'k ëna'kën, ni wintim nijëna'a kyatëkëty jam ma Dios kyutujktaknën.

Isaías 35:8

Jam ja Wintsën tu'uk ja mëjtu'u tyajnaxa'any mëti'ipë yajtijaanpën, Kënu'kxytyu'u. Mëti'ipë ënety ka'ap wya'ats'atën ka'ap nëjkx jam tyëkëtë, yë tsuuja'aytyëjk ka'ap nëjkx jam nyaxtë, yi'iyë nëjkx jam nyaxtë mëti'ipë mëtëy juuky'ajtëpën.

Salmos 73:22

jä'ä ko juunës yë njot nwinma'any të npëjktä'äky, ka'apës të nkäjpxyjyä'äkyukë: jëtu'unës ënety të nnäpyëjktä'äkyë mijts mwintum tä tu'uk yë jëyujkën.

2 Reyes 5:26

Tä ja Elisejë nyëmaay'ëtëtsë: Ko tu'uk yë ja'ay të tukjënäky yë pyujxnwintëkäämpë ets të mjëjpye'eyi'ikyë, ëjts tamës ënety mëët mijts nyajpaaty winma'anyjoty. Je'eyëp ko tyam ka'ap tnixëëwëty ets ja wit meeny yë'ë y'ëktimyaj'ëxajëty ëkë ja wit tujkxy, ëkë ets ënät nju'uymyëty nkëpäjtmëty ja naax kam tsatymkyam, ëkë kupixyny ëkë jëyujk tsajpkaa, ëkë tuunpë ëyoopë ye'etyëjkpë to'oxytyëjkpë.

2 Reyes 5:9

Ënet ja Naamán ojts tsyoony mëët ja pyujxnwintëkäämpë ets ja këwaay ets ojts jam wya'kpo'kxy ma ja Elisejë ja tyëjkën.

Hechos 8:30

Ko ojts tninëjkxy ets tmëtooy ko ja noky tkäjpxy mëti'ipë ja käjpxynyajxpë Jeséas jyääyën. Ënet tyajtëëy: ¿Mwinja'ap tääpë xykyäjpxyënë?

Hechos 8:32

Yë'ë ënety kyäjpxyp ma ja Dios ja y'aaw y'ayuk y'ënä'änyën: Jëtu'un jä'ä ijxtëm ja kupixyny yajmënejkxyën ma y'o'ktaknën; ets ijxtëm ja kupixyny u'unk amonyë tkupëkyën ko yajknikeepy, ni tuk'aaw ojts kyakäjpxy.