Hechos 8:28 - Biblia Dc en Mixe de Quetzaltepec

²⁸ Kyajpnjotm ënety ja ja'ay nyëjkxnë kepywyintëkäämjoty ets jap tkäjpxy ja noky mëti'ipë ja Dios ja kyäjpxynyajxpë Jeséas jyääyën.

Biblia Mixe de Quetzaltepec

²⁸ Kyajpnjotm ënäty ja ja'ay nyëjkxnë kepywyintëkäämjoty ets jap tkäjpxy ja noky mëti'ipë ja Tios ja kyäjpxynyajxpë Jeséas jyääyën.

Hechos 8:28 ပူးပေါင်းရင်းမြစ်များ

Colosenses 3:16

Wä'än xëmë t'ity mjootjoty mwinma'anyjyotyëty ja Kristë ja y'aaw y'ayuk. Neykajpxwijëtë ets näjyotmëkwinkajpxëtë nixim niyam mëët tu'kë'ëyë ja mwijy'ajtënëty mkejy'ajtënëty ets kuuy'ëwtë ja Dios, mmëjjaw jaantyjyawëtë.

Hechos 28:25

E jä'ä ko ka'ap ënety tu'knax myäytyë tyajtë, ënät nitu'uk patu'uk tsyo'ontë ets ja Pablo y'ënëmaayëtë: Mëtëy ojts ja Kënu'kxymyëkajtën y'ënä'äny, ko ojts tyajkäjpxy ja käjpxynyajxpë Jeséas mëti'ipë nteety'ajt n'ap'ajtëmën:

Lucas 4:17

Ja Dios ja kyäjpxynyajxpë Jeséas nyoky ënety të yajmo'oy ets tkajpxëty. Ko ojts t'apëtijtwä'kxy, yë'ë pyat ma kyëxja'ayëtyën:

Lucas 3:4

Ets y'atëwëty ijxtëm ja Dios ja kyäjpxynyajxpë Jeséas y'ënänyën: Tam tu'uk mëti'ipë mëk kajpxpën të'ëts'itjotm: Yaj'oyëtë ja Wintsën ja nyë'ë tyu'u, yaj'ëwatsëtë ja nyajxtakn tëypyë.

Isaías 1:1

Mëti'ipë yë Jeséas y'ijxën myëtoowën, Amós yë myaank, ma ja Jerusalén yajnikäjpxyën ets Judá, ma ënety yajkutukyën yë Uzías, Jotam, Acaz ets Ezequías, mëti'ipë jam Judá ënä'ämtën.

Salmos 119:111

Ëjts jëtu'unës njawë yë m'ënä'ämën mtëyajtën tä tu'uk yë kuma'ayënën winë xëëw winë jëmëjtpë y'ityën, jä'ä ko yë'ëjëty yajjotkujkëp yë njot nwinma'anyës.

Salmos 119:99

Wa'atsës ni'ik winë nja'akyukë këtiinëm jyëtu'unëty mëti'ipës xyaj'ijxpëjktëpën, jä'ä ko yi'iyës nmëmääpy nmëtäjpy yë m'ënä'ämën mtëyajtën.

Josue 1:8

Xëmë xymyëmay xymyëtajëty mëti'ipë ja Dios ja y'ënä'ämën tyiyajtën nyikäjpxypën, yë'ë xëmë mja'amyätsëp xëëny koots ets xytyunëty mëti'ipë nyikäjpxypën. Aak oy nëjkx tii mwinpëtsë'ëmxëty ko tii xytyunëty.

Hechos 8:27

Tääts tsyo'ony ets jam tu'u'am tpaty tu'uk ja Etiopíë ja'ay mëti'ipë ënety ja Dios ojts të t'ëwtatyën jam Jerusalén. Ya'atë ja'ay mëj tuunk ënety nyëkëjxm'ajtyp, yë'ë tyuunk'ajtyp ja meenykyoonë'k ma ja yajkutujkpën, ja to'oxytyëjk jampë y'ën'emyën Etiopíë.

Hechos 8:29

Ënet ja Kënu'kxymyëkajtën ja Felipe y'ënëmaayë: Ninëjkx ya'atë kepy wintëkäämpë winkon.