Hechos 8:26 - Biblia Dc en Mixe de Quetzaltepec

²⁶ Tääts ja Felipe ojts tu'uk ja Wintsën ja y'anklës nyë'ëmxëty: Nëjkx ëpa'tkë'ëmtsow, ma të'ëts'itjotmën, mëti'ipë tu'u najxpën jam Jerusalén ets nyijkx Gaza.

Biblia Mixe de Quetzaltepec

²⁶ Tääts ja Felipe ojts tu'uk ja Wintsën ja y'anklës nyë'ëmxëty: Nëjkx ëpa'tkë'ëmtsow, ma të'ëts'itjotmën, mëti'ipë tu'u najxpën jam Jerusalén ets nyijkx Gaza.

Hechos 8:26 ပူးပေါင်းရင်းမြစ်များ

Génesis 10:19

Yë nyaaxjotëty yë Canaán ja'ayëty jampaat ojts t'ëkniwa'knëtë ma ja nyaaxjotmën yë Guerar ets jampaat nyäxy ma ja Sidón kajpnën ets ma ja mutsk kajpn txëëwatyën Gaza ets tyimja'ty jam Sodomë ets Gomorra, Admá ets Seboím, ma ja kyajpnën ja Lesa.

2 Reyes 1:3

je'eyëp ko ja Wintsën ënätyë ojts tkexy ja kyukäjpxy jam ma ja Elías yajpaatyën, jampë kyukajpnëtyën Tisbé: Nëjkx paat yë yajkutujkpë tyuunpë mëti'ipë jam të tsyoontën Samaria ets xyajtëwëty, ¿tii ka'apëtën jam yë Wintsënë ma Israel kajpnënë, tii ko yë'ë xynyinëjkxtë yë Baal-zebu, jampë yajpaatyën Ecrón ets yë'ë winë xyajtëwa'antë?

Zacarías 9:5

Ko ënety ja Ascalón kajpn jëtu'unpë t'ixy, nëjkxëp yë tsë'ëkë tyuktëkëty. Ëxëëk y'ëyowa'any yë Gaza kajpn, mëti'ipë ënety ja Ecrón kajpn jyëjp'ijxypyën jëtu'unyë nëjkx tyëkooytyä'äy. Yë Gaza kajpn tukwa'ats nëjkx wyi'imy ets Ascalón kajpn tukwa'ats nëjkx y'awinpity, ni pën jam kyatsëënëja'any.

Hechos 10:22

Tää ja kukäjpxy y'ëtsoowtë: Ja tsiptuunpë wintsën Cornelio, yë'ëjës xykyäjxtëp. Oy ets mëtëy jyuuky'äty ets wyintsë'këp ja Dios, oyjya'awëyëp ets tsojkëtëp ja jutiis ja'ayëty. Tu'uk ja Dios ja y'anklës të nyë'ëmxëty ets mijts myajwowëty ets nja'amëty ma ja Cornelio ja tyëjkën ets xytyuk'ëwaanëty mëti'ipë mkajpxäämpyën.

Hechos 10:7

Tääts ko ja tsajpjotmëtë kukäjpxy tsyo'ony, ënät ja Cornelio tmëjwooy nimäjtsk ja tyuunpë ets näjyëtu'un tu'uk twoowtsooy ja tsiptuunpë mëti'ipë myëku'ukja'apën ets wyintsë'këp ja Dios.

Hechos 12:23

Ënet ajotkumonë ojts ja Wintsën ja y'anklës yajpa'ampetyë, jä'ä ko ka'ap tmëjja'aw tjaantyja'awëy ja Dios. Ënet tyënë'këy ets y'o'ky.

Hechos 27:23

Ja Dios, mëti'ipës nmëtuumpyën ets xyjyä'ä''ajtpën, äämkyoots tu'uk ja y'anklës të nwin'ixyës.

Hechos 5:19

Tu'uk ojts ja Wintsën ja y'anklës myiny ets ja pujxntëjk tyaj'ëwatsy ets pyëtsëëmtë. Tääts y'ënëmaayëtë:

Hechos 8:29

Ënet ja Kënu'kxymyëkajtën ja Felipe y'ënëmaayë: Ninëjkx ya'atë kepy wintëkäämpë winkon.

Hechos 8:5

Ja Felipe, ojts kyëtä'äky jam Samaria kajpnjotm. Ënet ja Kristë ja y'aaw y'ayuk ojts tkajpxwa'kxë.

Hebreos 1:14

Jä'ä ko ja tsajpjotmëtë kukäjpxy aak poj yë'ëjëty mëti'ipë Dios myëtuuntëpën ets yë'ë yajkäjxtëp ets nëjkx tputëkëtë mëti'ipë ja nitsokën të yajtukumaytyën.

Josue 13:3

mëti'ipë jam najxpën ma ja Sihor mëjnëë jyënäkyën, a'oytsyow ma Egiptë naaxwiinyëtë yajpaatyën, jyä'ty jam ma Ecrón ja tsyëpa'an nyäxyën, jam anëkëjxmtsow mëti'ipë yaj'antijpën ko Canaán ja'ayëty tjä'ä'atë; ma tääpë it naaxwiinyëtën nimëkoxk jam yajpaatë yë filistejë ja'ayëty yë wyintsëntëjkëty, jä'ä mëti'ipë jam yajpaatëpën Gaza, Asdod, Ascalón, Gad ets jam Ecrón. Jaakwë'ëmp näjyëtu'un ja itjot mëti'ipë nyitënaaytyëpën ja Avejë ja'ayëty,

Josue 15:47

Ja kajpn mëti'ipë xyëëwajtypyën Asdod mëët ja myutsk kajpn ets ja pya'a nyux; ja Gaza mëët ja myutsk kajpnëty ets ja pya'a nyux ets tyimja'ty ma ja wokjot nyäxyën mëti'ipë Egiptë tso'onpën ets ma mëët nyäpyäätyë ja Mejy Naax'akukpë.