Hechos 8:20 - Biblia Dc en Mixe de Quetzaltepec

²⁰ Tääts ja Pedro y'ëtsoowë: Poky mijts m'itëty mëët yë mmeeny ëyoowtaknjoty, jä'ä ko xywyinmay xyjyuyä'äny mëti'ipë ja Dios nyayäjkpyën.

Biblia Mixe de Quetzaltepec

²⁰ Tääts ja Pedro y'ëtsoowë: Poky mijts m'itëty mëët yë mmeeny ëyoowtaknjoty, jä'ä ko xywyinmay xyjyuyä'äny mëti'ipë ja Tios nyayäjkpyën.

Hechos 8:20 ပူးပေါင်းရင်းမြစ်များ

Mateo 10:8

Yajtso'oktë ja pa'amja'ay ets mëti'ipë pu'uts mëëtën, yajjuukpyëktë ja o'kpë ets ixkäxtë ja ku'oypyë. Namëyajtën miitsëty të myajmo'otë ya'atë kuttujkën, këtii xynyipëktëty ko pën xyajtso'oktëty.

Daniel 5:17

Ënet ja Daniel t'ëtsooy ja yajkutujkpë: Ëk'ix mijts yajkutujkpë, mëwë'ëm tääpë xynyamo'oja'anyënës, mo'o wiinkpë ja'ay mëti'ipë tunëpën ma mkutujktaknën. Ëjts tyamës n'ëna'any ko ntukmëmëtya'aka'any wi'ix nyiwijyën mëti'ipë jam potsywinm ijtpën këxja'ay.

Hechos 2:38

Tää ja Pedro y'ëtsooy: Ixmatstë ja m'ëxëëk winma'anyëty, jootwinpitë ets mnëëpätëty tu'ukjaty Jesús xyëëwkyëjxm ets ja mpoky yajmä'kxtëty, ets näjyëtu'un ja Kënu'kxymyëkajtën myajmo'otëty.

Apocalipsis 18:15

Ets ja ajuuy ato'kpë mëti'ipë ënety të kyumeenytya'aktën ma jampë kajpnën, jëkäm nëjkx wyë'ëmtë mëët ja tsë'ëkë këtiipë y'ëyo'onpaatëty näjyëtu'un, nyijë'ë nyiya'axtëp je'eyë,

Santiago 5:3

Tëë ja mpu'ts pujxn mpoop pujxn tyowëtyä'äy, ko jëtu'un të jyajta'ay ëxëëk mjata'antë ets jëtu'un mkutëkoya'antë jëtu'un tä tii tyooytyëkoyën. Tëë xynyipëjkpätë ja wit meeny ma ja xëëw kyëxanën.

Hechos 8:22

Jootwinpit ets ya'atë ëxëëk winma'any xy'ëxmatsëty. Ja'amyäts ja Wintsën ets mpoky yajnimä'kxëty mëti'ipë m'aaw'ajtyp mjot'ajtypyën.

1 Timoteo 6:9

E mëti'ipë wit meeny je'eyë y'ixk'ajtypyën, jëtu'un kyuka'ajëtë ëxëëktum ijxtëm tii jëyujk kyukääkën ma y'o'ktaknën, ets ëxëëk jyäty kyëpety ko t'atsoky winë, ja atsojkën yë'ë ja'ay ëxëëk yajjajtyp yajkëpejtyp.

Hechos 11:17

E jëtu'unës n'ëna'any, pën Dios të myo'ojëtë ja mëti'ipë ojts näjyëtu'un ëëtsajtëm nyajmo'oyëmën ko të nmëpëjkëmë ja Wintsën Jesukristë, ¿ëjts tiis natuunta'akëp etsës n'akajpxtukëty mëti'ipë Dios tëë tuknipëjktaakën?

Hechos 10:45

Ja mëpëjkpëtëjkëty mëti'ipë ja Judá ijxpëjkën mëpëjkën tyuk'ijtëtyëpën, mëti'ipë ënety ja Pedro mëët të jya'tën, jä'ä ojts mëj'ixy t'ixtë ko ja'ayëty yajmo'otë ja Kënu'kxymyëkajtën mëti'ipë ka'ap jyutiis'atën,

Mateo 15:19

Jä'ä ko jootjoty tsyoony ja ëxëëk winma'any, ënät ja ja'ay yaja'ay ooktë, tyajma'atë ja pëjkën ukën, nyämyëëttsëënëtë nixim niyam, myäätstë, y'anta'aktë ets nixim niyam nyäwyinkajpx nyäjyëjpkajpxëtë.

Zacarías 5:4

Yë Wintsën mëti'ipë maaytyääyëpën winë jëtu'un y'ënä'äny: Jamës ya'atë pojkën nyajkëta'aka'any mëti'ipë miinpën kuja'ay ma ja'ayën mëti'ipë toonp mä'tspën ets mëti'ipë nëkoo je'eyë wyäämpyën yë nxëëwës ëëwpäjn kajpxpäjn. Ets ya'atë pojkën ënätnëm jyëwa'aka'any ko ënety tëë kyëjxta'ay mya'ta'ay ja tëjkwitsë ets ja tsaa.

Isaías 55:1

Mintë pënjaty tëtsëpën; mintë pënjaty ka'ap wit meeny tmëëtëtyën, jë'kxtë pëktë, kaytyë uuktë namëyajtën; uuktë pëktë tsi'tsknëë, uuktë pëktë tsatym nyëë, ka'ap meeny tsyokyë.

Deuteronomio 15:9

Këtii jëtu'unpë ëxëëk jot ëxëëk winma'any xypyaatëty ets m'ëna'anëty: Tyam ya'atë wëxtujk jëmëjtpë kya'pxanë ma jëtu'unyë nu'kxy yajnime'kxyën. Paaty ka'apës yam tii pën ntuknu'kxa'any ets ka'ap tii ja mjëëky mëku'uk xytyuknu'kxa'anëty. Jä'ä ko pën jëtu'un mijts mja'ay'äty, yë'ë nëjkxëp yë Wintsën tuk'ëwaanë ets ja jëtu'unpë pokytyu'unën nëjkx nyäxy.

Hechos 1:18

Ojts tu'uk tjuy ja naax kam, mëët ja meeny mëti'ipë pyatën ko pyokytyuuny; ok ojts tsixkëtän kyuka'anaxy ets ojts pyëjwä'kxy ets ja tyiinty pyëtsëëmtaay.

Proverbios 15:26

Yë Wintsën ka'ap t'oy'ixy mëti'ipë yë ëxëëkja'aytyëjk jyamaay jyatajtëpën; yë'ë y'oyjya'ap aaw ayuk ka'apë tmëëtëtyën ëxëëk'at.

Deuteronomio 7:26

E paaty yam myajtuk'ëwaanëtë ko këtii jëtu'unpë xymyënëjkxtëty ma mjëën mtëjkëtyën mëti'ipë Wintsën y'ëxëëk'ijxypyën, këtiipë näjyëtu'un m'o'ktëpëty. Jä'ä ko mëti'ipë ënety yë Wintsën të tuknipëjktaakën ets kyutëkoyëty kopkpëky ko kyutëkoyëty, jä'ä ko yë'ë mëti'ipë ënety yë Wintsën y'ëxëëk'ijxypyën.

Hechos 8:19

ets y'ënëmaayëtë: Mooykyës näjyëtu'un yë mëk'ajtën mëti'ipë mmëët'ajtypyën ets näjyëtu'un tpaatëty ja Dios ja myëjaaw myëk'ajtën koos pën nkë'ënixäjëty.