Hechos 8:1 - Biblia Dc en Mixe de Quetzaltepec

¹ Oy ja Saulo tja'awëy ko ja Esteban tyaj'o'ktë. Jä'ä xëëw yajpajëtijtaktë ja mëpëjkpëtëjkëty, mëti'ipë ja Jesús myëpëjktëpën jampë tsyëënëtën Jerusalén. Ni'ëmukë, yi'iyë ja Jesús ja y'ijxpëjkpëtëjkëty ojts ka'ap yajpaatë, jä'ä ko ojts ënätyë ye'eywya'kxta'atë, ets nyëjkxtaaytyë maajaty ja Judea ets Samaria y'itjotmën.

Biblia Mixe de Quetzaltepec

¹ Oy ja Saulo tja'awëy ko ja Esteban tyaj'o'ktë. Jä'ä xëëw yajpajëtijtaktë ja mëpëjkpëtëjkëty, mëti'ipë ja Jesús myëpëjktëpën jampë tsyëënëtën Jerusalén. Ni'ëmukë, yi'iyë ja Jesús ja y'ijxpëjkpëtëjkëty ojts ka'ap yajpaatë, jä'ä ko ojts ënätyë ye'eywya'kxta'atë, ets nyëjkxtaaytyë maajaty ja Judea ets Samaria y'itjotmën.

Hechos 8:1 ပူးပေါင်းရင်းမြစ်များ

Nehemías 6:3

Ënätës ja ayuk ntuknikejxy koos mëj tuunkës ënety jap të nixajë ko ka'ap tjëkyapä'äny nëjkxëtyës ma yë'ë xyjyayaxtsowtënës, jä'ä ko pën njëjpwa'ktutypyës ja tuunk jëtu'unyë ja wyë'ëma'any.

Daniel 6:10

Ko yë Daniel tnija'awëy, ko tëë ja ënä'ämën yajtsa'ay, ënätyë ojts nyijkxy ma tyëjkën ets tya'ëwatsy ja tyëjk'aaw ets ja tyëjkwiin ma myä'äyën, mëti'ipë jam najts'ijxëpën maatsow yë Jerusalén kajpn wyi'imyën ets nyäkyoxtënaaytyakë ets t'ëwtajty ja Dios. Tëkëëk ijty tu'kxëëwpë nyu'kxtä'äky, jëtu'unyëm ënety xëmë tuny.

Daniel 6:23

Ënet ja yajkutujkpë mëk xyoontäky ets ojts tim ënätyë tni'ënä'ämë ets ja Daniel tjuutëty jap kemyjoty. Ko tyajpëtsëëmtë jap ka'ap maa ja Daniel tsyëtyutëty ets ka'ap maa wi'ix të jyäty, mëët jä'äkyëjxm ko ja Dios yë'ë tu'ukyë tuk'ijxpejty.

Mateo 22:6

ets ja wiinkëtypë ni'ikyë ojts tmatstë ja yajkutujkpë ja tyuunpëtëjk ets tyaj'o'ktë.

Mateo 23:34

Paaty miits ntuknikäxa'antë ja Dios ja kyäjpxynyajxpëtëjk, wijyjyä'äytyëjkëty ets yaj'ijxpëjkpëtëjk. E miitsëty myaj'ookantëp jënaakëty ets xyajkruutspäta'antë, tam mëti'ipë nëjkx xykyukox xykyutsiikëtën tsajptëkoty ets nëjkx xypyajëtijta'aktë winnaax win.

Mateo 5:13

Kaanën miitsëty yaa naaxwiiny myajpaatë. Ko ja kaan ja tya'amtsajtën tyëkoy, ka'ap y'ëk'o'oyënë ets jatëkok y'awinpitëty ta'amts. Ka'ap y'ëktuunnë, yaj'ixko'op tu'ujoty ets ja ja'ay y'ateeny tyukteenyë.

Juan 15:20

Ja'amyätstë ijxtëm të nëëmëtë: Ni pën tuunpë wyintsën tkawinaxy. Pën tëëjës xypyajëtijta'aktë, näjyëtu'un miits myajpajëtijta'aka'antë; ets pën tëëjës ëjts ja n'aaw n'ayuk xykyupëjkëtë, näjyëtu'un miits ja m'aaw m'ayuk yajkupëka'antë.

Juan 16:2

Nëjkxëp myaj'ixkäxtë jap tsajptëkoty ets nëjkxëp ja'ay myaj'ookëtë ets jëtu'un nëjkx myäytyë tyajtë ko Dios myëtuuntëp.

Hechos 1:8

E mpëktëp miits ja mëk'ajtën ko ja Kënu'kxymyëkajtën mtukëta'akëtëty ets xykyajpxwa'kxtëty mëti'ipë të xy'ixtën ëjtskyëjxm; jëtu'unts xynyikajpxtëty jam Jerusalén, Judea y'itjotm, Samaria ets ma tu'kë'ëyë it naaxwiinyëtën.

Hechos 13:1

Ma ja mëpëjkpëtëjkën jam Antioquía, jam ijty yajpaatë Dios ja kyäjpxynyajxpëtëjk ets ja yaj'ijxpëjkpëtëjk. Jä'ä ja Bernabé, ja Simón mëti'ipë näjyëtu'un yajtijpën Yëk, Lucio, mëti'ipë Cirenë ja'ayën ets ja Menahem mëti'ipë yä'kën tu'ukyë mëët ja Herodes, jampë yajkutujkyën Galilea ets nän tam ja Saulo.

Hechos 13:36

Jä'ä ko ja David ojts oytyuny ma ja jyä'äyën ijxtëm ja Dios ënety tsokyën, ko ojts y'o'knë jam nyaaxtëjkëy ma ja tyeety y'apën ets ja nyi'kx kyopk ojts wyintëkoy.

Hechos 2:47

Xëmë ijty ja Dios tmëjjawëtë tjaantyjawëtë. Oyjya'awëtëp ni'ëmukë ja ja'ayëty ets winjëpom ja Wintsën ja ja'ay tyajmayë mëti'ipë ja pyoky yajnimä'kxtëpën.

Hechos 22:20

Nyija'awëtëp näjyëtu'un koos jam nyajpaty ma ja Esteban y'o'kyën, mëti'ipë ijty mnimëtyakëpën. Tamës ënety ëjts nyajpaaty ets n'oy'ijxës ko tyaj'o'ktë; ëjts ojts ja yaja'ay'o'kpë ja wyit nkëwent'ajtëtë.

Hechos 26:10

Jëtu'unës n'ëtëtsy jam Jerusalén, ja teety wintsëntëjk ojts xymyo'otës ja kuttujkën etsës ntsumëty nmatsëty mëti'ipë ja Jesús myëpëjktëpën ets ko yajpaye'eytyëty. Nyajkutujkpyës ijty ets y'ooktëty.

Hechos 5:18

ets tmajtstë ets ttsuumtë.

Hechos 5:20

Nëjkxtë jam ma mëjtsajptëjkën ets xytyuk'ëwaanëtëty ja ja'ay ya'atë aaw ayuk mëti'ipë yajjuuky'ajtpën.

Hechos 5:33

Ko jëtu'un tmëtoowtë, tääts tukjoot'anpëjktë ets ojts tjayaj'ooka'antë.

Hechos 5:40

Ojts tja'akyukëtyë mëti'ipë ja Gamaliel kyajpxën. Tää twoowtsoowtë ja ijxpëjkpëtëjk ets tyajkwojpëtë je'eyë, ets t'ënëmaaytyë ko ka'ap t'ëknimëtyaknëtëty ja Jesús. Tääts t'ëxmajtstë.

Hechos 7:38

Ko ënety ja Israel ja'ayëty jam të ye'eymyuktë të'ëts'itum, yë'ë ja Moisés ojts kyäjpxynyäxy ma ja Dios kukäjpxy ets maa ja naax kajpnën ko jam myëkajpxë ma ja Sinaí kopkën; yë'ë ojts yajmo'oy ja aaw ayuk mëti'ipë yajjuuky'ajtpën ets ëëtsajtëm ojts xytyuk'ëwa'anëmë.

Hechos 7:54

Ko jëtu'un tmëtoowtë ja tsajptëkotyëtë yajuntë'ajtpë, ënät tukjoot'anpëjktë ja Esteban ets nyätyëtskä'pëtë mëët ja äkë.

Hechos 7:58

Ënet tyajpëtsëëmtë jam kajpnjotm ets tkuka'tstë; mëti'ipë ja Esteban nyi''ë'ënëtëpën yë'ë ja wyit tyukmëwë'ëmtë ja Saulo ets jam tkëwent'atëty.

Hechos 8:14

Ko ja ijxpëjkpëtëjk tnija'awëtyë, mëti'ipë jam jaakwë'ëmtën Jerusalén, ko tam ja Samaria mëti'ipë myëpëjktëpën ja Dios ja y'aaw y'ayuk, tää ja Pedro yajkäjxtë mëët ja Juan.

Hechos 8:2

Tam jënaakën mëti'ipë ja Dios myëpëjktëpën, yë'ë yajnaaxtëjkëtyë ja Esteban ets tnijëëy tniyaxtë.

Hechos 8:4

Ja mëpëjkpëtëjk mëti'ipë pëtsëëmtën jam Jerusalén, jä'ä ojts tnikäjpxy tnimëtya'aktë ja Dios ja y'aaw y'ayuk maajëty nyëjkxtën.

Hechos 8:5

Ja Felipe, ojts kyëtä'äky jam Samaria kajpnjotm. Ënet ja Kristë ja y'aaw y'ayuk ojts tkajpxwa'kxë.

Hechos 9:31

Jotkujk ja mëpëjkpëtëjk yajpaatë mëti'ipë tsënaaytyëpën jam Judea y'itjotm, Galilea ets Samaria. Wimpäjt'ëtëtstëp ja myëpëjkën, xëmë ja Wintsën twintsë'ëkëtë ets nyimayë'ëtë'ëtstë, näjyëtu'un ja Kënu'kxymyëkajtën ojts yajjotkujk'ätëtë.

Romanos 1:32

Nyija'awëtëp ko Dios të tuknipëjktaakë ko paat'ajtëtëp ja o'kën mëti'ipë jëtu'un ëtëtstëpën ets ka'ap yi'iyëty ko jëtu'un tuun'ëtë'ëtstë, tyukxoontaktëp yë'ëpaat ko ja wiinkëtypë jëtu'un y'ëtë'ëtstë y'ëna'antë.

Filipenses 1:12

Mëku'uktëjkëty, ntsojkpyës ets xynyijawëtëty ko mëti'ipës të xyäty të xykyëpetyën yë'ëkyëjxm të jyëtu'un'aty ets myëjtëkëty ja oy aaw oy ayuk.

Hebreos 11:27

Mëët ko myëpëjky ja Moisés ojts tsyoony jap Egiptë, ka'ap tsyë'këy, oy ja yajkutujkpë jya'ekyë, tu'ukyë ja jyot wyinma'any tpëjktäky ijxtëm jeexyë tim'ixyën ja Dios, mëti'ipë ka'ap yaj'ixyën.