Hechos 7:60 - Biblia Dc en Mixe de Quetzaltepec

⁶⁰ Ko jëtu'un y'ënaantaay, tää kyoxtënaay ets mëk y'ënäny: Wintsën, këtii xytyukpoky'atëty ya'atë tuuntëko'oyën koos xyaj'ooktë. Ko jëtu'un y'ënaantaay, tääts y'o'ky.

Biblia Mixe de Quetzaltepec

⁶⁰ Ko jëtu'un y'ënaantaay, tää kyoxtënaay ets mëk y'ënäny: Wintsën, këtii xytyukpoky'atëty ya'atë tuuntëko'oyën koos xyaj'ooktë. Ko jëtu'un y'ënaantaay, tääts y'o'ky.

Hechos 7:60 ပူးပေါင်းရင်းမြစ်များ

Esdras 9:5

Ënet ojts wäänë ja monyëtukyë xynyiwa'atyës ets tamës jëtu'un ja nwit nixox'aty koos ntëjkëy kajpxtakpë ma Wintsën Tiosën,

Daniel 12:2

May ja mëti'ipë maatëpën jap naaxjoty, nëjkxëp jyuukywyijtë: Tam mëti'ipë nëjkx jyuuky'ätyën xëmëkyëjxm ets tam mëti'ipë nëjkx je'eyë tsyëtyuny jyääypyätë ets nëjkx ja ëyo'on tpaaty ja xëmëkyëjxmëpë.

Daniel 6:10

Ko yë Daniel tnija'awëy, ko tëë ja ënä'ämën yajtsa'ay, ënätyë ojts nyijkxy ma tyëjkën ets tya'ëwatsy ja tyëjk'aaw ets ja tyëjkwiin ma myä'äyën, mëti'ipë jam najts'ijxëpën maatsow yë Jerusalén kajpn wyi'imyën ets nyäkyoxtënaaytyakë ets t'ëwtajty ja Dios. Tëkëëk ijty tu'kxëëwpë nyu'kxtä'äky, jëtu'unyëm ënety xëmë tuny.

Mateo 27:52

ëwatstë ja o'kpë jut, ojts ja ja'ay nyixuukpyëktë mëti'ipë ënety tëëyëp o'ktëpën mëti'ipë ja Dios myëtuuntën.

Mateo 5:44

E ëjts jëtu'un miits n'ënëëmëtë, tsoktë ja mmëtsipëty ets tuknija'amyätsëtë Dios pën m'ixjëtijt mpajëtijtëtëp.

Lucas 22:41

Tääts ja Jesús ojts nyijkx ëpëky, tu'kjamën ko tu'uk yë tsaa naska'tsëmëty. Jamts ojts nyäkyoxtënaaytyä'äkyë ets ja Dios tja'amyejtsy:

Lucas 23:34

Tääts ja Jesús y'ënäny: Dios Teety, nimä'kx, jä'ä ko ka'ap tnijawëtë tii tyuuntëp. Tääts ja tsiptuunpëtëjkëty tni'ëyë'ktë ja Jesús ja wyit ets aak ayi'iyë ojts twijtswa'kxtë.

Lucas 6:28

Amëtowtë Dios ets tkënu'kxëty mëti'ipë mkajpxpojkëtëpën, tuknija'amyätsëtë Dios mëti'ipë oywyi'ixjaty mtuunëtëp mnëmaayëtëpën.

Juan 11:11

Ënet ja Jesús jyaak'ënany: Tëë myaanaxy ja nmëku'ukës Lázaro, tyamës nyuxa'any.

Hechos 13:36

Jä'ä ko ja David ojts oytyuny ma ja jyä'äyën ijxtëm ja Dios ënety tsokyën, ko ojts y'o'knë jam nyaaxtëjkëy ma ja tyeety y'apën ets ja nyi'kx kyopk ojts wyintëkoy.

Hechos 20:36

Ko jëtu'un kyajpxtaay, tää ja Pablo nyäkyoxtënaaytyakë ets ojts tkënu'kxta'ay ja mëpëjkpëtëjk.

Hechos 21:5

Ko wëxtujk xëëw nyäjxy, ni'ëmukës ojts ntsoontë. Ni'ëmukë ja mëpëjkpëtëjk mëët ja y'u'unk tyo'oxytyëjkëty ojts xypyatso'otës ets xynyaswo'owëtyës jam kajpnpë'am. Jam mejy ëkë'ëm ja Dios ojts nja'amyätstës.

Hechos 9:40

Tääts ja Pedro tkäjxpëtsëëmtaay ja ja'ayëty ets nyäkyoxtënaaytyakë ets ja Dios ojts tmëkäjpxy ets ja o'kpë tniwa'akwinpijty ets y'ënäny: Tabitá, pëtë'ëk. Ënet ja o'kpë ojts y'ijxwä'kxy ets ja Pedro yajwintë'kxy ets wyä'tskujkëy.

1 Corintios 11:30

Paaty miits ja mmëku'uktëjkëty jënaakën pya'ampätë ets myontë tyuktë ets tää mëti'ipë të y'ooktën.

1 Corintios 15:18

Pën jëtu'un, mëti'ipë të y'ooktën ets myëpëjktë ja Kristë, nän tëëjën ja tyimkutëkoytyë.

1 Corintios 15:20

E yë'ë tëy'ajtën'ajtp ko ja Kristë të jyuukpyiky, yë'ë jëtu'un ijxtëm më''ëka'any pyëti'ikyën ja pëjktä'äky, yë'ë jëyëjp të jyuukpyiky.

1 Corintios 15:51

E yë'ëjës ntsojkpy ets miits xynyijawëtëty mëti'ipë ijty ka'ap yajnijawën, ka'ap nëjkx ni'ëmukë n'o'këmë, je'eyë nëjkx ni'ëmukë ntëkajtsëmë,

1 Corintios 15:6

Ok ojts nyänyikëxë'ëkyë ma ja nimëkoxk mëko'px naxypyë ja mëpëjkpëtëjkëtyën. Tää nimay jyuuky'atënëm, jënaakën tëë y'o'knëtë.

1 Tesalonicenses 5:10

Tëë ja Kristë xykyu'o'këmë ets mëët n'ijtmëty, oy njuuky'ajtmëty ëkë oy n'o'kmëty.

2 Timoteo 4:16

Koos ënety nänyikajpxtu'utyë ma ja kutuunkëtyën, ka'ap ojts pën xypyutëkës, ni'ëmukë xy'ëxmajtstaaytyës. Jääpëk yë Dios ka'ap tja'amyetsy.

2 Pedro 3:4

ets tyajtëwa'antë: ¿Wi'ix ko jëtu'un ja Dios ja y'aaw y'ayuk y'ënä'äny ko ja Kristë myina'any jatëkok, ka'ap maa yaj'ixy? Tëëyëp ja n'ap'ajt n'ok'ajtëm y'o'ktaaynyëtë ets je'eyëm winë yaj'ixy ijxtëm ja naaxwiinyëtë tsyo'ontäkyën.