Hechos 7:48 - Biblia Dc en Mixe de Quetzaltepec

⁴⁸ Oy jyajëtu'unëty, Dios ka'ap jap tsyënaay ma ja tëjkën mëti'ipë ja'ay y'oytyuunpyën, ijxtëm ja käjpxynyajxpë y'ënä'änyën:

Biblia Mixe de Quetzaltepec

⁴⁸ Oy jyajëtu'unëty, Tios ka'ap jap tsyënaay ma ja tëjkën mëti'ipë ja'ay y'oytyuunpyën, ijxtëm ja käjpxynyajxpë y'ënä'änyën:

Hechos 7:48 ပူးပေါင်းရင်းမြစ်များ

1 Reyes 8:27

Je'eyëp ko ¿Wä'än jëtää tyiyëty ko yë Wintsën jyëkyejpy jyuuky'atëty naaxwiiny naaxkëjxyë? Ix yë tsajp, ix jënu'un myëjëty ets ka'ap myäyë nyikojta'ajëtëty. E ya'atë tsajptëjk mëti'ipës yam të nkojyën tim yi'inëm yë'ë.

2 Crónicas 6:18

E kë'ëmtsës yam näyyajtëyë, ko yë Wintsën ¿wä'än jëtää tjëkyepy y'ijtmukëty mëët yë naaxwiinyëtë ja'ayë? Yajnija'ap ko tsajp ets poj yoots ka'ap myëtä'äky mëët yë'ë, e tyam ¿wä'än jëtääjën ënät jap m'ëk'itaanpëtyë ma tu'uk ja tëjkën mëti'ipë mijts të mjayajtuknikojënë?

Salmos 46:4

Jää tu'uk yë mëjnëë mëti'ipë jëtu'un xajwa'kxpën tä ja'ayën, yajxoontäkpy yë Dios yë nyaax kyajpn, tääpë naax kajpn këjää wya'atsëty, yë'ë kyajpn ja ni'ik Këjxmëpë.

Salmos 7:17

Nmëjpëjkta'akäämpyës yë Wintsën jä'ä ko oy winë tnipaye'ey; n'ëwäämpyës yë ëy mëti'ipë kyuuy'iipyën yë Wintsën yë xyëëw, yë xyëëw Ni'ik Këjxmëpë.

Salmos 91:1

Pën juukyajtpën ma Dios ja kyë'ëpa'tkën, ma nyikë'ëy nyixajyën ja Ni'ik Këjxmëpë ets mëti'ipë maaytyääyëpën winë,

Salmos 91:9

Jä'ä ko yë Wintsën yë'ë të xypyëjktä'äky ijxtëm tu'uk yë tsoktaknën; yë Ni'ik Këjxmëpë të xy'ixy ijxtëm tu'uk këwent'ajtpën,

Salmos 92:8

E mijts Wintsën, xëmë këjxm m'ita'any.

Daniel 4:17

Ya'atë tëytyu'unën të yajnikäjpxy, mëti'ipë yë anklëstëjk këwent'ajtpë të t'awitstën ets tëkokyë naaxwiinyëtë ja'ay nijawëtëty ko yë Dios Ni'ik Këjxmëpë myëët yë mëk'ajtën ma naaxwiinyëtë ja'ay kyutujktaknëtyën, myoopy yë kuttujkën yë ja'ay mëti'ipë tyuk'më'a'ijxëpën ets yajwintsën'ajtyp ja ja'ay yu'unkpë naxymyëpë ma ja naax kajpnën.

Daniel 4:34

Ko ojts ja kyäjpxy ja xëëw jëmëjt jënu'un ënety të yaj'awitsyën ja tëytyu'unën, ëjts Nabucodonosor ojts mpa'at'ixy tsajpkëjxm etsës näjya'awëypyätë ko tëëtëmës ntso'oky; ënät ojts ja Dios Ni'ik mëti'ipë xëmë juukyajtpën, ojts nmëjjaw njaanty jawës ets nkukajpxës mëët ya'atë aaw ayuk: Yë myëj'ajtën xëmë y'itëty; yë kyutujkën xëmë yajpaatëty najts'ook najtskä'äxë.

Oseas 7:16

Yë'ë ojts tninëjkxtë wiink tios, jëtu'un tä ti'pxnën ka'apë kyujkye'eyën, ka'apë jyä'tyën ma jyayajtukni''ixën. Mëët ko kyajpxtë myëtya'aktë amëj akëjxm, yë kyopktëjkëty kupuxy nëjkx y'o'kta'atë ets jap Egiptë je'eyë nëjkx yajnëxi'ik yajtukxi'iktë.

Lucas 1:32

Mëj'äämpy nëjkx y'ity, Dios U'unk yajtija'any, ja Wintsën nëjkx pyëjktä'äkyë yajkutujkpë ijxtëm ja y'apteetyën David,

2 Corintios 5:1

Jëtu'un ëëtsajtëm tä tu'uk ja tëjkën naaxwiinypë yajpaatyën, tä wit tëjkën mëti'ipë ka'ap jeky y'ityën; je'eyëp ko nnija'awëm pën ya'atë tëjk wintëkoopy, tap ja Dios xytyukjëjp'ijxëm tu'uk ja tëjk tsajpjotm mëti'ipë xëmëkyëjxm ijtpën, mëti'ipë ka'ap jyä'äyëty të tkojyën.

Deuteronomio 32:8

Tëëyëp, yë Dios Ni'ik Këjxmëpë, ojts tyajwä'kxy yë naaxwiinyëtë, ets näjyëtu'un yë naax kajpn, ko ojts tyajnämyä'kxyë, ënät ojts tpëjktä'äky ja nyitsëpa'an. E ja Israel ja'ayëty ka'ap ojts tja'atyëkoy, ni'ikyë tsojky tja'awëy.