Hechos 7:44 - Biblia Dc en Mixe de Quetzaltepec

⁴⁴ Ma ja të'ëts itjotmën, jam ja nteety'ajt n'ap'ajtëm ijty tmëët'atë ja po'o wit tëjk, mëti'ipë myë'ijtypyën ja käjpxytyu'un mëët ja Dios; yë'ë ja Dios tyuk'ënä'äm ja Moisés ets t'oytyunëty jëtu'un ijxtëm ënety të t'ixyën ja nyi''ijxpät.

Biblia Mixe de Quetzaltepec

⁴⁴ Ma ja të'ëts itjotmën, jam ja nteety'ajt n'ap'ajtëm ijty tmëët'atë ja po'o wit tëjk, mëti'ipë myë'ijtypyën ja käjpxytyu'un mëët ja Tios; yë'ë ja Tios tyuk'ënä'äm ja Moisés ets t'oytyunëty jëtu'un ijxtëm ënäty të t'ixyën ja nyi''ijxpät.

Hechos 7:44 ပူးပေါင်းရင်းမြစ်များ

1 Crónicas 28:11

Ënet ja David ojts tkë'ëmo'oy ja myaank Salomón ja noky, ma myinyën këxja'ay wi'ix kyoja'anyën ja tsajptëjk ja nyitëjkëtyakn, wi'ix yajkojëtyën ja tëja'aw, ja tëkot, naak yaj'akojtuka'anyën ja tëkot mëti'ipë kënu'kxyën ets ëmaayën ets maa y'itëtyën ja Wintsën ja kyaaxë.

1 Crónicas 28:19

Tëkokyë ya'atë aak këxja'ay myiinta'ay ma tu'uk yë nokyën mëti'ipë ënety yë Wintsën kë'ëm të timnyaskajpxën ets David tkujaaytyääy, ma tnikäjpxyën wi'ix mëpaat ja Wintsën ja jyëën tyëjk yajkojy ets wi'ix ja tuunk tyu'uye'eyëty.

2 Crónicas 24:6

Ënet ja yajkutujkpë ojts tmëkäjpxy ja teety Joiadá ets t'ënëmaay: ¿Wi'ix ko ka'ap mëktä'äky xytyuk'ëne'emy yë Leví ja'ayëty ets tyajmuktëty ja këpäjtën jam Judá ets Jerusalén mëti'ipë ja Moisés ojts tni'ënä'ämën ets mëti'ipë ja naax kajpn ojts tni'ënä'ämën mëti'ipë jap tunëpën ma ja wit tëjkën ma ja näpyaatë y'ityën?

Éxodo 25:40

Jëtu'un xyajkojëty tä të ntuk'ixyën ja nyi''ijxpät jap kopkëjxy.

Éxodo 26:30

Tääts ënät xyajkojëty ja tsajptëjk, tä të nmo'oyën ja nyi''ijxpät ma ya'atë tun kopkën.

Éxodo 27:8

Ya'atë wintsë'këntyakn tukwa'ats xyajkojëty, aakyë'ë kepy mpëjkta'akëp, jëtu'un xyajkojëty tä të ntuk'ixyën jam kopkëjxm.

Éxodo 38:21

Yë Moisés ojts tni'ënä'ämë ets yë'ë ojts tuknipëky yë Itamar, yë teety Aarón yë myaank ets yë'ë tyu'uwinwowëty ma ja Leví ja'ayëtyën ets tmëtyoowmujkta'atëty tëkokyë ja pujxn mëti'ipë ënety të tyunyën ma Dios ja jyëën tyëjkën, mëti'ipë myë'ijtypyën ja käjpxytyu'unën.

Hebreos 8:2

Jap ja tyuny ma ja mëtëypyën ets wa'atspë ja tsajptëjkën mëti'ipë ja Wintsën të tkojyën, ka'apë jyä'äyëtyën.

Hebreos 8:5

E ya'atë teetyëty jap tyuntë ma tu'uk ja tëjkën ma ja tsajpjotmëpë të nyikojtu'utyën. Ets yajnija'ap ko je'eyë të nyikojtu'uty, jä'ä ko ja Moisés ënety jam tkoja'any ja tsajptëjk, jëtu'un ojts ja Dios nyë'ëmxëty: Mëtoowkukë yajxon ets näjyëtu'un xykyojëty ijxtëm të ntuk'ixyën jam kopkëjxm.

Josue 18:1

Ja Israel ja'ayëty jam ojts jya'ajtmujkta'atë Siló ets jam tkoja'antë ja Wintsën ja wyittëjk ma mëët ja näpyaatë y'ityën. Ja naaxwiinyëtë jampë yajpaatyën oy ënety të tjajä'äpëjkta'atë,

Josue 3:14

Ënet ja Israel ja'ayëty tsyo'ontaaytyë ma ja wyittëjkëtyën ets tuknajxtë ja Jordán mëjnëë, jëjp'am ye'eytyë ja teetytyëjkëty mëti'ipë ja kaaxë kyiiynyëjkxtëpën mëti'ipë ja käjpxytyu'unën myë'ijtypyën. E tim je'eyë ja teetytyëjkëty nyëëkuwa'ktë ets ja tyeky tyajxo'ktë jëtu'unyë ja nëë wyimpëtijtmujky ets ojts jamtsow kyuye'eyë anëkëjxytsyow ma Adam kajpnën mëti'ipë winkon wë'ëmpën mëët yë Seredán kajpn, tääpë kajpn napotsy ijty. E ja nëë'aaw mëti'ipë jam ja'ajtpën ma ja Tsaptsmejyën ojts tyimnëjkxy, koonëm pyëyë'ktaay. Jëtu'un'äämpy ojts ja mëjnëë nyäwyä'kxyë ets ja Israel ja'ayëty tuknajxtëy të'ëts wa'ats winkon ma Jericó kajpnën.