Hechos 7:41 - Biblia Dc en Mixe de Quetzaltepec

⁴¹ Tääts tu'uk ja mëxu'unk tsajpkaa tyaj'akojnajxtë, may ja jëyujk tyaj'o'ktë ets tukwintsë'këtyë ja mëxu'unk tsajpkaa. Ënet twin'äjts twinpujtë mëti'ipë y'oytyuuntën kë'ëm.

Biblia Mixe de Quetzaltepec

⁴¹ Tääts tu'uk ja mëxu'unk tsajpkaa tyaj'akojnajxtë, may ja jëyujk tyaj'o'ktë ets tukwintsë'këtyë ja mëxu'unk tsajpkaa. Ënät twin'äjts twinpujtë mëti'ipë y'oytyuuntën kë'ëm.

Hechos 7:41 ပူးပေါင်းရင်းမြစ်များ

Nehemías 9:18

Oy kë'ëm tjatimyajkojtë ja y'awinaxëty pujxnëpë y'oytyunyëtyën mëët, jëtu'unpë kyëxë'ëkyën tä tsajpkaajën ets y'ënantë ko yë'ë të yajpëtsëmëtë jap Egiptë ets aakjä'ä tyuuntë mëti'ipë yajjoot'anpëjkpën,

Oseas 9:1

Israel, këtii mxoontä'äky; këtii mnëputy myujkputy tä wiinkëtypë kajpnëtyën, jä'ä ko mijts jëtu'un të m'ëtë'ëtsy tä tu'uk yë to'oxytyëjkën mëti'ipë yë jyot nyini'kx tyo'kpy yäjkpyën ko të xy'ëxmatsy ja mTios. Ma pyajk'atyën yë tsajpmok jää xyjyëjp'ixy myajmëjuyëty ko xytyooky xyäky yë mjot mnini'kx.

Oseas 9:10

Jëtu'un yë Wintsën y'ënä'äny: Koos mpaty yë Israel, jëtu'unës jotkujk näjya'awëy tä ja'ay tpaatyën yë tsatsym jam të'ëts'itjotm. Yë m'ap m'okëty jëtu'unës n'ijxy tä yë higos tsojk tsyaamë'ëkyën. E ko jam jyajtë Baal-peor wiink tios ojts nyätyukmëkënu'kxëtë ets ojts tuntë winë ëxëëk tä y'ëxëkëtyën yë y'awinaxëty mëti'ipë ënety tsyojkën'ajtëpën.

Apocalipsis 9:20

E ja ja'ay mëti'ipë jaakwë'ëmtën mëti'ipë jaakjuukyëtyën mëët ja jëtu'unpë ëyo'on, ka'ap ja t'ëxmajtstë ja y'ëxëëk winma'anyëty, wyintsë'ëkë ëtëtstëp ja ku'oypyë, ja awinax mëti'ipë pu'ts pujxn, poop pujxn, tsuxkpujxn, tsaa ets kepy mëët y'oytyunyëtyën; mëti'ipë ka'ap myëtoyën ets mëti'ipë ka'ap ye'eyën.