Hechos 7:36 - Biblia Dc en Mixe de Quetzaltepec

³⁶ Moisés ojts tyajpëtsëmy ja nteety'ajt n'ap'ajtëm jam Egiptë; ojts tyaj'ixyë ja mëj'ajtën jap Egiptë, jam Mejyjyotm ets wëxtyikxy jëmëjt jam të'ëts'itjotm.

Biblia Mixe de Quetzaltepec

³⁶ Moisés ojts tyajpëtsëmy ja nteety'ajt n'ap'ajtëm jam Egiptë; ojts tyaj'ixyë ja mëj'ajtën jap Egiptë, jam Mejyjyotm ets wëxtyikxy jëmëjt jam të'ëts'itjotm.

Hechos 7:36 ပူးပေါင်းရင်းမြစ်များ

Éxodo 14:21

Ënet ja Moisés ja tyajk jam tnajtstijëy nëëjotm, tä ja Dios tu'uk ja mëkpoj tkejxy, tu'ktsu'um ojts pyojy ets ja nëë mäjtskpëky nyäwya'kxë. Jëtu'un ojts ja Dios ja naax tyajnitëtstu'uty jam nëëjotm,

Éxodo 12:41

Jä'ä xëëw ma ojts kyä'pxyën taxk mëko'px ja i'px majk jëmëjt, jä'ä xëëw ojts ja Dios ja nyaax kyajpn tsyo'onë jap Egiptë.

Éxodo 33:1

Tä yë Dios t'ënëmaay yë Moisés: Nëjkx ënät tyam, tsoon yaa ma ya'atë it naaxjotmën, woownëjkx ya'atë naax kajpn mëti'ipë jap mju'tën Egiptë. Jam tyam nëjkxtë ma ja it naaxjotmën mëti'ipës ojts ja Abraham, Isaac ets Jacob ntukwinwanëtën, koos yë y'u'unk y'okëty nmo'oja'antës tääpë it naaxwiinyëtë.

Éxodo 16:35

Yë Israel ja'ayëty jä'ä ja maná tkaaytyë t'uktë wëxtyikxy jëmëjt, koonëm ojts jam jya'të ma ja naax kajpnën, ma ja tsyëpa'an nyäxyën ja Canaán itjotm.

Hebreos 8:9

Ka'ap y'ëkjëtu'un'ajnë ijxtëm ja y'aptëjk ojts mëët nkäjpxy'ätyësën ko ojts nyajpëtsëmtës jap Egiptë y'itjotm; jä'ä ko ka'ap tpatuuntë mëti'ipës ojts mëët nkäjpxy'atën, paatyës ojts n'ëxmatstë.

Hechos 13:18

Wëxytyikxy jëmëjt jam të'ëts'itjotm tmëmä'kxtujky.

Hechos 7:42

Paaty ja Dios y'ëxmajtsëtë ets twintsë'ëkëtëty ja matsa'a ets tiijaty jam tsajpwinmën. Jëtu'un ijxtëm ja Dios ja kyäjpxynyajxpë ënety ja nyoky y'ënä'änyën: Miits, Israel ja'ayëty, ko m'ijtë jam të'ëts'itjotm wëxtyikxy jëmëjt, ¿xymyooytyës ja wintsë'kënë?

Salmos 95:10

Wëxtyikxy jëmëjt ojts tääpë kajpn ntukjoot'anpëkyës, etsës n'ënany: Tyaapë ja'ayëty xit ko'ow të jyajta'atë, jä'ä ko ka'ap të tuntë ijxtëm të njatuk'ënä'ämtënës.

Nehemías 9:10

Mëjwiin këjää ojts ja mëj'ajtën xyaj'ixyë ets mëjwiin këjää winë xytyuuny ma ja yajkutujkpë ënety yajkutukyën, wa'ats t'ijxtaay tnija'awëtyääytyë ja tyuunpëtëjkëty ets ja wyintsëntëjkëty mëët ko ënety janty amëj akëjxm tyimnäyajnaxyë ets ko ënety o'ktëy ja Israel ja'ay timtyuny timy'ënëëmë. Jëtu'un'äämpy ja'ay mpëjktakë ijtëpën oy tyimmaajëty.

Deuteronomio 8:4

Ma wëxtyikxy jyëmëjt nyäjxyën, yë mwit mtujkxyëty ka'ap ojts tsyojk'ëmëjë ets mkë'ë mtekyëty ka'ap niwi'ix jyajtë.

Éxodo 3:20

E ëjts nyaj'ixanëpës yë nmëjajtën, nëjkxëpës mëj këjää ntëytyuntë yë Egiptë ja'ayëty mëët ja o'kën tëko'oyën ets ntuk'ixtëpës mëjëtypë këjääjëtypë mëj'ajtën ma nyaax kyajpnëtyën; e koonëm ënety jëtu'un të tyuny të jyätyë, täänëm nëjkx m'ëxmatsëtë.

Salmos 95:8

Këtii yë mjot mwinma'any juun xypyëjkta'aktë, jëtu'un ijxtëm ojts jyäty kyëpetyën jam Meribá, ets jëtu'un ijxtëm ojts jam tëkok jyätyën Masá, jam të'ëts'itjotm,

Juan 4:48

Ënet ja Jesús y'ëtsoowë: Miitsëty ka'ap mëpëktë pën ka'ap xy'ixtë ja mëj'ajtën.

Hebreos 3:8

këtii ja mjot mwinma'any juun xypyëjkta'aktë ijxtëm y'ëtëtstën ja m'aptëjkëty ko ja Dios ojts tukjoot'anpëktë jam të'ëts'itjotm ets tjawinma'any'ixantë.

Hebreos 3:9

Jam ojts xywyinma'any'ixtës miits ja m'aptëjkëty oy ënety të tja'ixtë ja ntuunkës wëxtyikxy jëmëjt.