Hechos 7:3 - Biblia Dc en Mixe de Quetzaltepec

³ Tääts ja Abraham yajnëmaay: Ixmats yë mtsënaaytyakn ets näjyëtu'un yë mmëku'uktëjk ets mnëjkxëty ma ja naaxwiinyëtën mëti'ipë ntukni''ixëjäämpyën.

Biblia Mixe de Quetzaltepec

³ Tääts ja Abraham yajnëmaay: Ixmats yë mtsënaaytyakn ets näjyëtu'un yë mmëku'uktëjk ets mnëjkxëty ma ja naaxwiinyëtën mëti'ipë ntukni''ixëjäämpyën.

Hechos 7:3 ပူးပေါင်းရင်းမြစ်များ

Génesis 12:1

Tëkok ja Dios t'ënëmaay ja Abram: ëxmats yë mnaax mkam, mjëën mtëjk, mjëëky mëku'uk ets mteety mtaak, nëjkx jam ma ja it naaxwiinyëtën mëti'ipë yam ntukni''ixëjäämpyën.

Génesis 15:7

Jëtu'un y'ënëmaayë: Ëjts jëtu'un Wintsën. Ëjts mijts të nyajpëtsëmy Ur, ma nyaaxjotmën yë Caldeo ja'ayëty ets ya'atë naax kam mijts ntukkumayä'äny.

Génesis 20:13

Koos ojts ja Dios xy'ëne'emy etsës ëjts mpëtsëmëty maas ja nteety ja jyëën tyëjkën. Ënätës ojts n'ënëëmë ja nto'oxytyëjk, ko oymyaanaax myaakajpn ntimjya'tëtyës, jëtu'un y'ëna'anëty koos xy'äy'äty ets koos yë'ë n'uty'äty.

Nehemías 9:8

M'ijx ko mijts ënety mtimtyuk'ijxpäjtëp, paaty tyuuny ja käjpxytyu'unën mëët yë'ë: Ko xy'ënëmaay ko yë'ë nëjkx ja y'u'unk y'ok xymyo'oy ja nyaaxëty ma tsyëënëtën ja Canaán ja'ayëty, Hit ja'ayëty, Amor ja'ayëty, Ferez ja'ayëty, Jebús ja'ayëty ets gergeseos ja'ayëty; e tëëjës ja m'aaw m'ayuk xjyäntykyuuytyuny jä'ä ko mijts mpatuunpy ja mëti'ipë mnikäjpxypën.

Mateo 10:37

Pën ja tyaak tyeety wäänëni'ik tsyojkpy këtiinëm ëjts, ka'ap pyaat'atyë etsës nja'ay'atëty; ets pën ja nyëëx ets ja myaank ni'ik tsyojkpy këtiinëm ëjts, ka'ap pyaat'atyë etsës nja'ay'atëty.

Lucas 14:33

Näyjyëtu'un miitsëty pën ka'ap xy'ëxmatstë tu'kë'ëyë winë, ka'ap tjëkyëpy n'ijxpëjkpë'atëty.

Hechos 7:4

Tääts ja Abraham tsyo'ony jam Mesopotamia ma ja Caldeo ja'ay tsyëënëtën ets ojts nyijkx tsënääpyë jam Harán. Ko ja Abraham ja tyeety y'o'ky, ënät ja Abraham ja Dios yajmiinë yaa ma tyam ëëtsajtëm ntsëna'ayëmën.

2 Corintios 6:17

Paaty näjyëtu'un ja Wintsën y'ënä'äny: Puye'eytyu'utë yë'ëjëty, ets näjyëpëkëtë, ka'ap xytyontëty ja ëxëëkpë, ets miits nkupëktëty.

Hebreos 11:8

Mëët ko myëpëjky ja Abraham paaty ojts ja Dios tmëmëtoy ko y'ënëmaayë ets pyëtsëmëty ma ja nyaax kyajpnën, ënät tsyo'ony ets ojts nyijkx ma ja Dios ënety ja naax tyukumayä'änyën. Ko tsyo'ony ma ja nyaax kyajpnën, ni tkanijawë maa ënety nyijkx.

Josue 24:3

E jamts jëtu'un yë Abraham nyajtso'onyës ma ja Éufrates nëëpa'ajën etsës ojts nyajjëtity ma ja Canaán ja y'itjot nyaaxjotmën. Täätsës nyajnimayëy ets jëyëjp nmooyës yë myaank Isaac,