Hechos 6:3 - Biblia Dc en Mixe de Quetzaltepec

³ Mëku'uktëjkëty, tyam ëëts yajxon nikajpxtë ko xynyikajpxpätëty niwëxtujk ja ja'ay, mëti'ipë mtukmë'a'ijxëtëpën wijy kejy yajpaatëty ets mëti'ipë ja Kënu'kxymyëkajtën mooyëpën ja mëk'ajtën ets ja winma'any ets tuntëty tkajpxtëty mëti'ipë ja Dios tsyojkpyën. Yë'ë mtuknipëktëp ets ja näypyutëkë yë'ë tyajwa'kxtëty.

Biblia Mixe de Quetzaltepec

³ Mëku'uktëjkëty, tyam ëëts yajxon nikajpxtë ko xynyikajpxpätëty niwëxtujk ja ja'ay, mëti'ipë mtukmë'a'ijxëtëpën wijy kejy yajpaatëty ets mëti'ipë ja Kënu'kxymyëkajtën mooyëpën ja mëk'ajtën ets ja winma'any ets tuntëty tkajpxtëty mëti'ipë ja Tios tsyojkpyën. Yë'ë mtuknipëktëp ets ja näypyutëkë yë'ë tyajwa'kxtëty.

Hechos 6:3 ပူးပေါင်းရင်းမြစ်များ

Éxodo 18:21

Mëti'ipë tëy mijts mtunëp, win'ix kanaak yë ja'ay mëti'ipë m'a'ijxëpën oy winë tuntë ets tsyë'këtyëp yë Dios ets mëtëy winë tkajpxtë tmëtya'aktë, ijxtëm yë ja'ayëtyën mëti'ipë ka'ap tii yë myëku'uk awin'ëënë tpëjkën ets jëtu'un xytyuknipëkëty ya'atë tuunk, mëti'ipë wyintänëtëpën ja ja'ayëty nitu'kmiljaty, nitu'kmëko'pxjaty, niwëxtyikxymyajkjaty ets nimajkjaty.

Isaías 28:26

Yë Dios yë'ë tukni''ijxëyëp wi'ix tii tunëtyën:

Isaías 28:6

Yë'ë nëjkx twinma'anymyo'oy ja yajkutujkpëtëjk ets oy ja nipaye'eyën tuntëty, nëjkxëp tjotmëkmo'oy ja mëti'ipë tëjk këwent'ajtëpën ma ja naax kajpnën.

Mateo 23:8

Miits këtii yë'ë xytsyojkën'atëty ets ja ja'ay mtijëtëty yaj'ijxpëjkpë, jä'ä ko miitsëty aak tu'kmëku'uk ets tu'uk je'eyë xymyëët'atë ja yaj'ijxpëjkpë.

Juan 21:23

Ets ja ayuk ojts ye'eywyä'kxy ma ja mëpëjkpëtëjkën ko ya'atë ijxpëjkpë ka'ap ënety y'ooka'any. E ja Jesús ka'ap ënety jëtu'un të y'ënä'äny ko ka'ap y'ooka'any: Jä'ä ënety të y'ënä'äny: Pën ntsojkpyës ets jyuuky'atëty jääpaat maajës ënety nwinpityën, ¿ka'ap kyopkpëkyëty ets mijts xynyijawëty?

Hechos 1:15

Näy jää tiempo ja Pedro ojts wya'këxë'ëky ma jam ja mayjyä'äyën; nimëko'px ja i'px ënätyëty jam ets y'ënäny:

Hechos 1:21

Tää yaa ja'ay yajpaatë mëët ëëts'ajtëmë mëti'ipë xëmë të xyjyämyëët'ajtëmën ko ja Wintsën Jesús yajpaty mëët ëëts'ajtëmë,

Hechos 10:22

Tää ja kukäjpxy y'ëtsoowtë: Ja tsiptuunpë wintsën Cornelio, yë'ëjës xykyäjxtëp. Oy ets mëtëy jyuuky'äty ets wyintsë'këp ja Dios, oyjya'awëyëp ets tsojkëtëp ja jutiis ja'ayëty. Tu'uk ja Dios ja y'anklës të nyë'ëmxëty ets mijts myajwowëty ets nja'amëty ma ja Cornelio ja tyëjkën ets xytyuk'ëwaanëty mëti'ipë mkajpxäämpyën.

Hechos 15:23

Yë'ëts ojts ja noky tmënëjkxtë mëti'ipë ënaanpën: Ëëts, ijxpëjkpëtëjkëty ets ja mëjja'aytyëjk, miits yë mmëku'uktëjkëty. Nkajpxpo'kxtë miitsëty mëti'ipë ka'ap jyutiisëty, mëti'ipë tsënaaytyëpën jam Antioquía, Sirië ets Cilicia.

Hechos 16:2

Ja Timoteo, oy nyikäjpxyë ja mëpëjkpëtëjk mëti'ipë tsënaaytyëpën jam Listra ets Iconio.

Hechos 2:4

Ets ja Kënu'kxymyëkajtën myooyëtë ja winma'any ets ja mëk'ajtën jëtu'un ijxtëm ënety japëtyën ets tuntëty tkajpxtëty mëti'ipë ja Dios tsyojkpyën, ets ja ayuk wiinkëtypë ojts tkajpxtë wi'ixjaty ja Kënu'kxymyëkajtën myooyëtën.

Hechos 22:12

Jam ënety tu'uk ja ja'ay mëti'ipë xyëëwajtypyën Ananías, yë'ë ja Moisés ja y'ënä'ämën pyatuunëp ets ni'ëmukë ja jutiis ja'ay mëti'ipë tsënaaytyëpën jam Damaskë oy nyimëtyä'äkyë.

Hechos 28:14

Jamës npatë ja mëpëjkpëtëjk. Ënet y'ëna'antë etsës jam mëët nwë'ëmtëty tu'ksëmaan. Jamës ye'epy ntso'ontë etsës nja'ajtë Roma.

Hechos 6:2

Ënet ja ijxpëjkpëtëjk tyajmujktë ja mëpëjkpëtëjkëty ets t'ënëmaaytyë: Ka'ap y'oyëty ko ja Dios ja y'aaw y'ayuk ka'ap n'ëkkajpxwa'kxënëty, ets yi'iyë ntuunk'ajtënëty ma winë je'eyë wyä'kxyën.

Hechos 6:5

Ni'ëmukë ojts oy tmëtowtë ja aaw ayuk ets ja Esteban nikajpxpäjtë; yë Esteban mëk ijty myëpëky ets myëët'ajtyp ja Kënu'kxymyëkajtën, ojts näjyëtu'un tnikajpxpätë ja Felipe, Prócoro, Nicanor, Dimoná, Parmenas ets ja Nicolás, mëti'ipë tso'onpën jam Antioquía, mëti'ipë ënety të tmëpëkyën ja jutiis ja'ay ja myëpëjkënëty.

Hechos 6:6

Tääts jam tyajmiintë ma ja ijxpëjkpëtëjkëtyën ets ja Dios tuknija'amyäjtsëtë ets ojts tkë'ënixajtë.

Hechos 9:30

Ko ja mëpëjkpëtëjk tnija'awëtyë ko ja Saulo ja ja'ay yaj'ooka'anyë, tää ojts twoownëjkxtë jam Cesarea, jam ojts tsyoony ets tkäjxtë Tarso.

1 Corintios 12:8

Mëët ja Kënu'kxymyëkajtën pënëty yajmo'otë ja wijyajtën, ets ixpëkyajtën.

1 Corintios 16:3

Koos nja'tëty, jääjës nkäxëty ja ja'ayëty jam Jerusalén mëti'ipë ënety miits të xywyin'ixtën, yë'ë yajmo'ojantëp ja noky ets mëët tyajnëjkxtëty ja putëjkën.

Efesios 5:18

Ka'ap m'uuktëty mmu'ukëtëty, jä'ä ko yë'ë yajtëkoopy; nikë oy ko mtu'umo'ojëtëty ja Kënu'kxymyëkajtën.

Deuteronomio 1:13

E paaty yam miits n'ënëëmëtë ets xywyin'ixtëty tu'uk yë ja'ay winnaax winkajpn, ja'ayëty mëti'ipë ixpëkyëtyën, wijyëtyën ets nyija'awëtëp ja tuunk. Yë'ëts npëjkta'aktëp kutuunk ma miitsëtyën ets yë'ë mnikopk'atëtëty.

1 Timoteo 5:10

Yajnija'awëp ko oy ënety winë tuny, pën tëë ja y'u'unk y'ëna'k tsuj tyajyeeky, pën tëë ja ja'ay oy tsuj tyajja'ty ma tyëjkën, pën tëë ja mëpëjkpëtëjk ja tyeky tpujë, pën tëë tputëkë mëti'ipë ëyo'onpatëpën. Ets pën tëë winë oy tuny.

Santiago 1:17

tu'kë'ëyë mëti'ipë oyën ets wa'atsën, këjxm yë tsyoony, Dios yë yäjkpy, ja Dios mëti'ipë pyëjktakën winë jam tsajpwinm mëti'ipë ajajp atë'kxpën. Yë Dios ka'ap tyëkatsy, nän yi'iyëm xëmë, ma yë'ëjën ka'ap tii tyëkatsy ets ka'ap tii y'akootsë.

3 Juan 1:12

Oy tsuj ja Demetrio yajnimëtyä'äky ko mëtëy ja oypyë tuny. Näyjyëtu'un ëëtsëty nän oyës nnimëtya'aktë, ets mijts mnija'ap ko mëtëyës nkajpxtë.