Hechos 6:11 - Biblia Dc en Mixe de Quetzaltepec

¹¹ Ënet tmeenymyooytyë ja ja'ay mëti'ipë ëna'antëpën ko tëë tmëtowtë ko ja Esteban wiinkjaty tnikäjpxy tnimëtyä'äky ja Moisés ets ja Dios.

Biblia Mixe de Quetzaltepec

¹¹ Ënät tmeenymyooytyë ja ja'ay mëti'ipë ëna'antëpën ko tëë tmëtowtë ko ja Esteban wiinkjaty tnikäjpxy tnimëtyä'äky ja Moisés ets ja Tios.

Hechos 6:11 ပူးပေါင်းရင်းမြစ်များ

Éxodo 23:1

Këtii tii tëkatsyjyäty xynyipaye'eyëty ets këtii xy'apupätëty ja mëti'ipë pokymyëëtën, këtiipë tyekymya'atëty ja tëyajtën ets ja yajnipaye'eyën.

Jeremias 26:11

Ënet ja teetytyëjkëty, ja käjpxynyajxpëtëjkëty ets ja mayjyä'äyëty ojts t'ënëëmëtë ja kopktëjkëty mëj'äämpyë y'itën ma ja kajpnën: Tyaapë ja'ay, patëp y'ookëty, jä'ä ko tëkatsy të tnikäjpxy yë naax kajpn. Miitsëty tëë wa'ats xymyëtowtë mëët yë mkopk mtatskëty.

Jeremias 37:13

Ko jam jyä'äjty ma ja kajpn yajnitëkën, tu'uk ja'ay, Irías xyëëwajtyp, yë Selemías yë myaank ets Hananías yë y'ok'u'unk mëti'ipë ja tëjkëtyakn kyëwent'ajtypyën, yë'ë ojts tmajtswë'ëmy ja Jeremías ets t'ënëmaay: Mijts yë'ë mpukajpxëp yë Caldeo ja'ayëty, ¿këtiijë?.

Juan 1:17

Mëët yë Moisés ojts nyajmo'oyëm ja ënä'ämën, je'eyëp ko Jesukristë mëët ja Dios të xykyënu'kxëmë ets të xytyuknija'awëmë ja tëypyë jaantypë.

Juan 16:3

Paaty nëjkx jëtu'un y'ëtë'ëtstë, jä'ä ko ka'ap ja Dios Teety t'ixy'atë, ets ëjts nän ka'apës xy'ixy'atë.

Juan 9:29

Nnija'awëptëpës ko Dios ojts myëkäjpxyë ja Moisés; e tääpë ja'ay ka'apës nijawëtë maa tsyoony.

Hechos 15:21

Jä'ä ko tëëyëp jëtu'un tsyo'ontä'äky ets tyampaat tää kajpn kajpn yajpaaty mëti'ipë ja ja'ay tyuk'ijxpëjktëpën ja myëku'uk, ja Moisés ja y'ënä'ämën mëti'ipë yajnimëtyakpën winpo'kxënxëëw jap tsajptëkoty.

Hechos 18:6

E ko ja jutiis ja'ayëty jyoot'anpëjktë ets t'ënëmaaytyë ëxëëkjaty ja Pablo, ënät ja Pablo wyit twinxijty, jëtu'un tpëjktäky tu'uk ja ijxpäjtën ko ka'ap y'oyëty mëti'ipë ja jutiis ja'ayëty tyuuntëpën ets t'ënëmaay: Mkë'ëmpoky miitsëty pën m'ëyoowtëp xëmëkyëjxm, ka'apës ma ëjts mpoky'atëty. Tyamës nnëjkxëty ma ja ja'ayëtyën mëti'ipë ka'ap jyutiis'atën.

Hechos 21:28

tääts tukyax tukjojkëtyë: Miits Israel ja'ayëty, putëjkëtëkës. Tëë ya'atë ja'ay yaa jyä'ty, winnaax wiinkajpn jyänty jyëtity, tuk'ijxpëky ja ja'ay ko ka'ap twintsë'ëkëtëty ja Moisés ja y'ënä'ämën ets wiinkjaty tnimëtyä'äky ja tsajptëjk. Tëë näjyëtu'un ja griego ja'ay tyajtëkë ma mëjtsajptëjkën ets të tyaj'ëxëëkëtë ya'atë it naaxwiinyëtë wa'atspë.

Hechos 25:3

Ënet ja Festo t'amëtoowtë ja mëyajtën ets ja Pablo tyajminëty jam Jerusalén. Jëtu'un ënety ja jutiis ja'ayëty të tuknipëjktaakëtë ets ja Pablo tyaj'ooka'antë tu'ujoty.

Hechos 25:7

Ko ja Pablo twinkuwa'këy ja Festo, ënät ja jutiis ja'ayëty, mëti'ipë ënety të tsyoontë jam Jerusalén, tnawa'ak'ëwtijtë ja Pablo ets kanaakpëky mëk'äämpy tni''ë'ënpäjtë, oy nitii tkamëët'atë wi'ix tyajtëytyëkëtëty ko ja Pablo pyokymyëëtëty.

Hechos 26:11

Kanaak'okës të ntsaatsytyuntë ma ja tsajptëjkën ets atsip ja Jesús ntukmëkajpxtëkoya'antës. Jä'ä koos nëkooyë njoot'anpëjknë, paatykyëjxm ojts npajëtijtä'äkyës jëkämpaat ma tsyëënëtën ja ja'ay mëti'ipë ka'ap jyutiis'atën.

Hechos 6:10

je'eyëp ko ka'ap tmëmëtaktë ja Esteban, jä'ä ko ja Esteban wijyajtën mëët kyäjpxy ets yë'ë winma'anymyooyëp ja Kënu'kxymyëkajtën.

Hechos 6:12

Tääts ja naax kajpn tyajjoot'anpëjktë ets ja mëjja'aytyëjkëty ets ja tsajptëkotyëtë yaj'ijxpëjkpëtëjkëty ets tmajtstë ja Esteban. Tääts ojts tyajnëjkxtë ma ja tsajptëkotyëtë yajjuntë'ajtpën.

Hechos 6:13

Näy ojts t'ixta'atë ja ja'ayëty mëti'ipë nyi'antaakëtëpën ja Esteban, ets y'ëna'antëty: Ya'atë ja'ay, xëmë tni'ojë yë mëjtsajptëjk ets Moisés yë y'ënä'ämën.

Romanos 3:8

Pën jëtu'un, ¿Tii ko ni'ikyë ëxëëk winë nkatu'unëmë ets myinëty ja oypyë? Jëtu'un jënaakën ja ja'ay myäytyë tyajtë, mëti'ipë ënantëpën koos yë'ëjës nimëtyäkpy ja ka'apë y'oyëtyën; tääpë ja'ay nitëjkëyëtëp ets nyitukëtëty.

1 Timoteo 1:13

oyës ënety ëxëëkjaty nnikäjpxy nimëtyä'äky ja Dios etsës n'ixjëtity npajëtity ja Jesús ja myëpëjkpëtëjk. E ojtsës ja Dios xypya'ëyoy, jä'ä ko ka'anëm ënety nmëpekyës ets ka'anëmës ënety nnijawë tiis ntuunpy.