Hechos 5:5 - Biblia Dc en Mixe de Quetzaltepec

⁵ Je'eyë ja Ananías jëtu'un tmëtooy, ooky tyimnakëtäky. Ets mëti'ipë y'ijxtën nyija'awëtën, ni'ëmukë tsyë'këtyë.

Biblia Mixe de Quetzaltepec

⁵ Je'eyë ja Ananías jëtu'un tmëtooy, ooky tyimnakëtäky. Ets mëti'ipë y'ijxtën nyija'awëtën, ni'ëmukë tsyë'këtyë.

Hechos 5:5 ပူးပေါင်းရင်းမြစ်များ

2 Reyes 2:24

Ja Elisejë ko tni''ijxwinpijty, yajxon t'ijxwatstaay, ets tpojky mëët yë Wintsën yë xyëëw. Tam ënety jëtu'un yajpaatë ko nyipëtsëëmëtë jam yukjotm nimäjtsk mëj osë ets tsyuts'taayëtë, niwëxtyikxy mäjtsk y'o'ktë.

1 Crónicas 13:12

E jä'ä xëëw, ojts ja David ja tsë'ëkë tyuktëkëty Wintsën wintum ets y'ënäny: Tyam ni'ikë oyës maa Dios kyaaxë nkayajnëjkxëty.

1 Crónicas 15:13

jä'ä ko ojts tëkok jyayajmëtsoona'any, ka'ap myiitsëty xymyëtso'ontë, paaty yowë ojts yë Wintsën jyoot'anpëky ets ojts ja nmëku'uk'ajtëm y'o'knëtë jä'ä ko ka'ap ojts jëyëjp ja Wintsën yaj'amëtoy wi'ix yajtunëtyën.

Salmos 119:120

Tsëyuupyës yë njot nini'kx mijts mwintuuy mëët yë tsë'ëkë. Ëjts nwinkutsë'këpës yë m'ënä'ämën mtëyajtën.

Salmos 64:9

Jäänëm nëjkx tëkokyë ja'ayëty tmëjjaw tkënu'kxjyawëtë yë Dios, ets tnikäjpxy tnimëtya'aktë tii ko Dios winë të tuny të tkäjpxyën; ets tja'akyukëtëty tiikyëjxm ko ënety winë të tyajkojyën.

Ezequiel 11:13

Tamës ënety ja Dios ja y'aaw y'ayuk nimëtyakë, ko ojts yë Pelatías jyëpijpkëtä'äky ooky, yë Benaías yë myaank. Ënätës nwintäky nnaaxkooy etsës mëk nyujkyäxy, n'ënanyës: Wintsën, ¿tyam jyaniwäänë'ajtpë yë Israel ja'ayëty ets ni'ikyë xyjyaak timy yajkutëkoyä'änyë?

Hechos 13:11

Tyam ja Wintsën mtëytyuna'anyë, winpi'its mwë'ëma'any, jeky xykya'ixëty yë xëëw ajajk. Tääts ënätyë ojts wyi'im kupi'its kukoots. Je'eyë tjaakpëjktsooy pën tu'uwinye'eyëtëpën.

Hechos 2:43

Ja ja'ayëty mëj'ixy t'ijxtë ko ja ijxpëjkpëtëjkëty tyaj'ixëtë ja Dios ja myëj'ajtën kanaakpëky.

Hechos 5:13

Ja ja'ay mëti'ipë kyamëpëjktëpën ja Jesús, ka'ap ijty myintë ets ye'eymyuktëty mëët ja ijxpëjkpëtëjkëty, e ja ijxpëjkpëtëjkëty mëk ja ja'ay tsyokëtë.

1 Corintios 4:21

¿Ëkë tii miits mtsojktëp: ko nëjkx ntsaatyuntë ëkë ko ninëjkxtëty mëët ja oy'aaw oyjyotë?

2 Corintios 13:10

Jëtu'unts miits tyam nnijäyëtë naamka'anëmës nnëjkxy ma miitsëtyën ets këtiipë nëkoo mëk xyjyawëtëty ja kuttujkën mëti'ipës ja Wintsën të xymye'eyën. Ka'ap yë'ëjëty ets nyajkutëkoytyëty; yë'ë ets miits mwinpätëty mëpëjkënkyëjxm.

2 Corintios 13:2

Mëti'ipë tëë pyokytyuntën ets ni'ëmukë, tyam maas jëkäm nyajpaatyën jatëkok ntuk'ëwaanëtë, ijxtëm ojts n'ëktuk'ëwa'anëtëpën koos jam n'ojtsy mëmäjtsk'ok. Pën nëjkxpës jatëkok, ka'ap n'ëkpa'ëyowanëtë,

2 Corintios 7:11

Jëtu'un miits ja ma'ayën tajën të xymyëtänëtë ijxtëm ja Dios tukjotkëtä'äkyën. Ets ixtë ënät tyam wi'ix të wyimpëtsëmyën. Tëë xytyukpëtsëmtë ja aaw ayuk mëti'ipës të nnikäjpxyën, ojts mjoot'anpëktë ets tëë mtsë'ëkëtë. Ok ojts xyjya'ixa'antës ets xytyukkumëtoowtë ja pokyjyä'äy ja nyëë pyoky. Yë'ë miits myajnikëxë'ëktëp ko ka'ap myiitsëty të mtuuntëkoytyë.

Deuteronomio 13:11

Jëtu'un'äämpy ja Israel ja'ayëty nijawëtëty ets ja tsë'ëkë tmëët'atëty, këtiipë ja ëxëëkpë t'ëktuuntëkooynyëtëty.

Deuteronomio 21:21

Ënet nëjkx ja kunaax kukajpn tkuka'atstë ya'atë jëtu'unpë ja yä'äy'ëna'k. Jëtu'un'äämpy ka'ap yaj'ijxta'akëty ja ëxëëkajtën ma ja naax kajpnën, e ko ja Israel ja'ayëty nijawëtëty, myëët'atëp ja tsë'ëkë.

Josue 22:20

Ja'amyätstë ko yë Acán yë Zara myaank ojts yë Dios tmëtëkoy ko ojts tyu'utsy mëti'ipë ënety ja Wintsën yë'ë të yajtuknipëjktaakën ets mëët yë'ëkyëjxm tëkokyë ja Israel kajpn y'ëyo'onpataay. Tääts yajja'akyukë ko yë Acán ka'ap y'atu'ukëty je'eyë ja pyoky tku'o'këy.

Apocalipsis 11:13

Ënätyë ja ujx myiiny mëk ets niwëxtujk mil ja ja'ay y'o'ktë ko tu'kpëky ja majk pëkpyë kajpn kyuja'awnajxy mëët ja ujx, e ja ja'ay mëti'ipë ka'ap y'o'ktën, yajxon tsyë'ëkëtë ets tmëja'awëtyë ja Dios ja tsajpjotmëpë.

Apocalipsis 11:5

Pën jää pën wi'ix tyuna'anëtë, yajpëtsëmtëp ja jëënyä'änk y'aawjoty, jëtu'unts ja myëtsip y'o'kta'atëty mëti'ipë ëxaty tunanëtëpën.