Hechos 5:4 - Biblia Dc en Mixe de Quetzaltepec

⁴ ¿Tii këtii mijts xyjyä'äjëty ja naaxë? ets ko të xytyooky, ¿këtii myijtsëty xyjyä'äjëty ja nyimeenyë? ¿Tii ko jëtu'un të mwinma'anypyääty? ka'ap nyaaxwiinyëtë ja'ayëty xywyin'ëëny, Dios jëtu'un të xywyin'ëëny.

Biblia Mixe de Quetzaltepec

⁴ ¿Tii këtii mijts xyjyä'äjëty ja naaxë? ets ko të xytyooky, ¿këtii myijtsëty xyjyä'äjëty ja nyimeenyë? ¿Tii ko jëtu'un të mwinma'anypyääty? ka'ap nyaaxwiinyëtë ja'ayëty xywyin'ëëny, Tios jëtu'un të xywyin'ëëny.

Hechos 5:4 ပူးပေါင်းရင်းမြစ်များ

1 Crónicas 29:17

Ëjts nija'apës Wintsën, ko mijts wa'ats jot winma'any xy'ixy xynyijawë, yë'ë mtsojkën'ajtyp ets ja'ay winë tëyajtën tunëty. Paaty yam nmo'oy tëkokyë ya'atë winë aaw winëjot. Tyam n'ijxypyës ko yë mnaax mkajpn tyampë yaa yajpaatyën tu'ukmukyë mëët ja jot winma'any oy tsujpë, tëë mtukë'ëtëkëty tëkokyë ya'atë ayajk ako'onën.

1 Crónicas 29:3

E ëpëky ma winë të nyajmujkpyësën mëti'ipëjaty tunaanpën ma ja Dios ja jyëën tyëjk kyoja'anyën ets mëët ko oyës ntsoky ets ja jyëën tyëjk kyojëty; tyamës ëpëky nyajkpë mëti'ipës kë'ëm ntimyjä'ä'ajtypyën ya'atë pu'ts pujxn ets ya'atë poop pujxn:

1 Crónicas 29:5

Tu'kë'ëyë yë pu'ts pujxn ets poop pujxn tyam nyäkyës ets jam tyunëty maajaty winë yaj'oytyuna'anyën mëti'ipë pujxnën ets ma tu'kë'ëyë winë t'oytyuna'antën yë wijjyä'äyëty mëti'ipë nyija'awëtyëpën jëtu'unpë tuunk. E tyam, ¿jam pën jëtu'un ja jyot wyinma'any kë'ëm tpatpë ets wäänë näjyëtu'un tyakaanpë tiijë?

1 Crónicas 29:9

Ja ja'ay ojts mëk tukxoonta'aktë, ko ja yajkpë këpäjtpë tmëmintë ja y'ayajk y'ako'onënëty winë aaw winëjot, tukmëyoxtë ja Wintsën. Ja yajkutujkpë David janty jotkujk nyäjya'awëyë.

Job 15:35

Ujts yajpaatë mëët yë ëxëëk jot ëxëëk winma'any tä tu'uk yë to'oxytyëjk yaj'ixyën mëti'ipë u'unk maay tyimy'äjtypyën ets tyajmina'any naaxwiiny yë ëyo'on jotmay; mëëtkyëjxm ko yi'iyë të tuunk'atë win'ë'ën winxajën.

Salmos 139:4

Ka'anëmës ëjts nkajpxpëtsëmnyëm tii ayuk, ko mijts Wintsën, tëë xynyanija'awënë.

Salmos 7:14

Ixtë ja ëxëëk ja'ay, jëtu'un ja pëjkën ijxën tmëëtëty tä to'oxytyëjkën mëti'ipë u'unk yajminäämpyën naaxwiiny. Je'eyëp ko ja ëxëëk ja'ay yë'ë myoxjoty myëët'ajtyp ja ëxëëkajtën ets yë'ë yajminäämpy naaxwiiny yë win'ë'ënën antakën.

Éxodo 16:8

Tä yë Moisés ojts jyaakëna'any: Ko jyënäkyxyëëw'atëty jää yë Dios mo'oja'anëtë yë tsu'utsy mëti'ipë mtukkaytyëpën, e ko jyopyëp'atëty yë'ë mo'ojanëtëp yë tsajpkääky mëjwiin këjää, jä'ä ko yë'ë tëë tmëtoy ko miitsëty wiinkjaty xynyikajpx xynyimëtya'aktë, ëëtsëty ¿tii mëj'ajtënës n'ëkmëët'ajtëp? Ko miitsëty wiinkjaty të m'ëna'antë, ka'ap jëtu'un y'ëëtsëty të xytyijtë, Dios jëtu'un wiinkjaty të xytyijtë.

Éxodo 35:29

Tëkokyë yë ja'ayëty ye'etyëjk to'oxytyëjkpë ojts ja jyot wyinma'any y'ëwa'atstë ets pyutëkëja'antë ma ja tuunk jam y'ityën, mëti'ipë ja Moisés ojts ja Dios tyuk'ëne'emyën, mëët ja ayajk ako'onën mëti'ipë myëmiintën, jëtu'un ojts tyaktë tä ënety ja jyot wyinma'any y'ëna'antën.

Eclesiastés 5:5

jä'ä ko ni'ik oy ko ka'ap tii nëkoo nwinwa'anëmëty ets këtii ko tii nwinwa'anëmëty ets ka'ap jëtu'un yëk yajtuunë.

Isaías 59:4

Ni pën mëtëy kyani'ëënë ets ka'ap nitii oy yajnipaye'ey. Jä'ä ni'ik myëjpëjktaktëp mëti'ipë win'ë'ënpën ets mëti'ipë ka'ap tii mëtëy tnikäjpxyën; ujts ja myoxëty mëët ja ëxëëkpë, koonëm ja jyiiky myëku'uk tyaj'ooktë.

Ezequiel 38:10

Ëjts, Wintsën, ëjts ënaanp: Jä'ä xëëw jä'ä jëmëjt nëjkx ëxëëk winma'any mjotëkëty.

Lucas 10:16

Ënet ja Jesús t'ënëmaay ja y'ijxpëjkpëtëjk: Pën myëtoow'ijtëp mëti'ipë miits mnimëtyaktëpën, nän ëjts ënety xymyëtoow'ijtëp; pën kyamëtoow'ijtyp mëti'ipë ënety miits mnimëtyaktëpën, nän ëjts ënety xykyamëtoow'ijtp; pën xykyakupëjkpës, näjyëtu'un ja nteetyës ka'ap tkupëky mëti'ipës të xykyexyën.

Hechos 5:3

Tääts ja Pedro t'ënëmaay ja Ananías: Ananías, ¿tii ko ja mëjku'u të mnätyuk'ëne'emyë ets xywyin'ëënëty ja kënu'kxymyëk'ajtën ko të xymyëwë'ëmy tu'kpëky ja naaxtsow?

Hechos 5:9

Tääts ja Pedro t'ënëmaay: ¿Tii ko të xykyäjpxy'atë nimäjtsk ets ja Wintsën ja kyënu'kxymyëk'ajtën xywyinma'any'ixa'antë? Tää ja ja'ay myintë tëjk ëkë'ëy mëti'ipë ja mniye'etyëjk ojts të tyajnaaxtëkëtën, mijts näjyëtu'un ënät nëjkx mnaaxtëkë.

1 Corintios 8:8

Ka'ap yë'ëkyëjxm ja Dios xykyakupëjkmëty ko tii një'kxmëty, ni yë'ëkyëjxm ja Dios xykyakupëjkmëty ko tii nkajë'kxmëty.

1 Tesalonicenses 4:8

Paaty n'ënëëmëtë, pën ya'atë ijxpëjkën kyamëjpëjktäkpy, ka'ap nyaaxwiinyëtë ja'ayëty tkamëjpëjktä'äky; Dios ënety kyamëjpëjktäkpy, mëti'ipë miits mmooyëtëpën ja Kënu'kxymyëkajtën.

Filemón 1:14

Je'eyëp ko ka'apës tii ntuna'any mëti'ipë mijts ka'ap xyajkutukynyëmën ets ja mëyajtën mëti'ipë mtuumpyën tsojkënkyëjxm xytyunëty, ka'ap y'akwanëty.

Santiago 1:15

Ets ko ja ëxëëk atsojkën nyätyukmëmëtä'äkyë, ënät pyokytyuny; ets ko pyokytyuny, ënät ja o'kën tyukpaatyë.

1 Samuel 8:7

e ja Wintsën tyaa y'ëtsoowë: Mijts kupëkymës mëti'ipë naax kajpn m'amëtoowëpën. Jä'äxë ko ka'ap myijtsëty m'ixtijyë, ëjts yë xy'ixtijtëp, ëjts jëtu'un xykyatsojktëp ets n'ënä'ämëtyës ma yë'ëjëtyën.