Hechos 5:31 - Biblia Dc en Mixe de Quetzaltepec

³¹ Tëë ja Dios tpëjktä'äky y'aka'any'äämpy Yajkutujkpë ets Yajknitsokpë, jëtu'unts ja Israel ja'ay t'ëxmatstëty ja y'ëxëëk winma'anyëty ets ja pyoky yajnimä'kxtëty.

Biblia Mixe de Quetzaltepec

³¹ Tëë ja Tios tpëjktä'äky y'aka'any'äämpy Yajkutujkpë ets Yajknitsokpë, jëtu'unts ja Israel ja'ay t'ëxmatstëty ja y'ëxëëk winma'anyëty ets ja pyoky yajnimä'kxtëty.

Hechos 5:31 ပူးပေါင်းရင်းမြစ်များ

Salmos 89:19

Ojts tu'kxëëw tu'kjëmëjt xymyëkäjpxy yë mtuunpëtëjk, jëtu'un tä ja'ay tii twin'ixyën, ets ojts xy'ënëëmë yë mja'ay mëti'ipë ënety oy mëtuunëpën: Tëës tu'uk jotmëkja'ay nwin'ixy maas yë nnaax nkajpnën, mëj'äämpyës të npëjktä'äky ets tëës nputëkë.

Salmos 89:24

Ntsokäämpy njawëjäämpyës yë'ë ets oy tsujës njawëja'any, mëët yë'ë koos ëjts xy'ëwtaty, nyajkëjääjëjäämpyës yë kyutujkën ets myëk'ajtën.

Isaías 43:11

Ëjts xëmë Wintsënajtp; ka'ap maa wiinkpë mëti'ipë yajnitsokpën.

Isaías 43:3

Ëjts mijts xyWyintsën'ajtp, xynyitsokpë'ajtp ets xyTyios'ajtp, ja Wa'atspë yajpaatyën ma Israel kajpnën, Tëë mijts njä'äniwa'any; yë'ë Egiptë kajpn, Etiopíë kajpn ets Sabá kajpn të ntukujuy.

Isaías 45:21

Kajpxtë ets aakmëët nyiwa'kpäjn tii xynyimëtya'akëty, pën m'ënantëp näyajtëwëtë nixim niyam. ¿Pën ojts ëka'any ya'atë jëtu'unpë tnikäjpxy? ¿Pën ojts mtuk'ixëtë tëëyëp? ¿Këtii y'ëjtsëtyë, maas nxëëwatyën Wintsënë?. Ka'ap ma wiinkpë Dios jëtu'unpë tä ëjtsën. Ka'ap maa wiinkpë Dios mëti'ipë mëtakpën tsipjoty ets mëti'ipë yajnitsokpën.

Isaías 49:26

Ëjts atsipës ntuktsu'utsa'any ja kyë'ëm nini'kx ja ja'ay mëti'ipë ëxëëk mtuunëpën, etsës nyajmu'uka'anyë mëët ja kyë'ëm ne'pyny tä jeexyë ta'amnëë t'uukyën. Jëtu'un tëkokyë ja'ay nijawëtëty ko ëjts Wintsënajtp, ëjts mnitsokpë'ajtyp, mëti'ipë maaytyääyëpën winë ma Jacob nyaax kyajpnën.

Isaías 9:6

Jä'ä ko tëë tyam myiny jyä'ty tu'uk ja mëxu'unk ye'etyëjkpë, tëë tyäky ja Wintsën tu'uk ja u'unk maay mëti'ipë të yajmo'oyën ja mëk'ajtën kuttujkën ets y'ënä'ämëty yajkutukëty, ets jä'ä nëjkx yajtijy: Kajpxwijpë mëti'ipë mëj këjää winë tyuunpy kyäjpxypën, mëk Dios, xëmëpë Tyeety'ätyën, mëti'ipë nyikopk'ajtypyën ja jotkujk'ajtën.

Ezequiel 17:24

Nëjkxëp tëkokyë aay kepy tnijawëtë ko ëjts Wintsënajtp. Ëjts nyajkëtääpyës yë aay kepy mëti'ipë mëj këjxm naxaanpën ets yë'ë nyajyony nyajjiitsyës mëti'ipë ëmaay amutsk yaj'ijxpën. Ëjts nyajtëtsypës yë kepy mëti'ipë tsuxk ijtpën xëmë ets nyajtsuxkëpës yë kepy mëti'ipë të'ëtsën. Ëjts mëti'ipë Wintsën'ajtpën, ëjts ënaanp ets npatuumpyës yë n'aaw n'ayuk.

Ezequiel 34:24

Ëjts Wintsën, ëjts nëjkx xyTyios'atë ets ntuunpës David yë'ë nëjkx nyikopk'atëtë. Ëjts Wintsën, ëjts ënaanp.

Ezequiel 37:25

Jam nëjkx tsyëënëtë ma ja naax kajpnën mëti'ipës nmooyën yë ntuunpës Jacob, ma ojts näjyëtu'un tsyëënëtën yë y'ap y'okëty. Jam nëjkx tsyëënëtë xëmë ets näjyëtu'un yë y'u'unk y'ëna'këty ets y'u'unk y'okëty; yë ntuunpës David yë'ë nëjkx xëmë yajkutuky.

Daniel 10:21

E tyam yë'ë yam ntuk'ëwaanëjäämpy mëti'ipë jap miinpën kuja'ay ma ja nokyën mëti'ipë myë'ijtypyën ja tëyajtën: Ëjts maas yam ntsiptunyën yi'iyës xypyutëjkëp yë Miguel, yë tsajpjotmëtë kukäjpxy mëti'ipë nyikopk'ajtypyën yë Israel kajpn.

Daniel 9:25

Kopkpëky ko xynyijawëty ets xyjyä'äkyukëty ya'atë: Ma ënety yajni'ënä'ämën ets yajkoj'oyëty jatëkok ja Jerusalén kajpn ets ma ënety jyä'tyën ja yajkutujkpë mëti'ipë kënu'kxyën, jä'ä y'itëty wëxtujk sëmaan ets ja në'ë tu'uk ets ja potsy mëti'ipë yaj'akojëjaanpën ma Jerusalén kajpn jä'ä nëjkx pyo'oxy tëkë'px mäjtsk sëmaan, je'eyëp ko mëk nëjkx ja amay jotmay jää y'ity.

Zacarías 12:10

Nëjkxëp nmo'oyës yë yu'unk aaw yu'unkjot yë David yë y'u'unk y'ok ets Jerusalén ja'ayëty. Ënet nëjkx t'ijxpaatë ja mëti'ipë ënety të tukuumnaxtën ets të tyaj'ooktën ets nëjkx tnijë'ë tniya'axtë jëtu'un tä jeexyë kyä'äxkopk ëkë tu'uk u'unk të y'ookyën.

Mateo 1:21

Ye'eytyëjk y'ita'any. Jä'ä xytyukxëëwatëty Jesús, jä'ä ko ja jyä'äy tyajpokynyiwa'atsa'any.

Mateo 28:18

Tääts ja Jesús myëwinkoonëtë ets y'ënëmaayëtë: Tëës ja Dios xymyooytyä'äy ja kuttujkën jam tsajpjotm ets naaxwiinyëtë.

Marcos 2:10

Paatyës jëtu'un n'ëna'any ets xynyijawëtëty ko ja naaxwiinyëtë ja'ay ja y'U'unk myëët'ajtyp ja kuttujkën ets tmä'kxëty ja poky. Tääts t'ënëmaay ja kë'ëxujxpë tekyxyujxpë:

Marcos 4:12

Jëtu'un ka'ap tja'akyukëtëty oy tii tja'ixtëty, oy tii tjamëtowtë, ka'ap tmëtoowkukëtëty; këtiipë jyootwinpitëty ma Tiosën ets ka'ap ja pyoky yajnimä'kxtëty.

Lucas 2:11

Tëë tyam myëxu'unk'aty jam David kyajpnjotm ja Yajnitsokpë, yë'ë ja Kristë, ja Wintsën.

Lucas 24:47

ets yajkajpxwa'kxëty ma tu'kë'ëyë ja kajpnën, Jerusalén tsyo'onta'akëty, yajtuk'ëwaanëtëp ets tyajtëkatstëty ja wyinma'any, wä'än ja Dios tmëpëktë ets ja pyoky yajnimä'kxtëty.

Juan 4:42

Ets t'ënëmaaytyë ja to'oxytyëjk: Nmëpëjktëpës tyam, ka'ap yi'iyëty ko mijts të xynyikäjpxy, näjyëtu'un koos kë'ëm të nmëtowtë ko tyiyëty, ko yë'ë naaxwiinyëtë ja'ay Yajknitsokpë.

Hechos 11:18

Ko jëtu'un tmëtoowtë ja Jerusalenkëtë mëpëjkpëtëjkëty, tää amonyë wyë'ëmtaaytyë ets ja Dios tmëjja'awëtyë: Tyam yajja'akyukë ko tëë jëtu'un ja Dios tuknipëjktaakë ets näjyëtu'un tpaatëty ja juukyajtën xëmëkyëjxmëpë mëti'ipë ka'ap jyutiis'atën, ko ja y'ëxëëk winma'any të t'ëxmatstë.

Hechos 13:23

Tääts ja Dios näjyëtu'un najtskäjxëy ja Yajknitsokpë Jesús, David yë y'u'unk y'ok, jëtu'un ijxtëm të twaantä'äkyën.

Hechos 2:33

Ko ënety ja Dios Teety të yajtsajpetyë ets të yajnaaxweetsyë y'aka'any'äämpy ets ko ënety ja Kënu'kxymyëkajtën ja Dios Teety mëti'ipë të xytyuwinwa'anëmën ets tëë tyajknaxy ma ëëtsajtëmën. Yë'ë tyam të xy'ixtë ets të xymyëtowtë.

Hechos 2:36

Wä'än ja Israel ja'ay nija'awëtya'atë ko tyiyëty jyääntyëty ko ja Jesukristë, mëti'ipë miits myajkruutspäjtën, tëë ja Dios tpëjktä'äky Wintsën ets Kristë.

Hechos 2:38

Tää ja Pedro y'ëtsooy: Ixmatstë ja m'ëxëëk winma'anyëty, jootwinpitë ets mnëëpätëty tu'ukjaty Jesús xyëëwkyëjxm ets ja mpoky yajmä'kxtëty, ets näjyëtu'un ja Kënu'kxymyëkajtën myajmo'otëty.

Hechos 3:15

Jëtu'un xyaj'o'ktë mëti'ipë ja juukyajtën xymyo'oyëmën. E ja Dios tëë yajjuukpyikyë ets ëëtsëty tëëjës kë'ëm ntimy ixtë.

Hechos 3:19

Paaty xy'ëxmatstëty ja m'ëxëëk winma'anyëty ets mwinpitëty ma Tiosën, jëtu'unts ja mpoky yajmä'kxtëty,

Hechos 3:26

Ko ja Dios tyajjuukpyijky ja y'u'unk, jëyëjp ojts miits mtuknikäxëtë ets mkënu'kxëtëty ets xy'ëxmatstëty ja m'ëxëëktu'un m'ëxëëk kajpxënëty.

Hechos 4:11

Yë Jesús yë'ë tyam jëtu'un të nyäxy ijxtëm ja tsaakopkën, mëti'ipë miitsëty, ja pojtspëtëjk ojts xy'ixka'atstën. E tëëts ja y'awinpity jëtu'un ijxtëm tu'uk ja mëjtsaakopkën mëti'ipë myëtënääpyën ja jëën tëjk.

2 Corintios 2:10

Jëtu'un, pën jam miits pën xynyimä'kxtë, näjyëtu'unës nimä'kxëty; ets koos pën nimä'kxëty, ënät pën jam tii të tuuntëkoy mëti'ipë yajnimä'kxëpën; ko ënety miits të m'ëna'antë ets ja Kristë myëjnaxëty.

Efesios 1:7

Mëët yë'ë ko xytsyojkëmë tëë ja Dios xyaj'ëwaatsëpëtsë'emëmë ko ja y'u'unk ja nye'pyny të tsyuny të xye'kxy ets ja npoky'ajtëm të xynyimä'kxëmë.

Filipenses 3:20

E ëëts'ajtëmë, jam tsajpjotm nkukajpn'ajtëmë, yë'ë njëjp'ijxëmë ko tsajpjotm tsyoonëty ja Yajknitsokpë, ja Wintsën Jesukristë,

Colosenses 1:14

Y'U'unk të xyajnitsokëm ets të tnime'kxy ja npoky'ajtëm.

Tito 1:4

Tyam ya'atë noky ntuknijayë, mijts u'unk Tito mëët ko mëpëky. Ja nTeety'ajtëm Dios mëët ja yajnitsokpë Jesukristë, yë'ë mmo'ojëtëp ja kënu'kxën ets jotkujk'ajtën.

Tito 2:10

Ka'ap tii tontëty tmäätstëty, wintsë'ëkë mëjjawë y'itëty ets ja'ay ni'ëmukë t'ixtëty ko oy yë ijxpëjkën mëti'ipë Dios yajnitsokpë jyä'ä'ajtypyën.

Tito 2:13

naamka'anëm jyä'tynyëm mëti'ipë n'a'ijx njëjp'ijxëmën, ko myina'any ja mëj Dios, ets ja yajnitsokpë Jesukristë.

Hebreos 12:2

Mpëjktakëm ja njoot'ajt nwinma'any'ajtëmë ma Jesusën, jä'ä ko yë'ë yäjkpy ets yajkä'pxyp ja nmëpëjkën'ajtëm. Ëyoow ja Jesús kruutskëjxm, ka'ap tmëjpëjktäky ja tsëtyu'un ko y'o'ky, jä'ä ko nyija'ap ënety ko ok y'ita'any ja xoontakën; tëë nyaaxweetsy aka'any'äämpy ma ja Dios ja kyutujktaknën.

Hebreos 2:10

Tu'kë'ëyë mëti'ipë jää'ajtpën aak Dios jyä'ä'ajtääpy ets yaj'ijtääpy, jä'ä ko tsyojkpy ets ja y'u'unk y'ëna'k näjyëtu'un tpaatëty ja myëj'ajtën y'oyajtën; Dios ojts tyaj'awinpity ja Jesukristë wa'ats ko y'ëyooy, mëti'ipë të yajnitso'okëtën.

1 Pedro 3:22

mëti'ipë ojts pya'tëkën tsajpjotm ets nyaaxwe'tsy ma ja Dios Teety yajkutukyën a'oytsyow, ets yë'ë tyam y'ëne'empy ja anklëstëjk ets mëti'ipë ja mëk'ajtën ets ja kuttujkën myëët'ajtëpën.

2 Pedro 1:1

Simón Pedro, Wintsën Jesukristë tyuunpë ets y'ayuk kajpxnajxpë, mtuknijayëtë ya'atë noky miitsëty, mëti'ipë ja Yajnitsokpë Jesukristë nTios'ajtëmë të tmëpëktën.

2 Pedro 1:11

Jëtu'un akujk jotkujk mtëkëtëty ma ja Wintsën Jesukristë Yajnitsokpë kyutujktaknën ets jam m'itëty xëmëkyëjxm.

2 Pedro 2:20

Mëti'ipë të tnijawëtën ja Wintsën Jesukristë Yajnitsokpë ets të tsyo'oktë ma ja ëxëëkpën, pën jam jatëkok nyäyajka'ajëtë pokyjotm, wäänë o'ktëy nëjkx jyatë këtiinëm ijxtëm ënety të y'itën.

2 Pedro 3:18

Yë'ë ni'ik nijawëtë ja Wintsën, ja yajnitsokpë Jesukristë, ets wäänëni'ik yääktë pätë ma ja tsojkën ja'awën. Nmëjja'aw nkënu'kxyjya'awëm tyam ets xëmëkyëjxm. Jëtu'un y'itëty.

1 Juan 4:14

Tëë kë'ëm n'ijxëmë, paaty nikajpxëmë ko ja Dios Teety ja y'u'unk të tkexy ets ja naaxwiinyëtë ja'ay të tyajnitso'oky.

Apocalipsis 1:5

ets näjyëtu'un ja Wintsën Jesukristë, mëti'ipë ja Dios ja y'aaw y'ayuk kyajpxnajxypyën ijxtëm t'ijxy tmëtooyën, mëti'ipë jëwyiin të jyuukpyikyën oy të y'ëk'ooky, mëti'ipë y'ënä'ämtääpyën ja yajkutujkpë yaa naaxwiiny ets mëti'ipë të xytsyojkëmën ets të xyajpokywyatsëmën mëët ja nye'pyny,