Hechos 5:29 - Biblia Dc en Mixe de Quetzaltepec

²⁹ Tääts ja Pedro y'ëtsooy mëët ja myëku'uktëjk: Yë'ë ëëts xypyatëp ets ja Dios nmëmëtowtëtyës, këtiinëm ja ja'ay.

Biblia Mixe de Quetzaltepec

²⁹ Tääts ja Pedro y'ëtsooy mëët ja myëku'uktëjk: Yë'ë ëëts xypyatëp ets ja Tios nmëmëtowtëtyës, këtiinëm ja ja'ay.

Hechos 5:29 ပူးပေါင်းရင်းမြစ်များ

1 Samuel 15:24

Ënet ja Saúl t'ënëmaay ja Samuel: Tëyajtën tëëjës njantytyëkoy mëët koos ja Wintsën ja y'ënä'ämën ka'ap të nmëjpëjktakë ets tääjës mijts të xyjya'ënëëmën: ka'apës jëtu'un të ntuny mëët koos të ntsë'ëkë ja ja'ay etsës yë'ë të ntuny mëti'ipë ënety yë'ë y'amëtoowtëpën

Hechos 4:19

Tääts ja Pedro ets ja Juan y'ëtsoowtë: Miits kë'ëm yajxon ëkwinmay ëkwintajtë pën paat'ajtëp Dios wyintuuy ko miits myajmëmëtowtëty ets Dios ka'ap.

Génesis 3:17

Tä ja ye'etyëjk näjyëtu'un t'ënëmaay: Mijts, ko yë mto'oxytyëjk të xymyëmëtoy ets të xymyëpëjkë ja y'aaw y'ayuk ets xyjyë'kxëty ja aaytyëëm ujtstëëm mëti'ipës ka'ap të n'ëwa'atsyën ets xyjyë'kxtëty. Tyam poky yë naax kam wyë'ëmëty mëët mijts mpokykyëjxm. Mëk mnäyajtunëtëty ets mjë'kxy mpëky pyëtsëmëty kamwinm tu'uwinm mapaat yaa mjuuky'ätyën naaxwiiny.

Éxodo 1:17

E ja to'oxytyëjkëty, mëti'ipë ja'axtëpën mëti'ipë ja myëto'oxytyëjk kyëwent'ajtëpën, ojts ja Dios tsë'ëkëtë, ka'ap jëtu'un tuuntë tä ënety ja mëj'ënä'ämpë të jyanë'ëmxëtën mëti'ipë jap Egiptë tuunpën. Yë'ë ojts tyajwë'ëmtë ja yä'äy ëna'k u'unkëty ets jyuuky'atëty.

Jeremias 26:12

E ja Jeremías ojts tmëkäjpxy ja kopktëjkëty ets ja mayjyä'äy ets t'ënëmaay: Yë Wintsën të xykyexyës etsës yë y'aaw y'ayuk nikajpxëty, yë'ëjës të xytyuknipëky ets jëtu'un yë naax kajpn ets tsajptëjk nimëtya'akëtyës ijxtëm të xymyëtowtën.

Daniel 6:13

Ënet y'ënaan'ëtë'ëtstë: Yë Daniel, yë jutië ja'ay, mëti'ipë tsumy matsy yaa miinën, ninu'un yë wintsë'kën tkatimmyëët'aty ma yajkutujkpën ets ma ja ënä'ämënën mëti'ipë yë yajkutujkpë të tsa'ayën, jä'ä ko ëëtsëty tëëjës kë'ëm ntimy ixtë ko yë'ë tëkëëk ok nyu'kxtä'äky tu'kxëëwpë.

2 Samuel 24:4

E ja yajkutujkpë ojts ja y'ënä'ämën tukkupëky ja Joab ets ja tsyiptuunpëtëjk, paaty ja Joab ojts jam tsyo'onëtë mëët ja tsiptuunpëtëjk ets tjaaymyuka'antë ja ja'ayëty.

2 Reyes 16:16

Ja teety Urías jëtu'un ojts winë tuunta'ay tä ënety ja yajkutujkpë Acaz të tyuk'ëne'emyën.