Hechos 5:24 - Biblia Dc en Mixe de Quetzaltepec

²⁴ Ko jëtu'un ja ayuk tmëtoowtë ja teety wintsënëty ets ja mëjtsajptëjk këwent'ajtpë wintsënëty, ka'ap tmëwinma'anypyatë, je'eyë tmëmay tmëtajtë wi'ix kyukëxëja'any ya'atë winë.

Biblia Mixe de Quetzaltepec

²⁴ Ko jëtu'un ja ayuk tmëtoowtë ja teety wintsënëty ets ja mëjtsajptëjk këwent'ajtpë wintsënëty, ka'ap tmëwinma'anypyatë, je'eyë tmëmay tmëtajtë wi'ix kyukëxëja'any ya'atë winë.

Hechos 5:24 ပူးပေါင်းရင်းမြစ်များ

Isaías 9:7

Ets jam nyaaxwäätsa'any ma ja David ja kyutujktaknën; këjääjëjaanp ja y'ënä'ämën kyutujkën, ja jotkujk'ajtën ka'ap nëjkx nijëna'a kyixy nyäxy; ja kyutujkën ta'tspëky nëjkx yajpaaty, nëjkxëp tuny ja oypyë nipaye'eyën ets ja tëypyë jaantypë winë xëëw winë kyëjxm. Mëët ko yë Wintsën tmëët'aty yë tsojkën ja'awën, mëti'ipë maaytyääyëpën winë, paaty nëjkx jëtu'un tyunyë jyätyë.

Lucas 22:4

Tääts ojts tninëjkxy ja teety wintsëntëjk ets ja mëjtsajptëjk këwent'ajtpë wintsënëty ets t'ënëmaay wi'ix ja Jesús tkë'ëyaka'anyën.

Lucas 22:52

Tääts y'ënëmaayëtë ja teety wintsëntëjk, ja mëjtsajptëjk këwent'ajtpë ets ja mëjja'aytyëjkëty, mëti'ipë ënety jam të myintën ets yajtsoona'anëtë: ¿Tii ko miits xynyimintës mëët yë tëypyujxn ets mëët yë kepy, ijxtëm jeexyë nmä'tspëtyës?

Juan 12:19

Tääts ja fariseë ja'ayëty aak ayi'iyë nyäy'ënanëtë: Tä xy'ixtë. Nitii ënät nkapëjk nkapatmëty, aakyë'ë ja'ay ninëjkxtaayëtëp.

Hechos 2:12

Ni'ëmukë ja ja'ayëty mëj ixy t'ijxtë, ets ka'ap nijawëtë wi'ix myäytyëty tyajtëtyën; ets nyäyatëwëtë: ¿Wi'ixën ya'atë nja'akyujkëmëty?

Hechos 4:1

Tam ënety ja Pedro ets ja Juan ja ja'ay tmëëtmëtya'aktënëm, ko jyajtë ja teetytyëjkëty ets ja mëjtsajptëjk këwent'ajtpë wintsënëty ets ja saduceostëjkëty.

Hechos 4:21

Ënet ja kutuunktëjkëty ojts kyajpx'ëtsë'ëkëtë je'eyë ets jëtu'unyë y'ëxmajtsëtë, ka'ap tpatë ja winma'any wi'ix tyiytyunëtëty, jä'ä ko ja ja'ayëty tyukmëjja'awëtyëp ja Dios mëët mëti'ipë ënety të tyuny të jyätyën.

Hechos 5:23

Koos jam të nja'të, ëtuky ja pujxntëjk të npaatës, tam ja këwent'ajtpë tyänëtë pujxntëjk ëkë'ëm. Koos ja pujxntëjk të nyaj'awa'atstë, ni pën jap të nkapaatës.

Hechos 5:25

Tääts ja ja'ay tu'uk jyä'äjty ets y'ënäny: Ja ja'ay mëti'ipë miits të xytsyumtën, tam ja yaj'ijxpëktë ma mëjtsajptëjkën.

Hechos 5:26

Tääts ja mëjtsajptëjk këwent'ajtpë wintsën ets ja tyuunpëtëjk ojts tninëjkxtë ja ijxpëjkpëtëjk; je'eyëp ko ka'ap wi'ix tuuntë, jä'ä ko tsyë'këtëp ja ja'ay ko kyuka'atsëtëty.