Hechos 5:17 - Biblia Dc en Mixe de Quetzaltepec

¹⁷ Ënet ja teety wintsën mëët ja saduceos mëktä'äky tukjoot'anpëjktë ja ijxpëjkpëtëjk,

Biblia Mixe de Quetzaltepec

¹⁷ Ënät ja teety wintsën mëët ja saduceos mëktä'äky tukjoot'anpëjktë ja ijxpëjkpëtëjk,

Hechos 5:17 ပူးပေါင်းရင်းမြစ်များ

Hechos 13:45

Ko ja jutiis ja'ay t'ijxtë ko nimay ja ja'ayëty, tääts ja Pablo ojts yajtuk'ëxëëk'ixy, ets ojts twinkajpxpätë, y'ënantë ko nëkoo je'eyë wyin'ëëntë.

Hechos 17:5

Tam ja Judá ja'ayëty mëti'ipë joot'anpëjktën ets twoowmujktë ja ëxëëkja'aytyëjk mëti'ipë jëtijtëpën jam kajpnjotm ets ja ja'ay tyajjoot'anpëjktë ets ënätyë ye'eymyujktë. Ënet ojts pëyi'ikyë nyëjkxtë ma ja Jasón ja tyëjkën, ja Pablo ets Silas myatsantëp ets tkë'ëka'antë ma kutuunkën;

Hechos 7:9

Ya'atë Jacob yë y'u'unk y'ëna'k, mëti'ipë n'ap'ajt nteety'ajtëmën, myë'äkë'ajtëp ijty ja y'uty José. Paaty ojts tooktë ets ja ja'ay yajnëjkxë jap Egiptë. E ja José ka'ap ja Dios y'ijxmajtsë.

1 Pedro 2:1

Ixmajtsta'atë ja ëxëëkajtën, ja win'ë'ënën, ko ja'ay oy nyänyimëtyä'äkyë ets ëxëëk jyä'äy'äty, ja näy'ëxëëk'ixë ets ja pi'tskäjpxy.

Juan 12:10

Ënet ja teety wintsëntëjk tkäjpxy'ajtë ets ja Lázaro näjyëtu'un tyaj'ooka'antë,

Mateo 27:18

Jä'ä ko tëë ënety ja Pilato tnijawë ko tsipkyëjxm ja Jesús të tkë'ëyaktë.

Eclesiastés 4:4

Tëës näjyëtu'un n'ixy ko ja'ay mëk nyäyajtunyë ets wyimpety ja wyit myeeny, yi'iyë näy'ëxëëk'ixë näkya'oy'ixë y'ixkujkëp, tääpë nän natëkë winma'any yë'ë, jëtu'un tä jeexyë nëkoo jyuukyajtën tuk'ëyi'ikyën.

Proverbios 27:4

Yë äkë toyë oy myëkëty, ets joot'an yaj'atëkoopy winë, e yë joot'an'ajtën tsip yë ja'ay tkumä'kxëty.

Proverbios 14:30

Ko yë ja'ay xeemy yë jyot wyinma'any, po'kxp yë jyot nyini'kx; e ko yë jyiiky myëku'uk t'ëxëëk'ixy, ka'ap nijënu'un yë jyot nyini'kx jyotkujk'aty.

Job 5:2

Ko xëmë je'eyë nmo'onmëty ntujkmëty ets nmä'ämyëty ntajmëty, nëkoopë yë'ë, tsojk nän yi'iyë nätyukyaj'o'këmëty.

Santiago 4:5

Tam tii ko ja Dios ja y'aaw y'ayuk këxja'aypyë y'ënä'änyën: Xytsyojkni'ikëm ëëtsajtëm ja Kënu'kxymyëkajtën mëti'ipë Dios të tpëjktä'äkyën ma ja njoot'ajt nwinma'any'ajtëmën, ets ka'ap tsoky ets wiinkpë xyjyä'ä'ajtmëty.

Gálatas 5:21

tyukmëtsip'ajtëp oytyiijëty ja myëku'uk, uktëp mukëtëp, ajëën akax jyä'äy'atë ets kanaakpëky tii ëxëëk tuntë. Tyam miits jatëkok ntukja'amyätstë ijxtëm të ntuk'ëwaanëtën, pën ya'atë tyuuntëp kyajpxtëp, ka'ap tyëkëja'antë ma ja Dios ja kyutujktaknën.

Hechos 15:5

Tääts ja fariseë ja'ayëty jënaakën mëti'ipë ënety tëë ja Jesús tmëpëktën, wya'akë'ktë ets y'ënantë: Ni'ëmukë ja mëpëjkpëtëjk, mëti'ipë ka'ap jyutiisëty, kopkpëky ko yajnatsujk'ëwtitëty ja ye'etyëjkajtën ets ja Moisés ja y'ënä'ämën yajpatunëty.

Hechos 4:26

Ets mëti'ipë yajkutujktëpën ets ënä'ämtëpën naaxwiinyëtë tëë kyäjpxykyumëtoownaxtë ets të tnipëtë'ëktë ja Wintsën, ets ja tyuunpë mëti'ipë të twin'ixyën.

Hechos 4:6

Tam ënety ja Anás, mëti'ipë teety wintsënën, ja Caifás, ja Juan ets ja Alejandro, aaktam ënety ja teety wintsën ja myëku'uktëjkëty.

Juan 12:19

Tääts ja fariseë ja'ayëty aak ayi'iyë nyäy'ënanëtë: Tä xy'ixtë. Nitii ënät nkapëjk nkapatmëty, aakyë'ë ja'ay ninëjkxtaayëtëp.

Mateo 3:7

Ko ja Juan Yajnëëpäjtpë t'ijxy ko may ja fariseë ja'ayëty ets satuceë ja'ayëty nyiminyë ets tyajnëëpätëty, ënät t'ënëmaay: Tsa'any miits mteety'ajt m'ap'ajtëp, ¿pën të m'ënë'ëmxëtë ko xykyukä'äktëty ja ëyo'on mëti'ipë miimp këtakpën?

Hechos 5:16

Näyjyëtu'un ja ja'ayëty mëti'ipë wiink kajpn tso'ontëpën mëti'ipë ja Jerusalén myëwinkon'atëpën, ojts näjyëtu'un tyajmintë ja pa'amja'ay ets mëti'ipë ja ëxëëk pa'am myëët'ajtëpën. Ni'ëmukë tsyoktaaytyë.