Hechos 5:12 - Biblia Dc en Mixe de Quetzaltepec

¹² Ja ijxpëjkpëtëjk kanaak ja mëj'ajtën tuuntë ma ja ja'ayëtyën. Jam ijty ni'ëmukë ye'eymyuktë ma ja mëjtsajptëjkën, ma txëëwatyën Salomón Tyëjkwiin.

Biblia Mixe de Quetzaltepec

¹² Ja ijxpëjkpëtëjk kanaak ja mëj'ajtën tuuntë ma ja ja'ayëtyën. Jam ijty ni'ëmukë ye'eymyuktë ma ja mëjtsajptëjkën, ma txëëwatyën Salomón Tyëjkwiin.

Hechos 5:12 ပူးပေါင်းရင်းမြစ်များ

Hechos 19:11

Mëj ja Dios tyajtuuny ja Pablo ets ja mëj'ajtën tyaj'ijxë,

2 Corintios 12:12

Tëës najënu'un ëxëëk njaty nkëpety ets nmënaxy nyajnaxyës ja ëyo'on jotmay mëët ja mä'kxtujkën ma miitsëtyën ets nyaj'ixyës ja Dios ja myëj'ajtën mëti'ipë të xy'ixtën. Yë'ë yajnitë'kxyp koos ja Kristë y'ayuk nkajpxwa'kxë.

Hebreos 2:4

Näyjyëtu'un ja Dios ojts tnikäjpxy mëët ja ijxpäjtën, mëj'ajtën ets kanaakpëky ja y'oyajtën, mëët ja Kënu'kxymyëkajtën, mëti'ipë kanaakjëjp të nyajmo'oyëmën ijxtëm yë'ë të tuknipëjktaakën.

Hechos 14:3

E ja Pablo ets ja Bernabé ojts jam jyaak wë'ëmtë kanaak xëëw, yë'ë xëmë ja Wintsën tyuk'ijxpäjtë paaty ojts myëtya'aktë amëk jotmëk; ets ja Wintsën jä'ä yajtëytyëjkëp mëti'ipë yë'ë nyimëtyaktëpën ko myo'ojëtë ja mëk'ajtën ets ja mëj'ajtën tyaj'ixëtëty.

Romanos 15:19

ets mëët yë myëk'ajtën ja Kënu'kxymyëkajtën ko yajtuny ja mëj'ajtën. Jëtu'unës të nkajpxwä'kxy ja oy aaw oy ayuk ma ënety ka'anëm ja Kristë yajnimëtyä'äkyën, jam Jerusalén ets Lirië y'itjotm.

Hechos 3:11

Ja tekymya'at mëti'ipë ënety të tsyo'okyën, ka'ap ja Pedro ets ja Juan t'ëk'ëxmajtsnë. Ënet ja ja'ayëty pëyi'ikyë nyimiinëtë ma txëëwatyën Salomón Tyëjkwiin ma ënety jap yajpaatën.

Juan 10:23

Jam ënety ja Jesús yajpaaty ma ja mëjtsajptëjk wiinën ma txëëwatyën Salomón Tyëjkwiin.

Hechos 4:30

Mooytyëkës ja mëk'ajtën ets nyajtso'oktëtyës ja pa'amja'ay ets nyaj'ixëtëtyës ja mëk'ajtën mëët ja xyëëw ja wa'atspë ja mtuunpë Jesús.

Hechos 1:14

Ni'ëmukë ijty xëmë ye'eymyuktë ets ja Dios tja'amyätstë mëët ja Jesús ja myëkä'äx ets ja Maria mëti'ipë Jesús tyaak'ajtypën ets ja to'oxytyëjkëty wiinkëtypë mëët.

Marcos 16:20

Tääts ja y'ijxpëjkpëtëjk tsyo'ontë ets ojts tkajpxwa'kxtë ja Dios ja y'aaw y'ayuk oy tyimmaajëty. Wintsën Jesukristë ojts pyutëkëtë ets ja ja'ay tuk'ijxtëty tuknijawëtëty ko tyiyëty jyääntyëty mëti'ipë kyajpxtëpën, jä'ä ko tuntë winë mëët ja Dios ja myëj'ajtën.

Hechos 16:18

Ko jëtu'un kanaak xëëw y'ëtitsy, yä'äxy jyoky; tää ja Pablo tsyijpënë ets tniwa'akwinpijty ets t'ënëmaay ja ku'oypyë mëti'ipë ja to'oxy'ëna'k ënety myëët'ajtypyën: Jesukristë xyëëwkyëjxm yam mijts n'ëne'emy, ëxmats yë to'oxy'ëna'k. Tääts ja to'oxy'ëna'k ënätyë y'ëxmajtsë ja ku'oypyë.

Hechos 9:40

Tääts ja Pedro tkäjxpëtsëëmtaay ja ja'ayëty ets nyäkyoxtënaaytyakë ets ja Dios ojts tmëkäjpxy ets ja o'kpë tniwa'akwinpijty ets y'ënäny: Tabitá, pëtë'ëk. Ënet ja o'kpë ojts y'ijxwä'kxy ets ja Pedro yajwintë'kxy ets wyä'tskujkëy.

Hechos 9:33

Jam tu'uk tpaty ja ye'etyëjk mëti'ipë xyëëwajtypyën Eneas, xuxyë pa'am myëët'ajtyp, tëë ënety tyuktujkjëmëjtpäjnë ma ja pa'am pyaatëtën.

Hechos 2:46

Jëpom jëpom ijty nyiye'eypyätë ma ja tsajptëjkën ets ma ja tyëjkëtyën ets ja tsajpkääky tujkwa'kxtë ets ijty xoontä'äky kyäytyë y'uuktë yujy tëtä'äky.

Jeremias 26:9

¿Ma jëtu'unpë winma'any xypyiky ko m'ëna'any ko ya'atë tsajptëjk mëti'ipë Wintsën tyëjk'ajtypyën jëtu'un jyata'any tä jyäjtyën jam Siló ets ko m'ëna'any ko ya'atë naax kajpn kyutëkoyä'äny ets tukwa'ats wyë'ëma'any ets ko ka'ap yaa pën tsyëënëja'any? Tä ja mayjyä'äy myujkpejty ets ojts tyajnatuktë ja Jeremías.

Juan 4:48

Ënet ja Jesús y'ëtsoowë: Miitsëty ka'ap mëpëktë pën ka'ap xy'ixtë ja mëj'ajtën.

Hechos 28:9

Ënet ja Pablo ja pa'amja'ay ni'ëmukë nyimiinëtë mëti'ipë jamëtyën ets tsyoktë.