Hechos 4:24 - Biblia Dc en Mixe de Quetzaltepec

²⁴ Ko ja myëku'uk jëtu'un tmëtoowtë, ënät ja Dios ni'ëmukë tja'amyäjtstë: Wintsën, mijts të xyajkojta'ay tu'kë'ëyë winë, wä'än tsajpëty, tnaaxëty, tnëëjëty, tmejyëty ets oy tyimtiijëty,

Biblia Mixe de Quetzaltepec

²⁴ Ko ja myëku'uk jëtu'un tmëtoowtë, ënät ja Tios ni'ëmukë tja'amyäjtstë: Wintsën, mijts të xyajkojta'ay tu'kë'ëyë winë, wä'än tsajpëty, tnaaxëty, tnëëjëty, tmejyëty ets oy tyimtiijëty,

Hechos 4:24 ပူးပေါင်းရင်းမြစ်များ

Éxodo 20:11

Jä'ä ko yë Dios tëtujk xëëw ojts t'oytyuny yë tsajp ets naaxwiinyëtë, yë nëëmejy ets tëkokyë mëti'ipë yajpatpën ma yë'ëjëtyën ets ojts pyo'kxy kom wëxtujk xëëw. Jëtu'un'äämpy ojts ja Dios tkënu'kxy yë po'kxënxëëw ets ojts tnikäjpxy ko wya'atsëty.

Jeremias 32:17

Mijts Wintsën, mëët ja mëk'ajtën ets ja kuttujkën të xyajkojy ja tsajp ets naaxwiinyëtë, ka'ap nitii tsip xyjyawë.

Nehemías 9:6

Ets ja Esdras y'ënäny: Mijts Wintsën ni pën jëtu'un mkamëpaatëtëty tä mijtsën. Jä'ä ko mijts ojts ja tsajp xyajkojy ets mëti'ipë jam waanëkëjxyën ets tëkokyë ja nyimëtsa'a; mijts ojts xyajkojy ja naaxwiinyëtë ets mëti'ipë jää yajpatpën, mijts ja juukymyejy të xyajkojy ets tëkokyë mëti'ipë jap yajpatëpën. Mijts näjyëtu'un myajjuuky'ajtääpy oy tyimtiijëty mëti'ipë juukyajtënmëëtën. Paatykyëjxm m'ëwtatëtë ja mëtsa'a jampë tsajpkëjxm yajpaatën.

2 Reyes 19:15

ënät ja Wintsën t'ënëmaay: Wintsën mëti'ipë y'ëwtajtëpën yë Israel ja'ayëty, ma xyaj'ityën ja mkutujktakn jampë itkujky yajpaatyën ma käkn mëëtpë ja mkukajpxpën: mijts tu'uk mwintsën'ajtp ma tëkokyë yajkutujkpëtëjkën mëti'ipë tuuntëpën naaxwiiny naaxkëjxy; mijts myajkoj yë tsajp ets naaxwiinyëtë.

Jeremias 20:13

Kuuy'ëwtë yë Wintsën ets mëjjaw jaantyjyawëtë, jä'ä ko yë'ë yu'tsyp yë ja'ay mëti'ipë jë'ë ya'ax yajpatpën ëxëëk ja'ay itkujky.

Isaías 51:12

Ëjts yam mijts kë'ëm njotmëkmoopy. ¿Pën mtsë'këp? ¿Naaxwiinyëtë ja'ayë? ¿Naaxwiinyëtë ja'ay mëti'ipë o'kpën, mëti'ipë jëtu'un kukëjxëpën tä aay ujtsënë?

2 Reyes 19:19

E tyam mijts myaj'amëtoy myajpëjktsoy Wintsën, ma mijts myaj'ëwtatyën, koos xynyiwaantu'utëty ets ëwaatsëtuuy xyajwë'ëmtëtyës këtiipës tääpë ja'ayëty ëxëëk xytyuntëty, jëtu'un tëkokyë ja naax kajpn tnijawëtëty ko mijts tu'uk mWintsën, mëti'ipë mëpaat yë naaxwiinyëtë ja'ay t'ëwtatyën.

Hechos 16:25

Tsu'umkujk ënety, tap tmëtowtë ja wiinkëtypë ja pujxntëjkja'ayëty ko ja Pablo mëët ja Silas tyëjkëtyë Dios mëkajpxpë ets tkuuy'ëwtë.

Hechos 4:23

Ko ja Pedro ets ja Juan y'ëwa'atspëtsëëmtë, tääts ja myëku'ukëty ojts tninëjkxtë ma ënety jamëtyën, ets tukmëmëtyaktë wi'ix ënety ja teety wintsëntëjk ets ja mëjja'aytyëjk të y'ënë'ëmxëtën.

Hechos 14:15

Mëku'uktëjkëty, ¿tii ko jëtu'un m'ëtë'ëtstë? Ja'ay ëëts näjyëtu'unëty ijxtëm miitsëtyën. Yë'ës nimiintëp ets ja oy aaw oy ayuk nkajpxwa'kxa'antës ets xy'ëxmatstëty ya'atë jëtu'unpë winma'any mëti'ipë ka'ap tsyowpaatyën. Mëpëktë ja Dios Juukpyë, mëti'ipë tsajp yajkojën, naaxwiinyëtë ets ja mejy ets tu'kë'ëyë winë mëti'ipë naaxwiiny yajpatpën.