Hechos 4:17 - Biblia Dc en Mixe de Quetzaltepec

¹⁷ Ets këtiipë ya'atë aaw ayuk myëjwiin kyëjääjëty, tsojk nkajpx'ëtsë'këmë këtiipë muum t'ëknimëtyaknëtëty yë Jesús.

Biblia Mixe de Quetzaltepec

¹⁷ Ets këtiipë ya'atë aaw ayuk myëjwiin kyëjääjëty, tsojk nkajpx'ëtsë'këmë këtiipë muum t'ëknimëtyaknëtëty yë Jesús.

Hechos 4:17 ပူးပေါင်းရင်းမြစ်များ

Jeremias 38:4

Ënet ja wintsëntëjkëty t'ënëmaaytyë ja yajkutujkpë: Tyaapë ja'ay wä'än timy'ooky, ni'ikyë tsë'ëkëwinkajpxë yë tsiptuunpëtëjk mëti'ipë yaa naaxjoty kajpnjoty niwäänë të jyaakwë'ëmtën ets ja'ayëty. Ya'atë ja'ay ka'ap oypyë tmëmay tmëtajy ma kajpnën, ni'ikyë tsoky ets ja'ay o'ktëy jyatëty.

Amós 2:12

Miitsëty ojts xy'atsip'atë ja nazareo ja'ay ets y'uukëty myu'ukëtëty ets xy'akajpxtujktë ets këtiipë yë käjpxynyajxpë tnimëtya'akëty ja n'ayukës.

Mateo 27:64

Paaty ëëts npëjktsowtë ma mijtsën ets tëkëëk xëëw yajkëwent'atëty ja o'kpë jut këtiipë myintëty ja y'ijxpëjkpëtëjk ets tmëkä'äktëty ja Jesús ja nyi'kx kyopk ets ok t'ënëëmëtëty ja ja'ay ko tëë ja Jesús jyuukpyiky. Ko jëtu'un wyin'ëëntëty, wäänëni'ik ja ja'ay nëjkx tyajmëpëktë këtiinëm jëtu'un ma të jyuuky'ätyën.

Mateo 9:30

Ënet ojts y'ijxë'ëktë ets ja Jesús mëktä'äky y'ënëmaayëtë: Këtii tëy pën xytyuknijawëtëty.

Juan 15:21

Ëxëëk mjata'an mkëpäta'antë mëët ëjtskyëjxm, jä'ä ko ka'ap nijawëtë pën të xykyexyës.

Hechos 4:21

Ënet ja kutuunktëjkëty ojts kyajpx'ëtsë'ëkëtë je'eyë ets jëtu'unyë y'ëxmajtsëtë, ka'ap tpatë ja winma'any wi'ix tyiytyunëtëty, jä'ä ko ja ja'ayëty tyukmëjja'awëtyëp ja Dios mëët mëti'ipë ënety të tyuny të jyätyën.

Hechos 5:24

Ko jëtu'un ja ayuk tmëtoowtë ja teety wintsënëty ets ja mëjtsajptëjk këwent'ajtpë wintsënëty, ka'ap tmëwinma'anypyatë, je'eyë tmëmay tmëtajtë wi'ix kyukëxëja'any ya'atë winë.

Hechos 5:28

Tëë mëk'äämpy nëëmëtë ko ka'ap tääpë Jesús jyä'ä xy'ëknimëtyakënëtëty ma ja'ayëtyën. ¿E miitsëty tii të xytyuntë? tëë ja Jerusalén kajpn xytyuk'ëwa'anëtya'atë tääpë ijxpëjkën, etsës näjyëtu'un ëëts xypyokynyitijtë ko ja Jesús të y'ooky.

Efesios 6:9

E miitsëty wintsënëty mëti'ipë yajtuunpë tuuntëpën, wintsë'ëkëtë ja mtuunpëtëjkëty, këtii xy'ëtsu'uxya'axtëty. Miits tëë xynyijawëtë ko jëtu'un miitsëty ijxtëm yë'ëjëtyën, tu'ukyë xymyëtuntë ja Wintsën mëti'ipë tsajpjotmën; yë Dios ka'ap pën twiink'ixy, wä'än tmëtuunpë ëkë tkamëtuunpëty.

1 Tesalonicenses 1:8

Tëë tsyo'ontä'äky ja Wintsën ja y'aaw y'ayuk ma miitsëtyën ets të myëjtëkë, ka'ap jyämyëty je'eyë Macedonia ets Acaya, näjyëtu'un oymyaajëty ets yajnijawë wi'ix xymyëpëktën ja Dios. ¿Wi'ixës njaaktimy'ëna'anëty?

1 Pedro 2:23

Ko yajwinkajpxpejty, kä'äp y'ëtsooy ajoot'an; ko yajtsaatsy tyuuny, ka'ap y'ëtsu'uxyäxy; je'eyë ja Dios ojts nyätyukë'ëwanëty ets yë'ë nyipaye'eyëtëty.