Hechos 4:13 - Biblia Dc en Mixe de Quetzaltepec

¹³ Ko ja kutuunktëjkëty t'ijxtë ko amëk jotmëk kyajpxtë ja Pedro ets ja Juan ets ko tnijawëtë ko ka'ap ënety maa të tni''ijxpëkëtë, mëjmëtoy ojts tmëtowtë; ënät nija'awëtyë ko yë'ë ja Jesús ja y'ijxpëjkpë.

Biblia Mixe de Quetzaltepec

¹³ Ko ja kutuunktëjkëty t'ijxtë ko amëk jotmëk kyajpxtë ja Pedro ets ja Juan ets ko tnijawëtë ko ka'ap ënäty maa të tni''ijxpëkëtë, mëjmëtoy ojts tmëtowtë; ënät nija'awëtyë ko yë'ë ja Jesús ja y'ijxpëjkpë.

Hechos 4:13 ပူးပေါင်းရင်းမြစ်များ

Mateo 11:25

Näy jä'ä xëëw ja Jesús y'ënäny: Tatë, nmëjja'ap nkënu'kxyjya'ap mijts; tsajpjotmëpë ets naaxwiinypë Wyintsën'atyën, jä'ä ko tëë ja ja'ay yu'unkpë naxymyëpë jyuuky'atën xytyuknijawë ja winma'any tsippëpë, ja winma'any mëti'ipë të xytyukwinkuyu'utsyën ja ijxpëkyjyä'äytyëjkëty ets wijyjyä'äytyëjk.

Mateo 26:71

Tääts ojts nyijkxy wiinktsow ets jam tëjk'ëkë'ëm nyaaxwä'ky. Jampts wiinkpë ja to'oxy'ëna'k mëtuunpë y'ijxë ets tuk'ëwa'anëy ja ja'ay: Ya'atë ja'ay jëtijtp ijty mëët yë Jesús, yë nazaretëtë ja'ay.

Mateo 26:73

Wäänë y'ijty tääts ja Pedro nyiminyë ja ja'ay ets y'ënëmaayëtë: Yaj'ijxp ko mijts mjëtijtp ijty mëët yë Jesús, jëtu'un mkäjpxy mmëtyä'äky tä yë'ëjën.

Lucas 22:8

Ënet ja Jesús tkejxy ja Pedro mëët ja Juan ets t'ënëmaay: Nëjkxtë ja ëmaayxyëëw a'ux nipëjktaakëtë ets nkä'ämyëty n'ukmëty.

Juan 19:26

Ko ja Jesús t'ijxy ja tyaak ets ko tam winkon tyänë ja y'ijxpëjkpë mëti'ipë ni'ik tsyojkpyën ënät t'ënëmaay ja tyaak: Nanë, tam mpa'atënëty ja m'u'unk.

Juan 7:15

Ja jutiis ja'ayëty mëj ixy t'ijxtë, paaty y'ënantë: ¿Wi'ix jëtää ya'atë ja'ay winë timynyijawë ets ka'ap të y'ijxpëky?

Juan 7:49

Ja'ay mëti'ipë ka'ap tnijawëtën ja Dios ja y'ënä'ämën, kajpxpoky y'itë.

Hechos 4:14

Ets tam ënety ja ja'ay yajpaaty mëët yë'ëjëty mëti'ipë të tsyo'okyën, paatykyëjxm ka'ap tjëkyepy wi'ix y'ëna'antëty.

Hechos 4:19

Tääts ja Pedro ets ja Juan y'ëtsoowtë: Miits kë'ëm yajxon ëkwinmay ëkwintajtë pën paat'ajtëp Dios wyintuuy ko miits myajmëmëtowtëty ets Dios ka'ap.

Hechos 4:29

E tyam, Wintsën, ix wi'ix kyajpx'ëtsë'ëkëtën ets yajkutuk ets ja mtuunp amëk jotmëk tnimëtya'aktëty ja m'aaw m'ayuk.

Hechos 4:31

Ko ja Dios tja'amyäjtstaaytyë, tääts ja tëjk tsyëyuuypyijky ma ënety jam të nyiye'eypyätën ets ja ja'ayëty t'ëxajëtyääytyë ja Kënu'kxymyëk'ajtën ets amëk jotmëk nimëtyaktë ja Dios ja y'aaw y'ayuk.

Hechos 9:27

Ënet ja Bernabé ojts twoownëjkxy ja Saulo jam, ets tukwinkuwo'owëy ja ijxpëjkpëtëjk. Tääts ja Bernabé tnimëtyäky wi'ix ënety ja Saulo të t'ixyën ja Wintsën tu'ujotm ets wi'ix myëkajpxën ja Wintsën ets näjyëtu'un wi'ix ënety amëk jotmëk të tnikäjpxy të tnimëtyä'äkyën ja Jesús jam Damaskë.

Hechos 9:28

Tääts ja Saulo ojts jam wyi'im Jerusalén mëët ja ijxpëjkpëtëjk ets yë'ë mëët jyëtijnëtë. Amëk jotmëk ja Dios ja y'aaw y'ayuk tnikäjpxy tnimëtyakëtë,

1 Corintios 1:27

E tëë ja Dios wyinwitsëtë mëti'ipë yajtijtëpën tsuuja'ay yaa naaxwiiny ets tyajtsëtyu'unpaata'any ja ja'ayëty mëti'ipë nätyijëtëpën wijy kejy; ets tëë ja Dios twinwitsy ja mëti'ipë yajtijtëpën ëmaay paki'ix ets tyajtsëtyu'unpaata'any ja mëti'ipë nätyijëtëpën amëk jotmëk.

1 Corintios 14:25

Jëtu'unts nëjkx yajnijawë mëti'ipë ënety jyotmay'äjtypyën jyootjoty wyinma'anyjoty ets ja Dios nëjkx twinkoxtänë ets tmëjjaw tjaantyjawëty ets nijawëty ko ja Dios yajpaaty ma miitsëtyën.

2 Corintios 3:12

Mëët yë'ë ko tääpë ja oyajtën n'a'ix njëjp'ijxëmë, paaty akujk jotkujk nikajpx nimëtyakëmë.