Hechos 3:6 - Biblia Dc en Mixe de Quetzaltepec

⁶ Ënet ja Pedro t'ënëmaay: Ka'apës tii meeny nmëëtëty, yë'ë tëy nmo'ojëp mëti'ipës nmëët'ajtypyën: Jesukristë xyëëwkyëjxm, mëti'ipë Nazarenë ja'ayën yam mijts t'ënëëmë ets mye'eyëty.

Biblia Mixe de Quetzaltepec

⁶ Ënät ja Pedro t'ënëmaay: Ka'apës tii meeny nmëëtëty, yë'ë tëy nmo'ojëp mëti'ipës nmëët'ajtypyën: Jesukristë xyëëwkyëjxm, mëti'ipë Nazarenë ja'ayën yam mijts t'ënëëmë ets mye'eyëty.

Hechos 3:6 ပူးပေါင်းရင်းမြစ်များ

Hechos 3:16

Mëti'ipë miits m'ijxtëpën ets mnija'awëtëpën tyam, ets mëj'äämpy tyajnaxy ja Jesús, yë'ë ko yajmëpëky ja xyëëw. Ja mëpëjkën mëti'ipë yajmëët'ajtpën jam ma ja Jesús ja xyëëwën, yë'ë ja tekymya'at të yajtso'okyë, ijxtëm tyam ni'ëmukë xy'ixtën.

Hechos 10:38

Mnija'awëtëp näjyëtu'un ko ja Dios tmooy ja Jesús ja Kënu'kxymyëkajtën mëët ja mëk'ajtën, ets ko ja Jesús tuuny ja oypyë ko jyëtijty naaxwiiny ets tyajtsoky ja ja'ay ni'ëmukë mëti'ipë ënety ja mëjku'u yaj'ëyoowëtëpën. Jëtu'un ojts ya'atë tuny jä'äkyëjxm ko ja Dios mëët yajpaaty.

Hechos 4:10

E oy ko xyajtëwtë, tyamës nikajpxtë ma miitsëtyën ets ma tëkokyë ja Israel ja'ayëtyën; ko ya'atë ja'ay, mëti'ipë yam m'ijxtëpën: ja Jesús ja xyëëw, mëti'ipë Nazaret kukajpn'ajtën yë'ë të yajtso'okyë, mëti'ipë miits myajkruutspäjtën ets mëti'ipë ja Dios jatëkok të yajjuukpyikyën.

Hechos 9:34

Tääts ja Pedro t'ënëmaay ja Eneas: Eneas, Jesukristë yam myajtsokëp. Pëtë'ëk, yajpëtë'ëk mmaapäjn. Tääts ja Eneas ënätyë pyëti'ky.

2 Corintios 8:9

Jä'ä ko miitsëty tëë xynyijawëtë wi'ix ja Wintsën Jesukristë mëyajtën të tunyën. Jesús jam y'ity tsajpjotm, myëët'ajtääpy tu'kë'ëyë winë, je'eyëp ko ojts myiny yaa naaxwiiny; jëtu'un ojts nyäpyëjktä'äkyë ijxtëm tu'uk ja ëyoopëja'ayën mëët jä'äkyëjxm ko të xytsyojkëm ets npatmëty ja jotkujk'ajtën.

Hechos 16:18

Ko jëtu'un kanaak xëëw y'ëtitsy, yä'äxy jyoky; tää ja Pablo tsyijpënë ets tniwa'akwinpijty ets t'ënëmaay ja ku'oypyë mëti'ipë ja to'oxy'ëna'k ënety myëët'ajtypyën: Jesukristë xyëëwkyëjxm yam mijts n'ëne'emy, ëxmats yë to'oxy'ëna'k. Tääts ja to'oxy'ëna'k ënätyë y'ëxmajtsë ja ku'oypyë.

Marcos 16:17

Ja ja'ay mëti'ipë mëpëjktëpën, yë'ë tyuntëp: Ëjts mëët yë nxëëw nëjkx t'ixkäxtëty ja ku'oypyë; kyajpxtëp ja wiink ayuk;

Santiago 2:5

Mëku'uktëjkëty, mëtowtë ets ja'akyukëtë ya'atë: Dios tëë twinwitsy ja ja'ay mëti'ipë ëyoowtëpën yaa naaxwiiny ets ni'ik ja mëpëjkën tmëët'atëty ets t'ëxajëtëty ja kuma'ayën mëti'ipë Dios të tukwinwanën ja ja'ay mëti'ipë tsojkëpën;

1 Pedro 4:10

Këëkjä'ä miits xytyuntëty ja mtuunk ijxtëm ja Dios të mmo'ojëtën. Näpyutëkëtë nixim niyam wi'ixëty ja Dios ja kënu'kxën mtukpaatëtën.

Hechos 4:7

Ënet ja Pedro ets ja Juan yajwoowmiintë ets jam itkujky yajkuwo'owëtyë ets tyajtëëwtë: ¿Pën yë mëk'ajtën mmooyëtëp ëkë pën jëtu'un mnëmaayëtëp ets jëtu'un winë xytyuntëty?

Hechos 2:22

Miitsëty, Israel ja'ay ja tyiktsëty y'aatsëty, mëtowtë mëti'ipës yam nkajpxäämpyën: Ijxtëm miitsëty wa'ats xynyijawëtën, ojts ja Dios tyaj'ixyë ja kyutujkën mëët ja Jesús, Nazaretëtë ja'ay, ko tyaj'ixyë ja myëj'ajtën y'oyajtën ets kanaakjëjp ja ijxpät.

Hechos 2:36

Wä'än ja Israel ja'ay nija'awëtya'atë ko tyiyëty jyääntyëty ko ja Jesukristë, mëti'ipë miits myajkruutspäjtën, tëë ja Dios tpëjktä'äky Wintsën ets Kristë.

Mateo 10:9

Ka'ap tii meeny xykyontëty, ijxtëm yë pu'ts pujxnën, poop pujxnën ets yëk pujxnën,

Mateo 7:22

Ko ja ja'ay yajpaye'etyëty, may nëjkx y'ëna'antë: Wintsën, Wintsën, mijts mxëëwkyëjxmës të nkajpxwa'kxtë ja Dios ja y'aaw y'ayuk, mijts mxëëwkyëjxmës ja ku'oypyë të n'ixkäxtë ets mijts mxëëwkyëjxmës may ja Dios ja myëj'ajtën të nyaj'ijxëtë.

2 Corintios 6:10

Jëtu'unës nyaj'ixtë maaytyëp tajtëpës yowë, je'eyëp ko jotkujkës n'itë; ëyoowtëpës nyaj'ixtë, je'eyëp nyajjotkujktaktëpës may ja ja'ay; jëtu'un kyëxë'ëky ka'apës yowë tii nmëët'atë, e nmëët'ajtaaytyëpës winë.

Juan 19:19

Ets ja Pilato tni'ënä'ämëy ets ja ayuk jam yajkëxja'ajëty kruuts këpäjky mëti'ipë ënaanp: Jesús Nazaretëtë ja'ay, jutiis ja'ay yajkutujkpë.

2 Corintios 8:12

E pën winë aaw winëjot yoxäämpy ja myeeny, kyëwentëpëkäämpy ja Dios wi'ix pën myëtä'äkyën, Dios ka'ap pën t'amëtoy mëti'ipë ka'ap tii tmëëtëtyën.

Marcos 14:8

Ya'atë to'oxytyëjk yë'ë të tuny mëti'ipë të myäyën tunëty, tëëjës xytyukkuutsy yë pa'akxu'kpë nëë ets jëtu'un nipëjktaakë koos naaxtëkëja'any.

1 Corintios 4:11

Tyampaatës ja ëyo'on n'ixtë npaatë, ja yuu tëëtsë ets ko ja wit xox kyaka'ty, ëxëëkjaty ja ja'ay xytyuntës, ka'apës tii ja njëën ntëjkëty.

Hechos 3:5

Tääts ja tekymya'at jyänty ijxë'ky, jam tjëjp'ixy tii yajmo'oja'any.

Hechos 3:7

Tääts ja Pedro tmajtsy ma ja y'a'oykyë'ëjën ets twijtsë'ky, ënätyë wya'k'o'oyëy ets ja tyeky myëkpëjky.