Hechos 3:25 - Biblia Dc en Mixe de Quetzaltepec

²⁵ Miitsëty tëë myajtukumaytyë ja Dios ja wyaantakën mëti'ipë ja käjpxynyajxpë ojts nimëtya'aktën, ets tëë näjyëtu'un myajtukumaytyë mëti'ipë ja Dios kyäjpxytyuunën mëët ja m'ap m'okëty: Ni'ëmukë ja naaxwiinyëtë ja'ay nëjkx yajkënu'kxtë ko ënety yajkënu'kxtë ja m'u'unk m'okëty.

Biblia Mixe de Quetzaltepec

²⁵ Miitsëty tëë myajtukumaytyë ja Tios ja wyaantakën mëti'ipë ja käjpxynyajxpë ojts nimëtya'aktën, ets tëë näjyëtu'un myajtukumaytyë mëti'ipë ja Tios kyäjpxytyuunën mëët ja m'ap m'okëty: Ni'ëmukë ja naaxwiinyëtë ja'ay nëjkx yajkënu'kxtë ko ënäty yajkënu'kxtë ja m'u'unk m'okëty.

Hechos 3:25 ပူးပေါင်းရင်းမြစ်များ

Génesis 22:18

ets tu'kë'ëyë yë naaxwiinyëtë ja'ayëty nkënu'kxta'ajäämpyës mëët mijtskyëjxm, jä'ä koos mijts të xymyëmëtoy.

Hechos 2:39

Miits yë Dios të mtukwinwanëtë mëët yë m'u'unk m'ëna'këty ets jënu'un yë naaxwiinyëtë ja'ay mëti'ipë jëkämpaat tsënaaytyëpën, ni'ëmukë mëti'ipë ja Wintsën wyinwitsäämpyën.

Gálatas 3:8

Ma ja Dios ja y'aaw y'ayuk këxja'ay myinyën, tap nimëtyä'äky ko mëpëjkënkyëjxm ja ja'ay oy wyi'imy mëët ja Dios mëti'ipë ka'ap jyutiisëty ets jëtu'un ja Abraham yajtuk'ëwa'anëy ja oy aaw oy ayuk ko ja Dios y'ënëmaayë: tu'kë'ëyë naaxwiinyëtë ja'ay kënu'kxy nëjkx wyë'ëmta'atë mëëtkyëjxm ko mijts të mmëpëky.

1 Crónicas 16:17

ets ojts kanaak'ok tnikäjpxy ko Jacob jyuuky'äjty, tääts ojts y'awinpity tu'uk tëyajtën, mëti'ipë wë'ëmën winë xëëw ma ja käjpxytyu'unën y'ijtyën mëët yë Israel,

Génesis 12:3

Nkënu'kxäämpyës mëti'ipë ënety mkënu'kxëpën, npokäämpyës mëti'ipë ënety mpojkëp mijts kyëjxmën; mëët mijtskyëjxm nkënu'kxta'ajäämpyës yë ja'ay naaxwiinyëtë apëtsëmy.

Apocalipsis 7:9

Ko jëtu'un y'ëkjajty, ënätës n'ijxy ja nimayjyä'äy, mëti'ipë tso'ontëpën wiink naax wiink kajpn ets wiink aaw wiink ayuk kyajpxtëp. Jam tyänëtë ma ja kutujktaknën ets ma ja Kupixynyën, nimay yajxon ka'ap tjëkyepy nmëtyo'owmëty. Poop xoxyëty, kum aay myënëjkxtëp.

Gálatas 3:16

Näyjyëtu'un ënät, Dios ojts tukwinwanë ja Abraham mëët ja y'u'unk y'ok ja oypyë ja juukyajtën. Yë Dios yë y'aaw y'ayuk ka'ap ni'ëmukë ja'ay tijta'ay: U'unk ok, jä'ä y'ënäny mijts yë m'u'unk m'ok, ja Kristë yajtijp.

Romanos 4:13

Dios ojts tukwinwanë ja Abraham ets ja y'u'unk y'ok tukumayä'äny ja naaxwiinyëtë; ka'ap yë'ëkyëjxmëty ko ja ënä'ämën tpatuntëty, yë'ëkyëjxm ets oy ets mëtëy ja paye'eyën jyää'atëty ko myëpëjky.

Gálatas 3:29

Ets pën Kristë miits të xymyëpëktë, ja Abrahamën näjyëtu'un m'u'unk'ajt m'ok'ajtëtëp ets miits xyjyä'ä'atë ja kuma'ayën mëti'ipë ja Dios të tuknipëjktaakën.

Salmos 22:27

Tu'kë'ëyë ja'ay ets ja naax kajpn, ja'ay wiinktsowpë tsyoontën, naaxwiinyëtë apëtsëmy: ja'amyätstë Wintsën ets nnimintë. Yë'ë wiinkoxtänëtë.

Nehemías 9:8

M'ijx ko mijts ënety mtimtyuk'ijxpäjtëp, paaty tyuuny ja käjpxytyu'unën mëët yë'ë: Ko xy'ënëmaay ko yë'ë nëjkx ja y'u'unk y'ok xymyo'oy ja nyaaxëty ma tsyëënëtën ja Canaán ja'ayëty, Hit ja'ayëty, Amor ja'ayëty, Ferez ja'ayëty, Jebús ja'ayëty ets gergeseos ja'ayëty; e tëëjës ja m'aaw m'ayuk xjyäntykyuuytyuny jä'ä ko mijts mpatuunpy ja mëti'ipë mnikäjpxypën.

Génesis 28:14

Yë m'u'unk m'ok jëtu'un nyimay'ata'antë ijxtëm yë naaxwayën ets xiitsow yaatsow tyajwintuka'antë yë naaxwiinyëtë, jëtu'un anëkëjxy'äämpy ets ëpa'tkë'ëy'äämpy, a'oytsyow ets anajnytsyow. Tu'kë'ëyë ja'ayëty kënu'kxy y'ita'antë mëët mijtskyëjxm ets m'u'unk m'ëna'këty.

Génesis 26:4

Yë m'u'unk m'ok jëtu'unës nyajnimayëja'antë ijxtëm yë mëtsa'a mëti'ipë tsajpjotm këxë'kpën. Miitsëty nmo'ojantëp tëkokyë ya'atë naax kam ets näjyëtu'un nkënu'kxta'ajäämpyës naaxwiinyëtë ja'ayëty mëëtkyëjxm mijts yë m'u'unk m'ok.

Génesis 20:7

E tyam yajwinpijtë ënät yë tyo'oxytyëjk tääpë ye'etyëjk, jä'ä ko käjpxynyajxpë yë'ë, yë'ëjës xymyënu'kxta'akaanp ets mijts mjuuky'atëty. E pën ka'ap xyajwinpijtë yë tyo'oxytyëjk, tyam yajxon ntim'ënëëmë ko o'kta'ajantëp niwinë ja'ay mëti'ipë mmëët'ajtypyën.

Génesis 17:19

Ets Dios y'ëtsoowë: Mëti'ipë mijts ntuk'ënëmääpyën yë'ë ko mto'oxytyëjk tu'uk yë u'unk tyajmina'any naaxwiiny ets xyëëw xypyëjtakëty Isaac. Mëët yë'ë ntuknikajpxpejtypyës yë n'oyajtënës ets yë'ë myëët'atantëp yë y'u'unk y'ok.

Apocalipsis 14:6

Ënet ja wiinkpë ja tsajpjotmëtë kukäjpxy n'ijxyës jam tsajp'itkujkm kyaakëtity. Ja ayuk myëmiinpy ets tkajpxwa'kxa'any wi'ix nyitso'oktëty ja naaxwiinyëtë ja'ay, oymyëti'ipë kajpnëty, oymyëti'ipë naaxëty, ets oy tyimpën ja'ayëty ets tu'kë'ëyë mëti'ipë ja aaw ayuk kyajpxtëpën.

Apocalipsis 5:9

Ets ja jempyë ëy t'ëwtë: Mijts mpaat'ajtëp ets xy'ëxajëty yë noky apëtity mëti'ipë wëxtujkpëky nitsaaypyetyën, ets xyaj'ëwa'atsëty, jä'ä ko mijts të mwintsë'kën'aty, të xykyupety ja ja'ay ja pyoky ets ja Dios jyä'äy'atëtëty, ja ja'ay mëti'ipë tso'ontëpën ma ja it naaxwiinyëtën ets mëti'ipë kyajpxtëpën kanaakpëky ja aaw ayuk.

Romanos 15:8

Ja Kristë tëë jëyëjp tniminy ja Jutiis ja'ay ets tpatuny ja aaw ayuk mëti'ipë ja Dios tyukwinwa'anëyën ja n'ap'ajt nteety'ajtëmë, ets tyajnikëxë'ëky jëtu'un ko Dios pyatuumpy yë'ë ko tii twinwanë.

Hechos 13:26

Tääts ja Pablo jyaak'ënany: Mëku'uktëjkëty, Abraham yë y'u'unk y'ok, ets miitsëty ka'apë jyutiis'atën je'eyëp ko mmëpëjktaktëp ja Dios: ëëts jëtu'un ojts nyajtuknikäjxëm ja aaw ayuk mëti'ipë yajknitsokpën.

Lucas 1:72

ko tpa'ëyowa'any ja n'ap'ajtëmë, ets ko ka'ap tja'atyëkoyä'äny ja käjpxytyu'unën.

Salmos 96:7

Tukxoonta'aktë yë Wintsën ninu'un mtu'kjëëky'at mtu'kmëku'uk'atën, tukxoonta'aktë yë Wintsën mëët yë jot mëjaaw ets mëj'ajt oyajtën.

Génesis 18:18

Jä'ä ko teety'ataanp yë'ë ma ja mëjpë ets mëkpë ja naax kajpnën. Yë'ëjës të ntukmëkënu'kxë ja'ayëty ma tu'kë'ëyë naax kajpn ets ma naaxwiinyëtë y'ëwtityën.

1 Crónicas 16:16

Ja käjpxytyu'unën mëti'ipë myëët'ajtën mëët ja Abraham, ja käjpxy mëtyä'äky mëti'ipë yaj'ijtën mëët Isaac