Hechos 3:21 - Biblia Dc en Mixe de Quetzaltepec

²¹ Yë Jesús tëë nyijkxy jam tsajpjotm ets jam tyam yajpaata'any koonëm ja Dios tyaj'o'oyëtya'ajëty winë, ijxtëm y'ënantën ja kyäjpxynyajxpëtëjk mëti'ipë tëëyëp juuky'ajtëpën.

Biblia Mixe de Quetzaltepec

²¹ Yë Jesús tëë nyijkxy jam tsajpjotm ets jam tyam yajpaata'any koonëm ja Tios tyaj'o'oyëtya'ajëty winë, ijxtëm y'ënantën ja kyäjpxynyajxpëtëjk mëti'ipë tëëyëp juuky'ajtëpën.

Hechos 3:21 ပူးပေါင်းရင်းမြစ်များ

Isaías 1:26

Jä'äjës ntsoky ets jatëkok xymyëët'atëty m'ënä'ämpë mkutujkpë ijxtëm ijty tëëyëpën, xymyëët'atëty jatëkok mëti'ipë mnajts'ëw mnajtskajpxëtëpën. Koos ënety jëtu'un të ntuny tääts nëjkx jatëkok myajtijy Oykyajpn Wa'ats Kajpn.

Lucas 1:70

Yë'ë ja Dios ojts twinwanë mëët ja kyäjpxynyajxpëtëjk,

Hechos 1:11

ets y'ënëmaayëtë: Miits, Galilea ja'ayëty, ¿tii mpa'at'ijxtëp jam tsajpjotm? Ya'atë Jesús mëti'ipë të xy'ixtën pya'tëkë tsajpjotm, jëtu'un jatëkok myina'any yaa naaxwiiny.

Hechos 10:43

Ni'ëmukë ja Dios ja kyäjpxynyajxpëtëjk tëë ënety tnikäjpxy tnimëtya'aktë ja Jesús ets tëë ënety y'ëna'antë ko pën ja Jesús myëpëjktëp, jä'ä pyoky yajnimä'kxantëp.

Hechos 3:19

Paaty xy'ëxmatstëty ja m'ëxëëk winma'anyëty ets mwinpitëty ma Tiosën, jëtu'unts ja mpoky yajmä'kxtëty,

Hechos 3:20

ets ja Wintsën të mtuknikäxëtëty ja jotkujk'ajtën ko ja Kristë të myiny, mëti'ipë tëëyëp tyuknipëjktakëpën ko tkäxa'any.

Romanos 8:21

ets ja mëj'ajtën jaanty'ajtën ëwa'atstum pyëjkta'akëtëty ets ja Dios ja y'u'unk y'ëna'k tpata'antë ja myëj'ajt y'oyajtën.

Hebreos 1:1

Tëëyëp, kanaak ok ojts ja Dios tmëkäjpxy ja n'ap'ajt n'ok'ajtëm ets kanaakjëjp ja winma'any tja'ixtaay ko ojts tjayajkäjpxy ja käjpxynyajxpëtëjk.

2 Pedro 1:21

Jä'ä ko ka'ap ja kyäjpxynyajxpëtëjk ojts yë'ë tnikajpxtë mëti'ipë kë'ëm myääytyëp tyajtëpën, kënu'kxymyëk'ajtën ojts winma'any myo'ojëtë.

2 Pedro 3:2

Ja'amyätstë mëti'ipë ja Dios ja kyäjpxynyajxpëtëjk jyääywyë'ëmtën tëëyëp, ets ënä'ämën tëyajtën mëti'ipë ja oy ayuk käjpxynyajxpëtëjk nyimëtyaktën.

Apocalipsis 18:20

Mijts, tsajpjotmëpë yajpaatën, xoonta'aktë mëët ko jëtu'un të jyäty tääpë kajpn; ets miitsëty wa'ats kajpnëty, ayuk kajpxnajxpëty, käjpxynyajxpëtëjkëty xoonta'aktë jä'ä ko tëë ja Dios tuny ja paye'eyën ko të tyajkutëkoy tääpë kajpn.

Apocalipsis 22:6

Ënet ja tsajpjotmëtë kukäjpxy xynyëmaayës: Tëy jaanty ya'atë ayuk ets jyëkyejpy yajtuk'ijxpätety ets yajmëpëkëty. Ja Wintsën, mëti'ipë ja käjpxynyajxpëtëjk Tyiosajtën, tëë ja y'anklës tkexy ets tuk'ixa'any tuknijawëja'any ja tyuunpëtëjk tii tsojk tunan jatanëpën.