Hechos 3:20 - Biblia Dc en Mixe de Quetzaltepec

²⁰ ets ja Wintsën të mtuknikäxëtëty ja jotkujk'ajtën ko ja Kristë të myiny, mëti'ipë tëëyëp tyuknipëjktakëpën ko tkäxa'any.

Biblia Mixe de Quetzaltepec

²⁰ ets ja Wintsën të mtuknikäxëtëty ja jotkujk'ajtën ko ja Kristë të myiny, mëti'ipë tëëyëp tyuknipëjktakëpën ko tkäxa'any.

Hechos 3:20 ပူးပေါင်းရင်းမြစ်များ

Apocalipsis 1:7

Nijawëtë. Ko yë Kristë jam myina'any yootsjotm. Ni'ëmukë ja ja'ay t'ixa'antë, yë'ëpaat mëti'ipë ojts tyajkruutspätën. Jë'ëjan ya'axantëp ja naaxwiinyëtë ja'ayëty ko ënety t'ixtë. Tëy jëtu'un, jëtu'un y'itëty.

2 Tesalonicenses 2:8

Ko yajjëpëkëty, jää yajnijawëja'any pën ëxëëk'ajtën'ajtpën, mëti'ipë ja Wintsën Jesús nëjkx pyixtëkoyën ets yajkutëkoyä'änyë ko ënety myiny mëët ja y'ajaj y'atë'kxën.

2 Tesalonicenses 2:2

ets këtii ja mwinma'any xyajtëkatstëty, këtii mtsë'ëkëtëty ko pën y'ëna'anëty ko tëë ja Dios tyukmëmëtyä'äkyë mëët ja Kyënukxymyëk'ajtën; ëkë ko pën y'ëna'anëty ko tëë tpaaty ja ijxpëjkën ko të yajtukmëmëtyä'äky ëkë ko të yajtuknijayë, jëtu'unpë ja winma'any ijxtëm ojts ëëts nnikajpxtën ko tëë ja xëëw po'o tpaaty ma ja Wintsën myina'anyën.

Lucas 19:11

Tam ënety ja ja'ay tmëtoow'itë mëti'ipë ja Jesús nyimëtyäkpyën, ënät tu'uk ja ijxpät nimëtyaktso'ony, tim ja'tanëtëp ënety jam Jerusalén ets ja ja'ay myäytyë tyajtë ko tim wiinkoonp ja Dios ja kyutujkën.

Hebreos 9:28

Näyjyëtu'un ja Kristë të wyintsë'kën'aty tuk'okyë ets ja mayjyä'äy të pyokywya'atstë. Ok jatëkok myina'any ja mëmäjtsk okpë, je'eyëp ko ka'ap yë'ë t'ëkniminanë ja nëë poky, yë'ë nyiminäämpy ets tyajnitso'oka'any ja mëti'ipë jëjp'ijxëtëpën.

Hechos 17:31

Jä'ä ko tëë ja Dios tuknipëjktaakë jëna'a ja naaxwiinyëtë ja'ay tpaye'eyä'änyën ijxtëm pyaat'atyën. Yë'ë të tuknipëky tu'uk ja ja'ay mëti'ipë të twin'ixyën; ets tëë xytyuk'ijxëmë ja myëk'ajtën ko ojts tyajjuukpyiky jatëkok oy ënety të y'ëk'ooky.

Lucas 21:27

Ënet yaj'ixa'any jam tsajpjotm tsyoony yootsjotm ja naaxwiinyëtë ja'ay ja y'U'unk mëët ja mëj'ajt oyajtën.

Marcos 13:26

Tääts ja ja'ay t'ixtëty koos yootsjoty ënety nminy mëët ja mëk'ajtën ets ja mëj'ajt oyajtën.

Mateo 24:3

Tam ënety ja Jesús y'u'unyë Olivos kopkwinm, ko ja y'ijxpëjkpëtëjk nyimiinëtë ets yajtëëwëtë aak ayi'iyë: Tuk'ëwa'anëtëkës jëna'a jëtu'un jyata'any kyëpäta'any ets tii ijxwë'ëmën yajtuk'ixëp ko ënety mijts miny ets ko ja naaxwiinyëtë ënety kyukëxë?

Mateo 16:27

Jä'ä ko minaanp yë naaxwiinyëtë ja'ay Y'u'unk mëët ja tyeety ja myëj'ajt y'oyajtën ets ja y'anklëstëjk ets tmo'oja'any nitu'ukjaty pën wi'ixëty pën të jyuuky'ätyën.

Hechos 3:19

Paaty xy'ëxmatstëty ja m'ëxëëk winma'anyëty ets mwinpitëty ma Tiosën, jëtu'unts ja mpoky yajmä'kxtëty,

Hechos 3:21

Yë Jesús tëë nyijkxy jam tsajpjotm ets jam tyam yajpaata'any koonëm ja Dios tyaj'o'oyëtya'ajëty winë, ijxtëm y'ënantën ja kyäjpxynyajxpëtëjk mëti'ipë tëëyëp juuky'ajtëpën.