Hechos 3:19 - Biblia Dc en Mixe de Quetzaltepec

¹⁹ Paaty xy'ëxmatstëty ja m'ëxëëk winma'anyëty ets mwinpitëty ma Tiosën, jëtu'unts ja mpoky yajmä'kxtëty,

Biblia Mixe de Quetzaltepec

¹⁹ Paaty xy'ëxmatstëty ja m'ëxëëk winma'anyëty ets mwinpitëty ma Tiosën, jëtu'unts ja mpoky yajmä'kxtëty,

Hechos 3:19 ပူးပေါင်းရင်းမြစ်များ

Salmos 103:12

Tëë yë npoky'ajtëm xytyukmëjëkämkäkëmë, jëtu'un tä yë xëëw tmëjëkämke'ekyën ma pyëtsimyën ets ma kyëtä'äkyën.

Salmos 51:13

jëtu'un tjëkyäpëty ntukni''ixëtyës ja mnë'ë mtu'u ja ja'ayëty mëti'ipë käjpxy kyumëtoownajxtëpën, ets pokyjyä'ätyëjk jyootwinpitëty ma mijtsën.

Salmos 51:9

Ka'ap mëpaat yë'ë xy'ix nnëë npokyës, po'ta'a tëkokyë yë ntuuntëko'oy nkajpxtëko'oyënës.

Isaías 43:25

E ëjts, mëët koos xyTyios'aty, tyamës npo'ta'aja'any mpoky ma të myajja'ay'ookyën, ets ka'apës nja'amyätsa'any ja mpoky.

Isaías 44:22

Tëë nimä'kxta'ayëm yë mpoky ets tëëjës jëtu'unyë nyajtëkooytyä'äy mëti'ipë të xytyuuntëkoyën, jëtu'un tä yoots pyojtëkoyën. Niwinpijtkës, tëë mijts nyajnitso'oky.

Isaías 51:11

Jëtu'un nëjkx wyimpitë mëti'ipë ënety mijts të xyaj'ëwaatsëpëtsëmyën ets nëjkx kyajpntëkëtë xoontä'äky jam Sión, mëët ja ëy yä'äxy; jam nëjkx yaj'ixtë wyiinkëjxm jyëjpkëjxm ko ënety jotkujk yajpaatë; akujk jotkujk nëjkx y'itë, ka'ap yuu pa'am tmëët'ata'antë, ets ja jë'ëyën yaxën jëtu'unyë nëjkx tyëkooytyä'äy.

Isaías 6:10

Jëtu'unyë ja naax kajpn nëjkx xyajwinkumon xyajjotkumonë, wiinkutsum wiinkumotsëpën nëjkx yajpaatë ets ka'ap nëjkx jyä'äkyukë, oy tii tja'ix tjamëtowtëty, ka'ap nëjkx t'ijxkuk tja'akyukëtë.

Isaías 61:3

Ja ja'ayëty mëti'ipë yajpatëpën mon tuk jam Sión, ka'ap nëjkx ja kuyjaam y'ëknätyukuwëjënëtë, yë'ë yajmo'ojantëp yë kujän mëti'ipë yajkutujkpëtëjk kyujän'ajtëpën, jotkujk nëjkx nyäyjyawëtë jëtu'un tä ja'ay jotkujk nyäjyawëtyën ko on pa'akxu'kpë txuuk'aty, ëy xoontä'äky jää itaanp ets ka'ap nëjkx pën kyumay kyutajë. Ets nëjkx yajtijtë xoj kepy mëti'ipë të myëtä'äkyën, mëti'ipë ja Wintsën të tkojyën ets yë'ë nëjkx mëët yajtuk'ixy yë myëj'ajt y'oyajtën.

Isaías 61:9

Ja y'u'unk y'okëty akäjpxy nëjkx muum y'itë ma naax kajpnën; tëkokyë mëti'ipë y'ijxtëpën nyija'awëtëpën tääpë kajpn, nëjkxëp y'ëna'antë ko tääpë kajpn mëj këjää yë Wintsën të kyënu'kxyë.

Jeremias 36:3

Wä'änxyëp yë Judá ja'ayëty tyaj'oyëtëty yë jyot wyinma'anyëty; ko nijawëtëty tëkokyë yë ëyo'on jotmay mëti'ipës ntuknikäxantëpën ets jyëkyäpëp npokymyä'kxtëtyës.

Jeremias 50:20

Ëjts, Wintsën, jëtu'unës n'ëna'any: Jä'ä xëëw jä'ä jëmëjt yë Israel ja'ayëty ets ja Judá ja'ayëty ëwaatsëtum wyë'ëma'antë ma nyëë pyokyëtyën, jä'ä ko npokymyä'kxäämpyës mëti'ipës juuky të nyajwë'ëmtën.

Lamentaciones 3:40

Tsojk nmëma'ay nmëtajëmë wi'ix nyajpatëmë ets tsojk niwinpijtëmë yë Wintsën.

Lamentaciones 5:21

Wintsën, yajwinpijtëk ëëts jatëkok ma mijtsën, winpitantëp ëëtsëty. Mijts m'a'ixëp etsës ja njuukyajtënëty jëtu'un jatëkok y'awinpitëty tä ijty tëëyëpën.

Ezequiel 33:11

E ëjts Wintsën, njuukyajtënës yam ntukkajpxpejtyp ko ëjts ka'apës ntsoky ets ëxëëk ja'ay y'ookëty, yë'ëjës ntsojkpy ets jyuukyajtën tyajtëkatstëty ets jyuuky'atëty. Miitsëty Israel ja'ayëty ëxmatstë tääpë ëxëëk juukyajtën. ¿Tii ko m'ooktëty?

Daniel 9:13

Tëkokyë ya'atë amay jotmay mëti'ipës të xytyukmin të xytyukja'tën, jëtu'un tä jap myinyën këxja'ay ma Moisés ojts tkuja'ayën ja ënä'ämën tëyajtën; yë'ëkyëjxm jyëtu'unëty jä'ä ko mijts Dios ka'ap të myajmëtoy, ka'ap të myaj'ixta'ay ets ka'ap të yajpatuny ja mtëyajtën.

Oseas 14:2

Wimpitë ma Wintsënën ets jëtu'un xymyëkajpxtëty: Mä'kx yajnitëkoy ëëts yë nnëë npokyëty ets ëxajë kupëk ya'atë aaw ayuk ma mijts myajmëjjaw myajkënu'kxyjyawën.

Joel 2:13

Niwinpitë yë mWintsën Tyiosëty ets m'aaw mjot këëtstë jëtu'un tä jeexyë mwit xykyëëtstën. Jä'ä ko yë Wintsën yu'unk naxym yë y'aaw jyot ets pa'ëyoop najts'ëyo'owëp, mä'kxtujkp ets tsojkp ja'ap, xëmë jyëjp'ixy jëna'a n'ënëma'ayëmë ets këtii tyiytyunëty.

Mateo 13:15

Jä'ä ko tëë ya'atë ja'ay jyot wyinma'any juun y'awinpitë, ëtuky yë tyatskëty, ets ëtuky yë wyiinëty, këtiipë y'ixtëty ets këtiipë myëtowtëty, këtiipë jyä'äkyukëtëty ets këtiipë xynyiwinpitëtyës, ets jëtu'un ka'ap tjëkyepy nyajtso'oktëtyës.

Mateo 18:3

ets y'ënäny: Tëy miits n'ënëëmëtë, pën ka'ap miits ja mjuukyajtën xyajtëkatstë ets mwinpitë ijxtëm yë pi'k ëna'kën, ka'ap nëjkx mtëkëtë ma tsajpjotmëpë kutujktaknën.

Lucas 1:16

Yë'ë yajjootwinpitëp may ja Israel ja'ay ma ja Wintsënën.

Lucas 22:57

Ka'ap ja Pedro tkupëjky ets y'ënäny: To'oxytyëjk, ka'apës tääpë ja'ay n'ixy'äty.

Hechos 1:6

Tëë ja ijxpëjkpëtëjk ënety ye'eymyuktë mëët ja Jesús jam ma Olivo kopkën, ko tyajtëëwtë ja Jesús: Wintsën, ¿mkutujkënmo'ojäämpy ja Israel kajpn ets jatëkok kë'ëm nyäy'ënä'ämëtëtyë?

Hechos 11:18

Ko jëtu'un tmëtoowtë ja Jerusalenkëtë mëpëjkpëtëjkëty, tää amonyë wyë'ëmtaaytyë ets ja Dios tmëjja'awëtyë: Tyam yajja'akyukë ko tëë jëtu'un ja Dios tuknipëjktaakë ets näjyëtu'un tpaatëty ja juukyajtën xëmëkyëjxmëpë mëti'ipë ka'ap jyutiis'atën, ko ja y'ëxëëk winma'any të t'ëxmatstë.

Hechos 11:21

Mooyëtë ja Wintsën ja myëk'ajtën ets may ja ja'ay ja y'ëxëëk winma'any t'ëxmajtstë ets tmëpëjktë ja Wintsën.

Hechos 15:3

Tääts ja mëpëjkpëtëjkëty ja Antioquíapë yajpaatën ojts kyäjxtsoonëtë ets ojts nyëjkxtë Fenicia ets Samaria. Jamts tkajpxtë tmëtyaktë wi'ix ja y'ëxëëk winma'any të t'ëxmatstën mëti'ipë ka'ap jyutiis'atën ets wi'ix ënety të tmëpëktën ja Dios ja y'aaw y'ayuk. Tääts ja myëku'uktëjk xyoontaktë ko jëtu'un tmëtoowtë.

Hechos 17:26

Dios pyëjktak ja ye'etyëjk mëti'ipë ja naaxwiinyëtë ja'ay tyeety'at tyaak'atëpën, jëtu'unts tyajwintukëty tu'kë'ëyë ja naaxwiinyëtë, ets tëë tmo'oy ja xëëw jëmëjt mapaat tyajjuuky'ata'anyën,

Hechos 2:38

Tää ja Pedro y'ëtsooy: Ixmatstë ja m'ëxëëk winma'anyëty, jootwinpitë ets mnëëpätëty tu'ukjaty Jesús xyëëwkyëjxm ets ja mpoky yajmä'kxtëty, ets näjyëtu'un ja Kënu'kxymyëkajtën myajmo'otëty.

Hechos 28:27

Jä'ä ko ya'atë ja'ay yë jyot wyinma'anyëty juun yajpaatë, ëtuky yë tyatskëty, ets pi'its yë wyiinëty, këtiipë y'ixtëty ets këtiipë myëtowtëty, këtiipë jyä'äkyukëtëty ets këtiipë wyimpitëty ma ëjtsën, ets jëtu'un ka'apës nyajtso'oktëty.

Hechos 3:20

ets ja Wintsën të mtuknikäxëtëty ja jotkujk'ajtën ko ja Kristë të myiny, mëti'ipë tëëyëp tyuknipëjktakëpën ko tkäxa'any.

Hechos 3:21

Yë Jesús tëë nyijkxy jam tsajpjotm ets jam tyam yajpaata'any koonëm ja Dios tyaj'o'oyëtya'ajëty winë, ijxtëm y'ënantën ja kyäjpxynyajxpëtëjk mëti'ipë tëëyëp juuky'ajtëpën.

Romanos 11:25

Mëku'uktëjkëty, yë'ëjës ntsojkpy ets miits xynyijawëtëty mëti'ipë ijty ka'ap yajnijawën, jëtu'unts ka'ap mnämyëjpëjkta'akëtëty. Yë jutiis ja'ay juun yë y'aaw jyot të tpëjkta'aktë, ka'ap yë Dios të tmëmëtowtë, jëtu'un y'ita'antë koonëm tpata'atëty ja oyajtën mëti'ipë ka'ap jyutiis'atën.

2 Tesalonicenses 1:10

Jëtu'un jyata'any jä'ä xëëw ko ënety ja Wintsën myiny, ko jyä'äy myëjjaw jyääntyjawëtëty ets tyukxoonta'akëtëty ni'ëmukë. Jam miits näjyëtu'un myajpaatëty, jä'ä ko tëë xymyëpëktë mëti'ipës të nkäjpxy të nmëtya'aktën.

2 Tesalonicenses 1:7

ets miits myajpo'kxëtëty ma tyam m'ëyowtën, näjyëtu'un tä ëëtsëtyën. Jää nëjkx jëtu'un jyäty kyëpety ko ënety ja Jesús myiny mëët ja y'anklëstëjk kutujkënmëëtpë jam tsajpjotm.

2 Timoteo 2:25

ets tkajpxwijëty mëët yë yu'unk'ajt naxym'ajtën mëti'ipë käjpxy kyumëtoownajxtëpën, yaj'ëwxitëty ets ja Dios niwinpittëty ets nijawëtëty ja tëyajtën.

Hebreos 4:1

Paatykyëjxm ma tyam njaakyajpatëmën ets ntëjkëmëty ma Dios ja pyo'kxtaknën, mëpaat näkyëwent'ajtëmë këtiipë pën wyë'ëmëty.

1 Pedro 2:25

Jëtu'un miits të m'itë ijxtëm ja kupixyny tyëkoy'ityën, je'eyëp ko tëë jatëkok xynyiwinpitë ja Kristë, ets yë'ë mkëwent'atëtëty ijxtëm ja kupixyny këwent'ajtpën.

2 Pedro 3:8

Mëku'uktëjkëty, ja'amyätstë näjyëtu'un, ko ja Dios, tu'kxëëwpë, tu'uk mil jëmëjtën tyajnaxy; ets ja tu'uk mil jëmëjtpë tu'kxëëwën tyajnaxy.

Apocalipsis 21:4

Yajtëkooytya'ajäämpy ja Dios tu'kë'ëyë ja jë'ëyën yaxën ets ka'ap ma nyäky'ita'any ja o'kën tëko'oyën, ni ja amay jotmay ets ni ja pëjkën ato'onën, jä'ä ko mëti'ipë të y'ityën, tëë ja nyäxy.