Hechos 28:10 - Biblia Dc en Mixe de Quetzaltepec

¹⁰ Mëjwiin ëëts ja ja'ay xywyintsë'ëkëtë, koos ntëjkënëtë jap kepy nëëwinye'epyëjoty winëjatyës xymyooytyë mëti'ipë ënety ëëts nyajmëyajtëpën.

Biblia Mixe de Quetzaltepec

¹⁰ Mëjwiin ëëts ja ja'ay xywyintsë'ëkëtë, koos ntëjkënëtë jap kepy nëëwinye'epyëjoty winëjatyës xymyooytyë mëti'ipë ënäty ëëts nyajmëyajtëpën.

Hechos 28:10 ပူးပေါင်းရင်းမြစ်များ

1 Tesalonicenses 2:6

Ka'apës yë'ëjëty njotmay'atë etsës ja ja'ay xymyëjjawëtëty ëkë miitsëty ëkë wiinkëtypë xyajmëjnaxtëtyës.

Filipenses 4:19

Ja nTiosës mmo'ojëtëp tu'kë'ëyë mëti'ipë miits myajmëyajtëpën, ja jotkujk'ajtën mëti'ipë myëët'ajtypyën ja Kristë Jesús.

Esdras 7:27

Ënet ja Esdras tmëpëjktsooy ja Wintsën ets t'ënëmaay: Kënu'kxy mëjjawë mijts Wintsën teety m'ity mëj këjää, mëët ko të xy'atëk të xytyuktëkë ja yajkutujkpë ets tmëmay tmëtajëty ja mtsajptëjk jampë yajpaatyën Jerusalén,

2 Reyes 8:9

Ja Hazael ojts ja käjpxynyajxpë tninëjkxy, pyapëjk winë mëti'ipë jam ijtp wintëëpën Damaskë ets tmo'oja'any ja käjpxynyajxpë, wëxtyikxy jëyujk jëku'ux ojts ja näynyamo'ojë tmënëjkxy. Ko jam jyä'äjty ma ja Elisejë tääts t'ënëmaay: Yë Ben-adad, sirië ja'ay mëti'ipë yajkutujkpën, mëti'ipë jëtu'un mja'awëyëpën tä tu'uk yë teetyën, yë'ëjës të xykyexy ets nyajtëwëty pën tso'okaanpëk ma jam pyikyë y'ixyën.

Salmos 15:4

mëti'ipë y'ëxëëk'ijxypyën ja mëti'ipë patëp yaj'ëxëëk'ixëtyën. Ets y'oyjya'ap mëti'ipë yajmëjnajxypën yë Wintsën, mëti'ipë tyuunpyën tëëpë twinwanën oy ëxëëk tmëjatëty;

Hechos 28:9

Ënet ja Pablo ja pa'amja'ay ni'ëmukë nyimiinëtë mëti'ipë jamëtyën ets tsyoktë.

Hechos 28:11

Tëës ënety n'ijnëtë tëkëëk po'o jam Malta, koos tu'uk ntuktëjkëtyë ja kepy nëëwinye'epyë mëti'ipë ënety jam të tyajnaxyën ja potm. Jamts ja kepy nëëwinye'epyë mäjtsk tmëëtëty ja y'awinax mëti'ipë tyijtëpën tu'uk Cástor ets tu'uk Polux, Alejandría ja kepy nëëwinye'epyë tsyoony.