Hechos 27:38 - Biblia Dc en Mixe de Quetzaltepec

³⁸ Ko kyuxëtë, ënät ja tsajpmok tmejykyujëpijptë ets ja kepy nëëwinye'epyë tsyo'tskyëty.

Biblia Mixe de Quetzaltepec

³⁸ Ko kyuxëtë, ënät ja tsajpmok tmejykyujëpijptë ets ja kepy nëëwinye'epyë tsyo'tskyëty.

Hechos 27:38 ပူးပေါင်းရင်းမြစ်များ

Jonás 1:5

Ja ja'ayëty mëti'ipë yajye'eytyëpën ja kepy nëëwinye'epyë, yajxon tsyë'kënëtë, këëkjä'ä ja tios tjanty y'ëwtatë. Ënet tnëkupëjktaaytyë ja tsëmy kë'ëy ets ja kepy nëëwinye'epyë jeexyë tyo'tsykyë. E yë Jonás jap ënety të jyëjptä'äky ma winë pëjkë'ëky y'ityën ets jap myaanajxy.

Mateo 16:26

¿Tii ja ja'ay nyawa'anëty oy tjaniwaanta'ay tu'kë'ëyë winë yaa naaxwiiny pën yajtëkoopy ja jyuukyajtën? ¿Ëkë jënu'un ja ja'ay ja jyuukyajtën t'ëknikëpäjtu'utëty?

Mateo 6:25

Paaty n'ënëëmëtë: Ka'ap xymyëmay xymyëtajtëty tii mkaytyëp m'uuktëp ets mjuuky'atëty ets ja mwitëty mxoxëty mëti'ipë ja mjot mnini'kx mtuk'ëtujktëpën. ¿Këtii jëtää ja juukyajtën këjää tsyowpaaty këtiinëm ja kääky uuky, ets ja ni'kx kopk këtiinëm ja wit xoxë?

Hebreos 12:1

Paaty, ko të nnija'awëmë ko may ja ja'ay na'ëwtity yajpaatë mëti'ipë të myëpëktën, tsojk n'ëxmajtsëm tu'kë'ëyë mëti'ipë ëxëëktuunpën, ets ja poky mëti'ipë yajwinma'anyjyo'pën ets ntu'unmëty mëti'ipë ja Dios tsyojkpyën, ijxtëm ja ja'ay myëjaaw t'ixyën mëti'ipë pëyë'kijpxtëpën.

Job 2:4

E ja tsajpjotmëtë kukäjpxy mëti'ipë ni'ë'ënëpën jëtu'un ja Wintsën t'ëtsooy: Ko ja'ay ka'ap tii jyäty kyëpetyë oy xëmë nyäjyawëty. Yë ja'ay nyajts'ijxëtyääpy oytyiijëty mëti'ipë myëët'ajtypyën, nëkoo ko kë'ëm nyäyajtso'okyë.

Mateo 4:18

Jam ënety ja Jesús nyäxy Galilea mejypyë'am ko t'ijxpaty ja ja'ay nimäjtsk tukä'äxëty, tu'uk txëëwaty Simón, mëti'ipë yajtijpën Pedro ets tu'uk txëëwaty Andrés. Ajkxmajtsk tyuunk'ajtëp, tsaay ënety nyëëkujëpijptëp mëti'ipë tyuk'ajkxmajtstëpën.

Eclesiastés 3:6

Nyixëëw nyijëmëjt pyätyp ko pën tii t'ixmatsy ets ko pën nyäy'awijtsë'ëkyë. Ko pën tii tpëjkë'ëky tuunë'ëky ets ko pën tii t'ijxpëky.

Lucas 12:23

Yë juukyajtën tsoowpatp ni'ik këtiinëm yë kääky uuky, ets ni'kx kopk tsoowpatp ni'ik këtiinëm yë wit xox.