Hechos 27:24 - Biblia Dc en Mixe de Quetzaltepec

²⁴ Etsës të xy'ënëëmë: Këtii mtsë'ëkëty Pablo, jä'ä ko kopkpëky ko xywyinkuwa'akëja'any ja yajkutujkpë ets näjyëtu'un ja Dios të y'ënä'äny ko nitu'uk kya'ooka'any mëti'ipë mëët myajpaatyën jap kepy nëëwinye'epyëjoty.

Biblia Mixe de Quetzaltepec

²⁴ Etsës të xy'ënëëmë: Këtii mtsë'ëkëty Pablo, jä'ä ko kopkpëky ko xywyinkuwa'akëja'any ja yajkutujkpë ets näjyëtu'un ja Tios të y'ënä'äny ko nitu'uk kya'ooka'any mëti'ipë mëët myajpaatyën jap kepy nëëwinye'epyëjoty.

Hechos 27:24 ပူးပေါင်းရင်းမြစ်များ

Génesis 12:2

Ëjts nyajkojäämpyës mëjpë ja naax kajpn mëët ja m'u'unk m'ok. Mijts nkënu'kxäämpyës mëjwiin këjää ets mëj'äämpy nyaj'ita'any ets mëët mijtskyëjxm kënu'kxy nëjkx may yë ja'ay y'itë.

Génesis 15:1

Ënet yë Dios ojts tmëkäjpxy yë Abram kuma'ayjoty ets t'ënëmaay: Këtii mtsë'ëkë Abram, jä'ä ko ëjts mijts nkuwäämpy. Yë mkuma'ayën mëj y'ita'any.

Génesis 19:29

Jëtu'un ojts kyutëkooytyä'äy yë Sodomë ets Gomorra kajpn ets mëët yë pya'a nyux ma ënety yë Lot të jyuuky'ätyën, e ojts yë Abraham yajja'amyetsy, paaty jëtu'un ojts yë Lot yajjuuty ëyo'onjoty.

Génesis 30:27

E ja Labán tyaa ja ojts y'ëtsoy: Wë'ëm yaa maas yë njëën ntëjkën, tun yë mëyajtën, tëës nijawë mëët yë nkë'ëmjot nkë'ëmwinma'anyës ko yë Dios mëj këjää të xykyënu'kxyës mëët mijtskyëjxm.

Génesis 39:23

ja pujxntëjk ja nyiwintsën ka'ap ënety jyäty tyimkopkpëkyëty t'ixëty pën tëë ja José winë oy tuny. Jä'ä ko ja Wyintsën Dios yë'ë ënety mëët'ajtëp ets José aak'oy winë wyimpëtsë'ëm jyëjpëtsë'ëmxëtëty.

Génesis 39:5

Jä'ä xëëw ma potifar ojts tukmë'ijxmajtsëtyä'äyën yë José winë ma tyëjkën, ënät yë Dios ojts mëk kyënu'kxyë jëtu'un ijxtëm ma tyëjkën ets ma kyam tyu'ujën.

Génesis 46:3

Ënet yë Dios y'ënäny: Ëjts jëtu'un Dios, mëti'ipë mteety Tyiosajtën. Këtii mtsë'ëkë, ko mnëjkxa'any Egiptë, jä'ä ko jamës yë m'u'unk m'ok nyajnimayëja'any ets tu'uk yë kajpn nyajkoja'anyës.

1 Reyes 17:13

Tä ja Elías y'ëtsooy: Këtii mtsë'ëkë. Nëjkx yaj'oyë mëti'ipë të xynyikäjpxyën. Jëyëjp ja tsajpmokway xyajtunëty jampë xymyëët'atyën ets xyaj'oyëty tu'uk yë nma'atsyës ets mjä'ä xyaj'oyëty ets mmaank yë jyä'ä näjyëtu'un.

2 Reyes 6:16

Tä ja Elisejë y'ënëmaayë: Këtii mtsë'ëkë, jä'ä ko jaaknimay yë'ë mëti'ipë mëët ëëtsajtëmën këtiinëm yë'ëjëty.

Job 35:8

Yë naaxwiinyëtë ja'ay yë'ë m'ëxëëk tuumpy mëët yë mpoky ets pën oy winë të xytyuny yë'ë tyuk'oy'ajtëp.

Lamentaciones 3:57

Jä'ä xëëw ma nmëkäjpxyën, jä'ä xëëw mminy ets xy'ënëëmës: Këtii mtsë'ëkëty.

Daniel 2:24

Ënet ok ja Daniel ojts tninëjkxy ja Arioc, mëti'ipë ënety ja yajkutujkpë të tyuknipëkyën ets tyaj'o'kta'ajëty ja wijyjyä'äytyëjk jam Babilonyë yajpaatën ets t'ënëmaay: Këtii xyaj'ooky yë wijyjyä'äytyëjk. Woowjaanpës ma yajkutujkpën wä'än nëk tukmëmëtyä'äky wi'ix yë wyinkuma'ay nyiwijyën.

Miqueas 5:7

Ja kajpn ja itkujkpyë, ja Jacob ja y'u'unk y'ok mëti'ipë ënety të jyaakwë'ëmtën, jëtu'un nëjkx nyaxtë tä maanikën mëti'ipë kyejxypyën yë Dios, tä tuupojën mëti'ipë ujtskëjxy ka'apën, mëti'ipë ka'ap yë'ëjëty ja'ay tuknipëjktaakën.

Mateo 10:18

Ëjtskyëjxm nëjkx myajmënëjkxtë ma ja yajkutujkpën ets ma ja kutuunkëtyën. Jëtu'un nëjkx xyaj'ixëtë ja tëyajtën ëjtskyëjxm ma yë'ëjëtyën ets ma ja ka'apë jyutiiyësëty.

Mateo 10:28

Këtii xytsyë'ëkëtëty mëti'ipë nini'kx yaj'o'kpyën, ka'ap myäyëtëty tyaj'ookëty yë anëmë; yë'ë Dios mtsë'ëkëtëp, jä'ä ko yë'ë myëët'ajtyp yë mëk'ajtën ets tyaj'atëkoyëty yë ja'ay ja y'anëmë mëët ja jyot nyini'kx jap ëyoowtaknjoty.

Juan 11:9

Tääts ja Jesús y'ëtsooy: ¿Këtii majkmäjtsk horë tu'ukpë ja xëëw tmëëtëtyë? Ko ja ja'ay ye'ey xëëny ka'ap kyunäpë, jä'ä ko y'ijxyp ja kutë'kxn mëti'ipë yaa naaxwiinyëtën,

Hechos 19:21

Ko jëtu'un ya'atë jyäjty kyëpejty, ënät ja Pablo ojts myäy tyäjy ko nyëjkxa'any jam Macedonia y'itjotm ets näjyëtu'un jam Acaya y'itjotm ets jya'ta'any jam Jerusalén. Näyjyëtu'un ënety myäy tyäjy ko y'ëknëjkxëty Jerusalén tääts ok nyëjkxa'any jam Roma.

Hechos 23:11

Jä'ä koots ojts ja Pablo t'a'ijxnaxy pyë'aay ja Wintsën ets y'ënëmaayë: Pablo, jotmëk näpyëjkta'akët. Jëtu'un ijxtëm ja tëyajtën të xynyimëtyä'äkyën ëjtskyëjxm yaa Jerusalén, näjyëtu'un ja tëyajtën xynyimëtya'akëty ëjtskyëjxm jam Roma.

Hechos 25:11

Ëjts, ka'apës yam n'ëna'any koos yë n'o'kën nkakupëka'any pën tëëjës ntuuntëkoy mëti'ipë ja o'kën paat'ajtëpën. E pën ka'ap tyiyëty mëti'ipës xytyukni'ë'ënëtëpën, ni pën tkamëët'aty ja mëk'ajtën etsës xykyë'ëyakëty ma ja jutiis ja'ayëtyën. Ënaanpës ets kë'ëm xypyaye'eyëty ja yajkutujkpë kopk.

Hechos 27:31

Tääts ja Pablo ojts tuk'ëwaanë ja tsiptuunpë wintsën ets mëti'ipë ja kepy nëëwinye'epyë yajye'epyën: Pën yë'ëjëty käktëp, miitsëty ka'ap ënät juuky mwë'ëmtëty.

Hechos 27:37

Jä'ä ënety ëëtsëty jap kepy nëëwinye'epyëjoty mäjtsk mëko'px ja tëkë'px majkmokx tu'uk.

Hechos 27:42

Tääts ja tsiptuunpë y'ënantë ko tyaj'ooka'antë ja tsumyjä'äy këtiipë kyä'äktëty mejyotm nëëyuump.

Hechos 27:44

Ets näjyëtu'un y'ënäny pën ka'ap tjaty nyëëyunëty, wä'än tnëjkxtë nëwinkëjxm mëët ja kepy nëëwinye'epyë y'atëjk. Tääts ni'ëmukë pyëtsëëmtë aak juuky mejyjoty.

Hechos 9:15

Tää ja Wintsën y'ënäny: Nëjkx, tëëjës ntuknipëky. Nyajtunäämpyës yë'ë ets nyëjkxëty ma ja ja'ay mëti'ipë ka'ap jyutiisëty. Jamts tnikäjpxy tnimëtya'akëty ja n'aaw n'ayukës ma ja mëti'ipë tsënaaytyëpën wiink it wiink naax ets ja yajkutujkpë mëti'ipë ënä'ämtëpën, näjyëtu'un ja Israel ja'ayëty.

Filemón 1:22

Tyam njaak amëtoy wiinkpë mëyajtën, jam tu'uk yë ijtakn nipëjktaakë ma mtëjkën tamës nja'ta'any; jä'ä ko njëjp'ijxypës ko Dios t'ëtsoowinpita'any ja mjëëytyak mnu'kxtakënëty maa xypyëjktsowtën ko nëjkx nku'ixëtë.

Santiago 5:16

Paaty, maaywyatstë ja mpokyëty nixim niyam ets nätyuknija'amyätsëtë ja Dios winpity atëjy ets mtso'oktëty. Tuunp ni'ik ko ja oyjyä'äy Dios tja'amyetsy.

Apocalipsis 1:17

Koos jëtu'un n'ijxy ënätës n'o'ktsoky ets nkëtaayës ma ënety jam tyänën. Ënet ja y'a'oykyë'ë mëët xymyäjtyës ets xynyëmaayës: Këtii mtsë'ëkë. Ëjts winë nyajtso'ontakës ets ëjts näjyëtu'un nyajjëjpkëxäämpyës.