Hechos 27:20 - Biblia Dc en Mixe de Quetzaltepec

²⁰ Kanaak xëëwës nëëjoty nyajpatë, ni xëëw ni matsa'a kyakëxë'ëky, jä'ä ko janty mëk ënety tyuupojy. Ka'apës n'ëkjëjp'ijxnë etsës juuky npëtsëmtëty.

Biblia Mixe de Quetzaltepec

²⁰ Kanaak xëëwës nëëjoty nyajpatë, ni xëëw ni matsa'a kyakëxë'ëky, jä'ä ko janty mëk ënäty tyuupojy. Ka'apës n'ëkjëjp'ijxnë etsës juuky npëtsëmtëty.

Hechos 27:20 ပူးပေါင်းရင်းမြစ်များ

Salmos 105:28

Ojts yë Dios najtskäxë yë kootsajtën ets naaxwiinyëtë wyintujktaay, e yë Egiptë ja'ayëty ka'ap ojts tmëjpëjkta'aktë ja Dios ja y'aaw y'ayuk.

Isaías 57:10

Ojts m'ënu'kxënyë ko je'eyë mtyäty jyëtity, je'eyëp ko ka'ap të m'ëna'any ko nëkoopë mjëtity. Jä'ä ko mëët'ajtyp ja mëti'ipë mnätyuk'ijxëpën, paaty ojts ka'ap m'ënu'kxë.

Jeremias 2:25

Israel, këtii nëkoo tekywya'ats mjëtity, ijxkëm yë mteky xyajtsëtyuty, këtii nëkoo myo'ktsum mnätyukyo'ktsukyë. Mijts je'eyë m'ëtsooy: Ka'ap, ka'apës tii xyjäty; ëjts jaaypyaat jaaypyo'kxy n'oyjya'apës ets yë'ëjës ninëjkxäämpy.

Ezequiel 37:11

Ënet ja Wintsën xy'ënëmaayës: Yë Israel ja'ayëty jëtu'un tä ya'atë maypyajkën. Jëtu'un y'ëna'antë: Yë npajk'ajtëm tëë tyëtstaaynyë; ëëtsajtëm ka'ap nitii n'ëk jëjp'ijxënë, tëë ntëko'oyënë.

Jonás 1:4

E yë Wintsën yë'ë ojts tu'uk mëkpoj tyajminy ets jam nëë'itkujky tyëjkëy pojpë, mëk yajxon pyojy, jëtu'un yaj'ixy tim winpitaanp yowë ja kepy nëëwinye'epyë.

Mateo 24:29

Ko ënety të nyäxy ja ëyo'on jotmay, jää nëjkx ja xëëw wyinkootsë ets ka'ap ja po'o y'ana'any. Ka'ata'ajaanp ja matsa'a tsajpwinm ets ja ënä'ämpëtëjk yajkutujkpëtëjk nëjkxëp yu'kxpëjkta'atë.

Hechos 27:19

Kom tëkëëk xëëw näjyëtu'un nëë kujëpijptës mëti'ipë ja kepy nëëwinye'epyë tyukwinkëëytyëpën.

Hechos 27:21

Kanaak xëëwës n'ayuu'ajtë, tääts ja Pablo ojts wya'kukë ja'ayjoty ets y'ënäny: Mëku'uktëjkëty, nikë tëëjës jeexyë xykyäjpxymyëpëktë, oyxyëp jam Creta të nkatso'onëmë, ka'ap jeexyë ëyo'on jëtu'un të npatëmë.

2 Corintios 11:25

Tëkëëk okës të nyajkepywyopy ets tu'k'okës të nyajtsaaka'atsy. Tëkëëk okës të xymyëkiny ja kepy nëëwinye'epyë ets jawäänjatyës të nkanëëji'kxy; tu'kxëëw tu'ktsuujës të n'ity mejy wiinkëjxy.

Efesios 2:12

ja'amyätstë ko jëwyiinyëp ka'ap ijty mëët ja Kristë m'itë, winjëkämjaty ijty myajpaatë ma ja Israel ja'ayëtyën, ets mëjëkäm'ajtëp ja Dios ja wyaantakën. Jëtu'un ijty miits yaa naaxwiiny mjuuky'atë, ka'ap ja Dios xynyijawëtë ets nitii xykyajëjp'ixtë.

1 Tesalonicenses 4:13

Mëku'uktëjkëty, ka'apës ntsoky ets miits xykyanijawëtëty wi'ix ja o'kpëtëjk jyatën, këtiipë mjotmay'ooktëty ijxtëm ja ja'ayëtyën mëti'ipë ka'ap tii tjëjp'ixtën.