Hechos 27:2 - Biblia Dc en Mixe de Quetzaltepec

² Täätsës ntuktëjkëtyë ja kepy nëëwinye'epyë jam Adramitio mëti'ipë ënety nëjkxaanpën Asia y'itjotm ma ja kajpn ja mejypyë'ampën. Tam ënety ja Aristarco mëët ëëtsëty yajpaaty, Tesalónica kyukajpnëty, Macedonia y'itjotm.

Biblia Mixe de Quetzaltepec

² Täätsës ntuktëjkëtyë ja kepy nëëwinye'epyë jam Adramitio mëti'ipë ënäty nëjkxaanpën Asia y'itjotm ma ja kajpn ja mejypyë'ampën. Tam ënäty ja Aristarco mëët ëëtsëty yajpaaty, Tesalónica kyukajpnëty, Macedonia y'itjotm.

Hechos 27:2 ပူးပေါင်းရင်းမြစ်များ

Lucas 8:22

Tëkok ja Jesús ja y'ijxpëjkpëtëjk t'ënëmaay: Oy nja'amëty jamtsow mejypyë'am. Ënet tyëjkëtyë kepy nëëwinye'epyëjoty ets ojts nyëjkxtë.

Hechos 16:17

Ja to'oxy'ëna'k ojts ëëts xypyatsoontë, ets y'ënäny mayjyä'äyjoty: Ya'atë ye'etyëjkëty, Dios ni'ik këjxmëpë myëtuuntëp. Yë'ë mtukmëmëtyakëtëp wi'ix xypyaatëty ja nitsokën.

Hechos 17:1

Tääts ko jam tsyo'ontë ets nyaxtë Anfípolis ets Apolonia, jyajtë jam Tesalónica kajpnjotm. Jam ijty ja jutiis ja'ayëty tmëët'atë tu'uk ja tsajptëjk.

Hechos 19:19

Näyjyëtu'un mëti'ipë ijty patooy panajxtëpën, ojts ja nyoky tyajmintë ets tnino'ktë ma ja mayjyä'äyën. Ko ojts yajmaaypyëtsimy jënu'un ja noky tsyoowpaatyën, jä'ä wyimpëtsëëmy wëxtyikxy majk mil aakyë'ë poop pujxn.

Hechos 19:29

Ënet ja mayjyä'äy jyoot'anpëjktë ets tmajtstë ja Gayo ets ja Aristarco, nimäjtsk Macedonia ja'ayëty mëti'ipë ënety mëët ja Pablo jyëtitën ets tpawijts tpapo'të, jëtu'un tyajja'ajtë jam ma tsajptëjkën.

Hechos 2:9

Tääts yë ja'ay mëti'ipë tso'ontëpën Partia, Media, Elám, Mesopotamia, Judea, Capadocia, Ponto, Asia,

Hechos 21:5

Ko wëxtujk xëëw nyäjxy, ni'ëmukës ojts ntsoontë. Ni'ëmukë ja mëpëjkpëtëjk mëët ja y'u'unk tyo'oxytyëjkëty ojts xypyatso'otës ets xynyaswo'owëtyës jam kajpnpë'am. Jam mejy ëkë'ëm ja Dios ojts nja'amyätstës.

Hechos 28:10

Mëjwiin ëëts ja ja'ay xywyintsë'ëkëtë, koos ntëjkënëtë jap kepy nëëwinye'epyëjoty winëjatyës xymyooytyë mëti'ipë ënety ëëts nyajmëyajtëpën.

Hechos 28:12

Täätsës jam ntso'ontë etsës nja'ajtë ma ja Siracusa kajpnën, maas ojts nwë'ëmtën tëkëëk xëëw.

Hechos 28:16

Kootsës nja'ajtë Roma, ets ja Pablo yajmooy ja kuttujkën ets ja jyajtakn ëpëky t'ixta'ajëty ets je'eyë tu'uk ja tsiptuunpë kyëwent'atëtëty.

Hechos 28:2

Ja ja'ayëty jampë tsyëënëtën oyës ojts xymyëët'atë, ënät ja jëën tyajmëjëtyë ko tja'awëtyë tëtsyk ets xynyëmaaytyës ets wmëwinkontëtyës ja jëën.

Colosenses 4:10

Aristarco, nmëku'ukës nmëpujxntëjk ja'ayës, yë'ë mtuknikäjxëtëp ja kajpxpo'kxën; näjyëtu'un ja Marcos, Bernabé myëku'uk. Tëë myajtuk'ëwaanëtë pën Marcos'ajtpën. Yë'ë mninëjkxëtëp, kupëktë yajxon.

Filemón 1:24

näjyëtu'un mkajpxpo'kxëtë ja Marcos, Aristarco, Demas ets Lucas, mëti'ipës xypyutëjkëtëpën ma tuunkën.