Hechos 27:11 - Biblia Dc en Mixe de Quetzaltepec

¹¹ E kä'äp ja tsiptuunpë wintsën ojts tmëpëky ijxtëm ja Pablo jya'ëna'anyën, jä'ä ni'ik myëjpëjk ja aaw ayuk wi'ix y'ëna'antën ja ja'ayëty mëti'ipë ja kepy nëëwinye'epyë nyiwintsën'ajtypyën ets mëti'ipë yajye'eytyëpën.

Biblia Mixe de Quetzaltepec

¹¹ E kä'äp ja tsiptuunpë wintsën ojts tmëpëky ijxtëm ja Pablo jya'ëna'anyën, jä'ä ni'ik myëjpëjk ja aaw ayuk wi'ix y'ëna'antën ja ja'ayëty mëti'ipë ja kepy nëëwinye'epyë nyiwintsën'ajtypyën ets mëti'ipë yajye'eytyëpën.

Hechos 27:11 ပူးပေါင်းရင်းမြစ်များ

2 Reyes 6:10

Jëtu'un'äämpy ja Israel yajkutujkpë, wiinktsow ijty xëmë tkexy ja tsyiptuunpëtëjk, jam ma ënety ja Elisejë tyuk'ënë'ëmxëtyën, kanaak'ok ojts jëtu'un ja yajkutujkpë tsyo'oky.

Proverbios 27:12

Mëti'ipë ja'ay këpetyën, y'ijxyp ma kyutsë'ëkëtyën ets ka'ap jam nyäxy, e mëti'ipë ka'ap kyëpetyëtyën, ni'ikyë tyu'uye'ey'ëti'ity ets ëxëëk jyäty kyëpety.

Ezequiel 33:4

Ko pën tmëtoy ko tam ja xuxn yajtukxu'uxy ets ka'ap tmëjpëjktä'äky, ja ja'ay mëti'ipë jëtu'un ëtëtspën kë'ëm ënety nyätyunyë ko y'ookëty tyëkoyëty,

Hechos 27:21

Kanaak xëëwës n'ayuu'ajtë, tääts ja Pablo ojts wya'kukë ja'ayjoty ets y'ënäny: Mëku'uktëjkëty, nikë tëëjës jeexyë xykyäjpxymyëpëktë, oyxyëp jam Creta të nkatso'onëmë, ka'ap jeexyë ëyo'on jëtu'un të npatëmë.

Hebreos 11:7

Noé ojts myëpëky, paaty ojts ja kepy nëëwinye'epyë tyajkojy ko ja Dios y'ënëmaayë ko ja ëyo'on y'ita'any ets jëtu'un ja y'u'unk y'ëna'k, y'u'unk tyo'oxytyëjk tyajtsoky. Ya'atë jëtu'unpë mëpëjkën yë'ë ojts ja Noé tuk'ixy ja naax kajpn paaty ojts yajtukumay ja tëyajtën mëti'ipë yajpatpën mëët ja mëpëjkën.

Santiago 3:4

Tim näjyëtu'un ja kepy nëëwinye'epyë, oy jyamëjëty ets mëk ja poj jyatukja'tyë, ja mëti'ipë yajye'epyën ja yajnëjkxyp ma tsokyën mëët ja kepy mëti'ipë yajtijpën timón.

Apocalipsis 18:17

Ets tim tu'ktsojkyë të kyixy ja mjuukyajtën ets ja mkumeenyajtën. Näyjyëtu'un mëti'ipë yajkepy nëëwinye'eytyëpën, mëti'ipë tuuntëpën mejynyux mejypya'a, mëti'ipë ye'eytyëp najxtëpën kepy nëëwinye'epyëjoty, jëkäm të jyaak tänëtë.