Hechos 26:24 - Biblia Dc en Mixe de Quetzaltepec

²⁴ Ko ja Pablo jëtu'un nyäkyukajpxtaayë, ënät ja yajkutujkpë Festo mëk y'akajpxtujkë: Pablo kupoj. Yë m'ijxpëjkën yë'ë të myajlokëjajtënë.

Biblia Mixe de Quetzaltepec

²⁴ Ko ja Pablo jëtu'un nyäkyukajpxtaayë, ënät ja yajkutujkpë Festo mëk y'akajpxtujkë: Pablo kupoj. Yë m'ijxpëjkën yë'ë të myajlokëjajtënë.

Hechos 26:24 ပူးပေါင်းရင်းမြစ်များ

2 Reyes 9:11

E ko ja Jehú jatëkok wyimpijty, ma ënety jap yajpaatën ja tsiptuunpë wintsëntëjkëty, mëti'ipë ja yajkutujkpë myëtuuntëpën, tä yajtëëwëtë: ¿Wi'ix jyäty? ¿Tiijën ko tääpë ja'ay kyupoj të y'ojtspë? Miitsëty mnija'awëtyëp yë'ë, tëë kë'ëm xymyëtowtë wi'ix yë xo'onën ijtën tmëët'atyën, jëtu'un y'ëtsooy yë Jehú.

Jeremias 29:26

Mijts yë Wintsën të mpëjktä'äkyë ets mteety'atëty ets xykyutëkëty yë Joiadá ets mijts mniwintsën'atëp ja tsajptëjk ma yaj'ijx'ity yajkëwent'atyën. Ko pën ja'akyupoj myinëty ets tyëkëty ëëpë kajpxpë jëtu'un tä käjpxynyajxpën, ënätyë xymyatsëty ets xypyëjkta'akëty ma ja kepyën mëti'ipë pokyjyä'äy yajtukyo'ktsuumpën ets yë'ë mtukutsumëp yë pujxntä'äky.

Oseas 9:7

Tëë tpaaty ja xëëw po'o ma ja tëytyu'unën y'ita'anyën. Tëë tpaaty ja xëëw po'o ma tkëpäta'antën ja ja'ay ja y'ëxëëktu'un y'ëxëëk kajpxënëty. Israel nyijawëp ënät ko tpaatëty ja xëëw po'o. Miitsëty jëtu'un m'ëna'antë: Yë Dios yë kyäpxynyajxpë winma'anytyuk yë'ë ets tsuujajtp lokëjajtp. Yë'ëjëty paaty jëtu'un y'ëna'antë jä'ä ko ëxëëk nyäyjyawëtë, jä'ä ko mëj këjää yë pyokyëty.

Marcos 3:21

Ko ja Jesús ja myëku'uktëjk tnija'awëtyë, ënät nyimiinëtë ets yajtsoona'anëtë jä'ä ko jëtu'un ënety myäytyë tyajtë ko tëë lyokëjaty.

Juan 7:15

Ja jutiis ja'ayëty mëj ixy t'ijxtë, paaty y'ënantë: ¿Wi'ix jëtää ya'atë ja'ay winë timynyijawë ets ka'ap të y'ijxpëky?

Juan 8:48

Ënet ja jutiis ja'ayëty t'ënëmaaytyë ja Jesús: Tëyës n'ëna'antë ko mijts msamaariëtë ja'ay ets ko mijts ku'oypyë mmëët'ajtyp.

Juan 8:52

Ets ja jutiis ja'ayëty y'ëtsoowtë: Tyamës nnijawëtë ko mijts ku'oypyë mëët'ajtyp. Abraham ets tëkokyë käjpxynyajxpëtëjkëty ojts y'o'kta'atë e mijts jëtu'un m'ëna'any: Pën yë n'aaw n'ayukës pyatuunpyën, nijëna'a kya'ooka'any.

Hechos 17:32

Ko ja ja'ay tmëtoowtë ko ja Pablo y'ënä'äny ko ja o'kpë jyuukpyiky, tääts ja Atenas ja'ay je'eyë xyiktë; tam wiinkpë mëti'ipë ënantën: Jää ënety jatëkok xyjyaaknikäjpxy.

Hechos 22:1

Miits, mëku'uktëjkëty, mëtowtë ja aaw ayuk wi'ixës tyam nnäkyukajpxa'anyën.

Hechos 24:25

Tääts ja Pablo ojts nimëtyä'äky wi'ix pyaat'atyën ja'ay jyä'äy'atëty, wi'ix nyäyajt'itëtëty ets wi'ix ja Dios nëjkx ja naaxwiinyëtë ja'ay tpaye'eyën. Ënet ja yajkutujkpë Félix tsyë'këy ets ja Pablo yajnëmaay: Nëjkx tyämyë. Jää jatëkok nwoowtsowëty koos ënety n'ëwaatsë'aty.

Hechos 24:27

Ko mäjtsk jëmëjt nyäjxy, ënät ja yajkutujkpë Félix ojts jyëtëkajtsnë ets ja wiinkpë tyëjkëy mëti'ipë ijty xyëëwajtypyën Porcio Festo. Félix, jä'ä tsyojkpy ets y'oyjyawëtëty ja jutiis ja'ayëty, paaty ja Pablo ojts tsumy tyajwë'ëmy.

Hechos 26:11

Kanaak'okës të ntsaatsytyuntë ma ja tsajptëjkën ets atsip ja Jesús ntukmëkajpxtëkoya'antës. Jä'ä koos nëkooyë njoot'anpëjknë, paatykyëjxm ojts npajëtijtä'äkyës jëkämpaat ma tsyëënëtën ja ja'ay mëti'ipë ka'ap jyutiis'atën.

1 Corintios 1:23

e ëëtsajtëm yë'ë nikajpx nimëtyakëm ja Jesukristë, mëti'ipë ojts kruutskëjxm y'ookyën. Yë'ë ya'atë jutiis ja'ayëty näwyinkajpxpätë jya'awëtëp; ets mëti'ipë ka'ap jyutiis ja'ay'atën, tsuuwinma'any tijtë;

1 Corintios 4:10

Koos ja Kristë nmëpëktë, tsuuja'ayës nyajtijtë; nkukajpxëpës ja Kristë ko miits myajtijtë wijy kejy; ëëtsëty ka'apës njotmëk'atë, e miitsëty amëk jotmëk myajpaatë. Ka'apës ja'ay xytsyoktë, e miitsëty myajtsojktëp.

2 Corintios 5:13

Pën tsuu ëëts ja ja'ay xytyijtë, Tioskyëjxm ëëts ntsuu'atë; e pën ka'ap, miits mtuk'oy'atantëp.

2 Timoteo 3:15

Ja'amyäts ko mutsknëm të xynyijawë ja Dios ja y'aaw y'ayuk mëti'ipë të myajwijy të myajkejyën, mëti'ipë mtu'uwinwowanëpën ets xypaatëty ja nitsokën ko ja Kristë Jesús të xymyëpëky.