Hechos 26:10 - Biblia Dc en Mixe de Quetzaltepec

¹⁰ Jëtu'unës n'ëtëtsy jam Jerusalén, ja teety wintsëntëjk ojts xymyo'otës ja kuttujkën etsës ntsumëty nmatsëty mëti'ipë ja Jesús myëpëjktëpën ets ko yajpaye'eytyëty. Nyajkutujkpyës ijty ets y'ooktëty.

Biblia Mixe de Quetzaltepec

¹⁰ Jëtu'unës n'ëtëtsy jam Jerusalén, ja teety wintsëntëjk ojts xymyo'otës ja kutujkën etsës ntsumëty nmatsëty mëti'ipë ja Jesús myëpëjktëpën ets ko yajpaye'eytyëty. Nyajkutujkpyës ijty ets y'ooktëty.

Hechos 26:10 ပူးပေါင်းရင်းမြစ်များ

Hechos 8:3

Tääts ja Saulo tpajëtijtäky ja mëpëjkpëtëjk winjëën wintëjk ets atsip tyajpëtsëëmy tyëkoty, wä'än ye'etyëjk to'oxytyëjkëty ets pujxn tëkoty tpëjktaktaaytyë.

Hechos 9:21

Ets ja ja'ayëty mëjmëtoy ojts tjawëtë mëti'ipë jam myëtoow'ijtëpën ets xim yam nyäy'ënanëtë: ¿Këtii yë'ëjëty ya'atë ja'ay mëti'ipë ijty y'ëxëëk'ijxypyën ja Jesús ja myëpëjkpëtëjk jampë Jerusalén kyukajpnëtyënë? ¿Këtii yë'ëjëty yaa të tniminy ets tmajtsmujkta'aja'any mëti'ipë ja Jesús ja xyëëw yajmëjnajxëtëpën ets tkë'ëtsuma'any tekytsyuma'any tääts tkë'ëyaka'any ma ja teety wintsëntëjkëtyënë?

1 Corintios 15:9

Ëjts këjääjës nkujënäkyëty ma ja ijxpëjkpëtëjkëtyën ets ka'ap xyjyapaatyës nyajtijëtyës ayuk käjpxynyajxpë, jä'ä ko n'ëxëëk'ijxypyës ijty ja Dios ja myëpëjkpëtëjk.

Hechos 9:26

Ko ja Saulo jyä'äjty jam Jerusalén ojts ja mëpëjkpëtëjk mëët jyaye'eymyuka'any, je'eyëp ko tsyë'këtëp ja Saulo, jëtu'un tjëjp'ixtë ko nëkoo yowë ja Saulo y'ënä'äny ko ja Jesús tmëpëky.

Hechos 8:1

Oy ja Saulo tja'awëy ko ja Esteban tyaj'o'ktë. Jä'ä xëëw yajpajëtijtaktë ja mëpëjkpëtëjkëty, mëti'ipë ja Jesús myëpëjktëpën jampë tsyëënëtën Jerusalén. Ni'ëmukë, yi'iyë ja Jesús ja y'ijxpëjkpëtëjkëty ojts ka'ap yajpaatë, jä'ä ko ojts ënätyë ye'eywya'kxta'atë, ets nyëjkxtaaytyë maajaty ja Judea ets Samaria y'itjotmën.

Hechos 7:58

Ënet tyajpëtsëëmtë jam kajpnjotm ets tkuka'tstë; mëti'ipë ja Esteban nyi''ë'ënëtëpën yë'ë ja wyit tyukmëwë'ëmtë ja Saulo ets jam tkëwent'atëty.

Apocalipsis 17:6

Ënätës n'ijxy ko ja to'oxytyëjk myu'ukyë, yë'ë mukëp ja mëpëjkpëtëjk ja nye'pyny ets ja ja'ayëty mëti'ipë të tkajpxwa'kxtën ja Jesús ja jyä'ä. Mëkës ni'ik nja'awëy ko jëtu'un n'ijxyës.

Efesios 1:1

Ëjts Pablo, Jesukristë y'ayuk kajpxwa'kxpë mëët ko ja Dios jëtu'un të tuknipëjktaakë. Yë'ëjës ya'atë noky ntuknikäjxtëp mëti'ipë ja Dios jä'ä''ajtëtëpën ets myëpëjktëp ja Kristë Jesús jam Éfeso.

Gálatas 1:13

Tëë miits xymyëtoy'atë wi'ix ijty ëjts nja'ay'ätyën koos npatuny ja jutiis winma'any. Tëës mëk n'ëxëëk'ixy ja mëpëjkpëtëjk ets wi'ix ijty nyajkutëkoyä'änyës.

Hechos 9:41

Tä ja Pedro tmajtsy ma kyë'ëjën ets tyajtënaaykyujkëy; tä tkumëkajpxëy ja mëpëjkpëtëjk ets tuk'ijxy ko ënety tëë ja Dorcas jyuukpyiky.

Hechos 9:32

Ja Pedro, jëtu'un ijty t'aye'ey t'anaxy ja mëpëjkpëtëjk maajëty tsyëënëtën. Ojts näjyëtu'un tku'ixë ja mëpëjkpëtëjk mëti'ipë jam tsënaaytyëpën ma ja Lida kajpnën.

Salmos 16:3

Jëtu'un y'ëna'antë mëti'ipë y'ëwtajtëpën yë awinax: ko këjää mëj'ajtën tmëëtëty,