Hechos 25:23 - Biblia Dc en Mixe de Quetzaltepec

²³ Ko jëpom, ënät ja yajkutujkpë Agripa jyä'äjty mëët ja tyo'oxytyëjk Berenice wintsë'kën mëët ma ja mayjyä'äy ënety myuka'antën, ma Festo yajkutukyën. Mëët ojts jyä'ty ja mëj tsiptuunpë wintsënëty ets näjyëtu'un mëët ja kutuunkëty. Tääts ja Festo tnikäjxëy ets myinëty ja Pablo,

Biblia Mixe de Quetzaltepec

²³ Ko jëpom, ënät ja yajkutujkpë Agripa jyä'äjty mëët ja tyo'oxytyëjk Berenice wintsë'kën mëët ma ja mayjyä'äy ënäty myuka'antën, ma Festo yajkutukyën. Mëët ojts jyä'ty ja mëj tsiptuunpë wintsënëty ets näjyëtu'un mëët ja kutuunkëty. Tääts ja Festo tnikäjxëy ets myinëty ja Pablo,

Hechos 25:23 ပူးပေါင်းရင်းမြစ်များ

Hechos 26:30

Tääts ja yajkutujkpë Agripa wya'kujkëy mëët ja tyo'oxytyëjk Berenice ets ja mëti'ipë ënety jamëtyën.

Hechos 25:13

Kom ok ja yajkutujkpë Agripa ets ja Berenice ojts nyëjkxtë jam Cesarea ets tkajpxpo'kxa'antë ja yajkutujkpë Festo.

1 Juan 2:16

jä'ä ko tu'kë'ëyë mëti'ipë yë naaxwiinyëtë ja'ay y'ixk'ajtypyën ëkë y'atsojkpyën ka'ap jyamëty tsyoony ma Tiosën. Ko tii tsojkën'aty, ko tii pëk maay tjawë ets ko yi'iyë tmëmay tmëtajy yë wit meeny.

1 Pedro 1:24

Jä'ä ko jëtu'un ja Dios ja y'aaw y'ayuk këxja'aypyë y'ënä'äny: Tëkokyëty yë ja'ay aakjëtu'un ijxtëm ja aay ujtsën, ets ja myëj'ajtën jëtu'un ijxtëm ja pëjyën. Tëtsp ja aay ujts ets ja nyipëjy kyatska'ay;

Santiago 1:11

Ko ja xëëw pyëtsimy ets mëk jyajtä'äky, ënät ja ujts tyi'itsy, ja pyijy kyä'äy, jëtu'un ja y'oyajtën tyëkoy. Näyjyëtu'un ja kumeenyjyä'äy jyäty ma wyit myeenyën.

1 Corintios 7:31

Pën yajtuunpy ya'atë naaxwiinyëtë winma'any, jëtu'un jyuuky'atëty ijxtëm ja ja'ay mëti'ipë ka'ap tunyë këwentë ja naaxwiinyëtë winma'any; jä'ä ko ya'atë naaxwiinyëtë winma'any mëti'ipë tyam n'ijxëmën, tsojk kyutëkoyä'äny.

Hechos 12:21

Ko ja xëëw tpaty mëti'ipë ja Herodes tyuknipëjktakëpën, ënät ja wit tuktëjkëy ijxtëm ja yajkutujkpë nyäxyoxëtën ets nyaaxwe'tsy ma ja kyutujktaknën. Tääts kyajpxtëjkëy mayjyä'äy wyintum.

Hechos 9:15

Tää ja Wintsën y'ënäny: Nëjkx, tëëjës ntuknipëky. Nyajtunäämpyës yë'ë ets nyëjkxëty ma ja ja'ay mëti'ipë ka'ap jyutiisëty. Jamts tnikäjpxy tnimëtya'akëty ja n'aaw n'ayukës ma ja mëti'ipë tsënaaytyëpën wiink it wiink naax ets ja yajkutujkpë mëti'ipë ënä'ämtëpën, näjyëtu'un ja Israel ja'ayëty.

Daniel 4:30

ko y'ënäny: Ixtë, nëkooyë yë Babilonyë kajpn myëj'ajnë. Ëjts të nkojy mëëtës yë nkutujkën ets mëëtës yë n'ënä'ämën ets yaj'ixëty wi'ix nmëj'äämpyëtyës.

Ezequiel 33:28

Aanë'ëk tëëtsë'ëk ets axit ako'owë yë naax kajpn nyajwë'ëma'anyës, mpëjkëjäämpyës ja naax kajpn ja myëk'ajtën mëti'ipë nätyukyajmëjnajxëpën. Ja Israel ja tyun kyopk nëjkxëp tyëëtsë'kta'ay; ka'ap nëjkx jam pën y'ëknajxnë.

Ezequiel 32:12

Nyajkutukäämpyës ets may ja mnaax mkajpn kyutëkoytyëty ma kupuxy y'o'kta'aja'antën ja tsiptuunpëtëjkëty. Nëjkxëp tyajkutëkooytya'atë ja Egiptë kajpn ja myëj'ajtën ets tëkokyë ja naax kajpn.

Ezequiel 30:18

Koos ënety nyajkutëkoy yë Egiptë kyutujkën etsës nyajkëjxta'ay ja myëk'ajtën mëti'ipë të nyätyukyajnaxyën mëj këjxm, nëjkxëp yë xëëw kyootsë jam Tafnes ets Egiptë kajpn yoots nëjkx nyitukyë, e ja Egiptë ja'ayëty tsumy matsy nëjkx yajmënëjkxta'atë wiink naax wiink kajpn.

Ezequiel 7:24

Ëjts nyajminäämpyës yë ja'ay mëti'ipë ëxëëkja'ayëtyën ets yë'ë tjä'ä'atëty yë tëjk mëti'ipë jam ma naax kajpnën. Nyajkëxäämpyës yë myëj'ajt kyëjxm'ajtën yë ja'ayëty mëti'ipë tyam ënä'ämtëpën; nyajkutukäämpyës ets kyutëkooytya'ajëty maajaty t'ëwtatën yë y'awinaxëty.

Isaías 14:11

Yaa ja mmëjajtën mkëjxm'ajtën jyëjpkukëxë ets ja m'ëëpëty myaxpëty. Ja maapäjn tëë pyutstëkooynyë, ja mwit mëti'ipë mtukwinyä'pëpën ja maapäjn, tëë tyënë'këtyääynyë.

Isaías 5:14

Jëtu'un tä kaa tni'ëwë'ëkyën yë jyi'kxy, jëtu'un ja naaxwiinyëtë y'ëwa'atsa'any, ets ja naax kajpn jap kyuka'anaxa'any mëët ja y'ënä'ämpëtëjk, jä'ä ja ja'ayëty jëtu'un jatantëp mëti'ipë ja wit meeny ka'ap ëmaay tjawëtën ets xëmë xyëëwtuntë.

Ester 1:4

ets tyaj'ixa'anyë ja myëj'ajtën kyutujkën, wi'ix kyuwit kyumeenyëtyën ets wi'ix tmëët'atyën ja mëk'ajtën. Ja xëëw jä'ä jyejky tëtujk po'o.

Marcos 6:21

Tääts myëpaat'ajty ma ja Herodías tpatyën ja wa'kpäjn jää ma ja Herodes ojts twoowtsoyën mëkääpyë mëti'ipë tuuntëpën ma ja kyutujktaknën, tä ja mëjtsiptuunpë wintsënëty, näjyëtu'un ja ja'ayëty mëti'ipë wintsë'ëkë ijtëpën jam Galilea.