Hechos 25:12 - Biblia Dc en Mixe de Quetzaltepec

¹² Ko ja Pablo kyajpxtaay, ënät ja yajkutujkpë tkäjpxy'äjty mëët mëti'ipë kajpxwijtëpën ets t'ënëmaay ja Pablo: Tëë m'ëna'any ko ja yajkutujkpë kopk mpaye'eyëtëty, jam mnëjkxëty.

Biblia Mixe de Quetzaltepec

¹² Ko ja Pablo kyajpxtaay, ënät ja yajkutujkpë tkäjpxy'äjty mëët mëti'ipë kajpxwijtëpën ets t'ënëmaay ja Pablo: Tëë m'ëna'any ko ja yajkutujkpë kopk mpaye'eyëtëty, jam mnëjkxëty.

Hechos 25:12 ပူးပေါင်းရင်းမြစ်များ

Filipenses 1:20

Njëjp'ijxypës ëmuumtu'ukjot ko ka'apës ntsëtyu'unpaata'any, ni'ikyës xymyo'oja'any ja Dios ja mëk'ajtën wi'ix yajmëjjaw yajjaantyjäwëtyën ja Kristë, oyës n'ookëty ëkë njuuky'atëtyës.

Hechos 19:21

Ko jëtu'un ya'atë jyäjty kyëpejty, ënät ja Pablo ojts myäy tyäjy ko nyëjkxa'any jam Macedonia y'itjotm ets näjyëtu'un jam Acaya y'itjotm ets jya'ta'any jam Jerusalén. Näyjyëtu'un ënety myäy tyäjy ko y'ëknëjkxëty Jerusalén tääts ok nyëjkxa'any jam Roma.

Hechos 28:16

Kootsës nja'ajtë Roma, ets ja Pablo yajmooy ja kuttujkën ets ja jyajtakn ëpëky t'ixta'ajëty ets je'eyë tu'uk ja tsiptuunpë kyëwent'atëtëty.

Hechos 26:32

Ënet ja yajkutujkpë Agripa t'ënëmaay ja yajkutujkpë Festo: Tëë jeexyë yaj'ëxmatsy ko jeexyë kë'ëm të tka'amëtoy ets ja yajkutujkpë kopk nyipaye'eyëtëty.

Hechos 25:21

Jä'ä ko jëtu'un kë'ëm y'ënäny ko jam nyëjkxa'any ma ja yajkutujkpë kopkën ets ko jam yajpaye'eyëty, paatyës tsumy nyaj'ëwxity koonëmës jam nkäxa'any ma ja yajkutujkpë kopkën.

Hechos 23:11

Jä'ä koots ojts ja Pablo t'a'ijxnaxy pyë'aay ja Wintsën ets y'ënëmaayë: Pablo, jotmëk näpyëjkta'akët. Jëtu'un ijxtëm ja tëyajtën të xynyimëtyä'äkyën ëjtskyëjxm yaa Jerusalén, näjyëtu'un ja tëyajtën xynyimëtya'akëty ëjtskyëjxm jam Roma.

Daniel 4:35

Ma yë'ëjën nitu'uk yë naaxwiinyëtë ja'ay kyamëkëty. Yë'ë jëtu'un winë tuny tä të tuknipëjktaakën, tsajpjotm ets naaxkëjxy. Ka'ap pën tjëkyepy yë myëk'ajtën tjëjpkuwa'akëty ets ka'ap pën tjëkyepy tyajtëëwinpitëty tii ya'atë xi'itë jëtu'un tuny.

Lamentaciones 3:37

Ko pën wi'ix y'ënä'äny, ko pën tii jyätyë kyëpetyë, paaty jyëtu'un'aty jä'ä ko Ni'ik Këjxmëpë jëtu'un të tyajnikutukë.

Salmos 76:10

Ko yë naaxwiinyëtë ja'ay jyoot'anpëky, mijts ni'ikyë mxoontä'äky, oyxyëp janty tu'k nu'unën jyoot'anpëky, mijts jëtu'un xyjyawë tä jeexyë tu'uk yë kujän myajtukujenyën.

Mateo 22:17

Tuk'ëwa'anëtyëk ëëts: ¿Paat'ajtëp koos ja yajkutujkpë César nmëkëpätëty ëkë ka'apë?

Hechos 25:11

Ëjts, ka'apës yam n'ëna'any koos yë n'o'kën nkakupëka'any pën tëëjës ntuuntëkoy mëti'ipë ja o'kën paat'ajtëpën. E pën ka'ap tyiyëty mëti'ipës xytyukni'ë'ënëtëpën, ni pën tkamëët'aty ja mëk'ajtën etsës xykyë'ëyakëty ma ja jutiis ja'ayëtyën. Ënaanpës ets kë'ëm xypyaye'eyëty ja yajkutujkpë kopk.

Hechos 25:13

Kom ok ja yajkutujkpë Agripa ets ja Berenice ojts nyëjkxtë jam Cesarea ets tkajpxpo'kxa'antë ja yajkutujkpë Festo.

Hechos 27:1

Ko tuknipëjktakëtyë ets xyajnëjkxa'antës jam Italia, ja Pablo mëët wiinkëtypë ja tsumyjä'äy yë'ë ojts y'ëxajëtë ja Julio, tu'uk tsiptuunpë kopk, mëti'ipë yajtijtëpën Yajkutujkpë kopk.