Hechos 25:11 - Biblia Dc en Mixe de Quetzaltepec

¹¹ Ëjts, ka'apës yam n'ëna'any koos yë n'o'kën nkakupëka'any pën tëëjës ntuuntëkoy mëti'ipë ja o'kën paat'ajtëpën. E pën ka'ap tyiyëty mëti'ipës xytyukni'ë'ënëtëpën, ni pën tkamëët'aty ja mëk'ajtën etsës xykyë'ëyakëty ma ja jutiis ja'ayëtyën. Ënaanpës ets kë'ëm xypyaye'eyëty ja yajkutujkpë kopk.

Biblia Mixe de Quetzaltepec

¹¹ Ëjts, ka'apës yam n'ëna'any koos yë n'o'kën nkakupëka'any pën tëëjës ntuuntëkoy mëti'ipë ja o'kën paat'ajtëpën. E pën ka'ap tyiyëty mëti'ipës xytyukni'ë'ënëtëpën, ni pën tkamëët'aty ja mëk'ajtën etsës xykyë'ëyakëty ma ja jutiis ja'ayëtyën. Ënaanpës ets kë'ëm xypyaye'eyëty ja yajkutujkpë kopk.

Hechos 25:11 ပူးပေါင်းရင်းမြစ်များ

Hechos 28:19

E jä'ä ko ja nja'ay'ajtëm ka'ap tkupëjktë etsës jëtu'unyë nyaj'ëxmatsëty, paatyës n'amëtooy ets ja yajkutujkpë kopk xypyaye'eyëtyës, ëjts ka'apës tii äkë nmëëtëty tiis ntukni'ëënëpën yë nkajpn'ajtëmë.

Hechos 26:32

Ënet ja yajkutujkpë Agripa t'ënëmaay ja yajkutujkpë Festo: Tëë jeexyë yaj'ëxmatsy ko jeexyë kë'ëm të tka'amëtoy ets ja yajkutujkpë kopk nyipaye'eyëtëty.

Hechos 25:25

e ëjts ka'apës npaaty tii tëko'oyën ma ya'atë ja'ayën mëti'ipë jeexyë kyu'o'këpën. Tëë kë'ëm t'amëtoy ets jam nëjkx yajpaye'ey ma ja yajkutujkpë kopkën, paatyës jam ntimyajnëjkxa'any.

Hechos 25:21

Jä'ä ko jëtu'un kë'ëm y'ënäny ko jam nyëjkxa'any ma ja yajkutujkpë kopkën ets ko jam yajpaye'eyëty, paatyës tsumy nyaj'ëwxity koonëmës jam nkäxa'any ma ja yajkutujkpë kopkën.

1 Tesalonicenses 2:15

Ya'atë jutiis ja'ayëty, yë'ë ojts tyaj'ooktë ja Wintsën Jesús, ijxtëm tyaj'o'ktën ja jëwyiinpë ja Dios ja kyäjpxynyajxpëtëjk ets näjyëtu'unës të xy'ixkäxtës. Ka'ap të tuntë ijxtëm ja Dios tukjotkëtä'äkyën ets aak mëtsip ja ja'ay të tjawëtë.

Hechos 25:10

Tääts ja Pablo y'ëtsoowinpijty: Yääyë pyaat'atyë etsës nyajpaye'eyëty, ma yajkutujkpë kopk ojts yajpëjktä'äkyën ets ja'ay yajpaye'eyëty. Wa'ats mijts xynyijawë koos ka'ap tii yë jutiis ja'ay ntukmëtuuntëkoy.

Hechos 22:25

Ko ënety ja Pablo të yajkutsuumnë ets yajwopa'any, ënät ja Pablo t'ënëmaay ja tsiptuunpë wintsën mëti'ipë ënety jam wopanëpën: ¿Yajkutujkpy ja ënä'ämën ko tu'uk yë Romë ja'ay yajwopëtyë ets ka'anëm yajpaye'eyë?

Hechos 18:14

Tam ënety ja Pablo tyimkajpxa'any ko ja yajkutujkpë Galión t'ënëmaay ja jutiis ja'ayëty: Jutiistëjkëty, ko jeexyë ya'atë ja'ay tii ëxëëk të tuny ëkë mëjpoky të tuuntëkoy, tyamës jeexyë nmëtoow'ity mëti'ipë mnikajpxtëpën,

Hechos 16:37

E jëtu'un ja Pablo t'ënëmaay ja kukäjpxy: Nen Romë ja'ay ëëtsëty, ets tëëjës nyajwop nyajka'atstë mayjyä'äyjoty nanëkookyëjxm, ka'anëm ënety ja npokyës yajpaye'eynyëm, ets tëëjës näjyëtu'un nyajtsumtë. ¿Wi'ix ko ënät tyam yu'utsy me'tsy xy'ëxmatsa'antës? Ka'ap jëtu'un myëtëyëty. Wä'än kë'ëm tmintë ja kutuunktëjkëty etsës yë'ë xyajpëtsëmtëty.

Job 31:21

Ka'apës nijëna'a yë ku'ooky u'unk të n'ëtsu'ux yä'äxy, mëët yë'ë koos mëj'äämpy n'ity ma kutuunktëjkën.

1 Samuel 27:1

David kä'äpyëm ënety jotkujk nyäjyawëty, paaty ojts myäy tyäjy: Yë Saúl tsojkës yë ëwään jëpom xyaj'ookëty. Ni'ik oy'atëp koos nkä'äkëty, jamës nnëjkxëty ma filistejë ja'ayëtyën. Jëtu'un'äämpy ka'apës xëmë nmayëty ntajëty ets ka'apës nëkoo Saúl xy'ixjëtit xypyajëtitëty ma Israel yë naaxjotmën. Ni'ik oyës ntimnyäjyëpëkëtëty.

Josue 22:22

Yë Wintsën, mëti'ipë nyiTios'ajtypyën wiinkëtypë tiosëty, wa'ats tnijawë ko ëëtsëty ka'apës ya'atë wintsë'këntyakn të nyajpëtë'ëktë mëët ko nkäjpxykyumëtoownaxtës ëkë ko n'ëxmatstës. Yë'ë nyija'ap wa'ats ets tyam miits ntuknijawëtë; e pën kajts jyëtu'unëty, yaj'o'ktëkës.

Jeremias 37:18

Ojts yë Jeremías näjyëtu'un tyajtëy ja yajkutujkpë: ¿Maa të nmëtëkoy ets maas të nmëtëkoy ja wintsëntëjk mëti'ipë naaxjoty kajpnjoty tuuntëpën etsës xyajpujxntëjktëkëtëty?

Hechos 25:12

Ko ja Pablo kyajpxtaay, ënät ja yajkutujkpë tkäjpxy'äjty mëët mëti'ipë kajpxwijtëpën ets t'ënëmaay ja Pablo: Tëë m'ëna'any ko ja yajkutujkpë kopk mpaye'eyëtëty, jam mnëjkxëty.