Hechos 24:5 - Biblia Dc en Mixe de Quetzaltepec

⁵ Tëës yajxon nijawëtë ko ya'atë ja'ay y'ëyo'onpëjktä'äky ets ja jutiis ja'ay tyajjoot'anpëky ets tyajnäwyä'kxyë tu'kë'ëyë naaxwiinyëtë ja'ay ets yë'ë nyikopk'ajtyp ko t'ijxpëktë tu'uk ja Nazaretëtë ja'ay ja y'ijxpëjkën.

Biblia Mixe de Quetzaltepec

⁵ Tëës yajxon nijawëtë ko ya'atë ja'ay y'ëyo'onpëjktä'äky ets ja jutiis ja'ay tyajjoot'anpëky ets tyajnäwyä'kxyë tu'kë'ëyë naaxwiinyëtë ja'ay ets yë'ë nyikopk'ajtyp ko t'ijxpëktë tu'uk ja Nazaretëtë ja'ay ja y'ijxpëjkën.

Hechos 24:5 ပူးပေါင်းရင်းမြစ်များ

Hechos 28:22

Yë'ës njamëtowantëp wi'ix mijts mmay mtajy, jä'ä ko nija'awëtëpës ko oymyaajëty aak ëxëëk ja'ay tnikäjpxy tnimëtya'aktë ya'atë jemypyë ijxpëjkën.

Hechos 24:14

Yi'iyës nkupëjkpy koos ja Dios nmëtuny ijxtëmës ja n'ap n'ok tmëtuuntën. Yë'ës npanëjkxyp mëti'ipë yajtijpën Në'ë Tu'u Jempyë, mëti'ipë yë'ë tyijtëpën ijxpëjkën ka'apë myëtëyëtyën ets nmëpëjkpyës ja Moisés ja y'ënä'ämën ets mëti'ipë ja Dios ja kyäjpxynyajxpë ojts tnikajpxtën.

Hechos 26:5

Pën nyikajpxantëp, oy tnikajpxtëty, nyija'wëtëpts yë'ëty koos mutsknëm mpatso'ontä'äky yë fariseë ja'ay y'ijxpëjkën, ja ijxpëjkën tsipë ets mëkpë.

Hechos 15:5

Tääts ja fariseë ja'ayëty jënaakën mëti'ipë ënety tëë ja Jesús tmëpëktën, wya'akë'ktë ets y'ënantë: Ni'ëmukë ja mëpëjkpëtëjk, mëti'ipë ka'ap jyutiisëty, kopkpëky ko yajnatsujk'ëwtitëty ja ye'etyëjkajtën ets ja Moisés ja y'ënä'ämën yajpatunëty.

1 Corintios 4:13

Koos tsaaty ma'at nyajmëkajpxtë, ëëtsëty oyës n'ëtsowtë. Jëtu'unës tyampaat nyaj'ixtë ijxtëm ja pu'uxmën naaxwiiny, ijxtëm ja ja'ayën mëti'ipë ka'ap tii tkëjxmëtyën.

Hechos 21:28

tääts tukyax tukjojkëtyë: Miits Israel ja'ayëty, putëjkëtëkës. Tëë ya'atë ja'ay yaa jyä'ty, winnaax wiinkajpn jyänty jyëtity, tuk'ijxpëky ja ja'ay ko ka'ap twintsë'ëkëtëty ja Moisés ja y'ënä'ämën ets wiinkjaty tnimëtyä'äky ja tsajptëjk. Tëë näjyëtu'un ja griego ja'ay tyajtëkë ma mëjtsajptëjkën ets të tyaj'ëxëëkëtë ya'atë it naaxwiinyëtë wa'atspë.

Hechos 5:17

Ënet ja teety wintsën mëët ja saduceos mëktä'äky tukjoot'anpëjktë ja ijxpëjkpëtëjk,

Lucas 23:2

Jamts tni'ë'ënëtyë ets y'ënantë: Tëës ya'atë ja'ay nkupaatëtë ko t'akajpxë ja naax kajpn. Jëtu'un y'ënä'äny ets ka'ap yajmo'ojëty ja këpäjtën ja yajkutujkpë kopk César ets nän ënaanp ko yë'ëty Kristë, yajkutujkpë.

1 Pedro 2:19

Jä'ä ko Dios kyumääpy ko nku'ëyo'owëmëty ja ëxëëkpë, jä'ä ko yë'ë yajmëpëky.

1 Corintios 11:19

Jëtu'un tyimjataanpë ets miits mnäpyëjkwa'kxëtëty ets yajnijawëty pën oy myëtuuntëp ja Dios.

Hechos 22:22

Ko ja Pablo kyajpxtaay, ënät ja ja'ay tyëjkëtyë yaxpë jojkpë: Tääpë ja'ay ka'ap nyitëkëty jyuuky'atëty. Jo'tsë xyëëw yaa naaxwiiny.

Hechos 6:13

Näy ojts t'ixta'atë ja ja'ayëty mëti'ipë nyi'antaakëtëpën ja Esteban, ets y'ëna'antëty: Ya'atë ja'ay, xëmë tni'ojë yë mëjtsajptëjk ets Moisés yë y'ënä'ämën.

Lucas 23:25

ets tyaj'ëwaatsëpëtsëëmy ja ja'ay mëti'ipë tsumy myëët'ajtypyën ko tsyiptuny ets ko yaja'ay'ooky ets mëti'ipë ja ja'ay ënety të t'amëtowtën. Jëtu'unts tkë'ëyäjky ja Jesús ijxtëm ja mayjyä'äy ënety tsoktën.

Lucas 23:19

Ja Barrabás, yë'ë ënety të yajtuktsumy ko tnipëtë'ëky ja yajkutujkpë ets ko ënety të yaja'ay'ooky.

Lucas 23:5

E ja mayjyä'äy mëktä'äky y'ënaan'ëtë'ëtstë: Yë'ë ja'ay y'akajpxëtyääpy mëët yë y'ijxpëjkën. Galilea tyajtso'ontäky ets näjyëtu'un yaa Judea yaj'ixpëky.

Mateo 10:25

Yë ijxpëjkpë yë'ë tyukjotkujk'atëp ko jëtu'un jya'ta'any tä ja yaj'ijxpëjkpën ets ja mëtuunpë tä wyintsënën. Pën Beelzebú yajtijy ja u'unkteety, ¿tii ko näjyëtu'un kyayajtijtëty ja y'u'unk y'ëna'k?

Mateo 2:23

Ko jam jyajtë, Nazaret ojts nyëjkxtë tsënääpyë. Jëtu'un y'atëëy mëti'ipë ënety ja Dios ja kyäjpxynyajxpëtëjk të tnikajpxtën, ko y'ënantë, ja Mesías: Nazareno yajtijëty.

Amós 7:10

Yë teety Amasías, mëti'ipë jam teety'ajtpën Betel, ojts tëkok tkäjpxynyikexy yë Israel yajkutujkpë ets t'ënëmaay: Tää yë Amós jyëtity ma Israel kajpnën, yë'ë nyipëtë'ëkäämpy yë yajkutujkpë. Yë naax kajpn ka'ap t'ëktsojknë ets ni'ikyë kyajpx'ëtë'ëtsëty.

Jeremias 38:4

Ënet ja wintsëntëjkëty t'ënëmaaytyë ja yajkutujkpë: Tyaapë ja'ay wä'än timy'ooky, ni'ikyë tsë'ëkëwinkajpxë yë tsiptuunpëtëjk mëti'ipë yaa naaxjoty kajpnjoty niwäänë të jyaakwë'ëmtën ets ja'ayëty. Ya'atë ja'ay ka'ap oypyë tmëmay tmëtajy ma kajpnën, ni'ikyë tsoky ets ja'ay o'ktëy jyatëty.

Ester 3:8

Ënet ja Amán t'ënëmaay ja yajkutujkpë Asuero: Maajaty ja yajkutujkpë t'ëne'emyën ja naax kajpn, tää tu'uk kajpn mëti'ipë tëkatsy juukyajtpën; wiink ja wyinma'any tmëëtëty, ka'ap jyëtu'unëty tä ja nimaypyë ja kajpnën, jä'ä ko ka'ap tpatuntë ja ënä'ämën mëti'ipë mijts yajkutujkpë të xyjyanikäjpxyën. Tyaapë kajpn ka'ap y'oyëty ko je'eyëm yajpaat'ëtë'ëtsy ma mijts m'ëne'emyën myajkutukyën.

Jeremias 37:13

Ko jam jyä'äjty ma ja kajpn yajnitëkën, tu'uk ja'ay, Irías xyëëwajtyp, yë Selemías yë myaank ets Hananías yë y'ok'u'unk mëti'ipë ja tëjkëtyakn kyëwent'ajtypyën, yë'ë ojts tmajtswë'ëmy ja Jeremías ets t'ënëmaay: Mijts yë'ë mpukajpxëp yë Caldeo ja'ayëty, ¿këtiijë?.

Marcos 1:24

Jesús, Nazaretëtë ja'ay, ¿tii mtsojkpy mëët ëëtsëty? ¿Yë'ë mijts të xynyiminy etsës xyajkutëkoya'antë? Wa'ats mijts n'ixy'äty; mijts Wa'ats yë Dios myajnaxyë.

Hechos 24:4

Ets këtiipë nëkoo mxëëw tyëkoyëty, n'amëtoopyës ja mëyajtën etsës ja n'aaw n'ayuk wäänë xymyëtoow'ijtëty.

Hechos 25:7

Ko ja Pablo twinkuwa'këy ja Festo, ënät ja jutiis ja'ayëty, mëti'ipë ënety të tsyoontë jam Jerusalén, tnawa'ak'ëwtijtë ja Pablo ets kanaakpëky mëk'äämpy tni''ë'ënpäjtë, oy nitii tkamëët'atë wi'ix tyajtëytyëkëtëty ko ja Pablo pyokymyëëtëty.