Hechos 23:9 - Biblia Dc en Mixe de Quetzaltepec

⁹ Ni'ëmukë mëk yujk'ënantë; näjyëtu'un ja fariseë ja'ayëty, ojts wya'kukëtë ets mëk y'ënantë: Ya'atë ja'ay ka'ap tii poky tuuntëkoy tkajpxtëkoy. Wä'änxyëp yë anklësëty të myëkäjpxyë.

Biblia Mixe de Quetzaltepec

⁹ Ni'ëmukë mëk yujk'ënantë; näjyëtu'un ja fariseë ja'ayëty, ojts wya'kukëtë ets mëk y'ënantë: Ya'atë ja'ay ka'ap tii poky tuuntëkoy tkajpxtëkoy. Wä'änxyëp yë anklësëty të myëkäjpxyë.

Hechos 23:9 ပူးပေါင်းရင်းမြစ်များ

Hechos 22:7

Ënätës jämyë nkëtaay ets ojts nmëtoyës ja ayuk ko y'ënä'äny: Saulo, Saulo, ¿tiijës ko xy'ixjëtity xypyajëtiy?

Juan 12:29

Ënet ja ja'ayëty mëti'ipë ënety jam myëtoow'ijtëpën, jëtu'un tmëtoowtë ënääw yowë nojkp, tam mëti'ipë ënantën: Yë'ë mëkajpxëp tsajpjotmëtë kukäjpxy.

Hechos 26:31

Ënet ëpëky ojts nyëjkxtë. Tä nyäkyajpxëtë ets y'ënantë: Ka'ap ya'atë ja'ay tii tuuntëkoy ets tku'ookëty, ets nän ka'ap pyaat'atyë ets tsumy y'itëty.

Hechos 25:25

e ëjts ka'apës npaaty tii tëko'oyën ma ya'atë ja'ayën mëti'ipë jeexyë kyu'o'këpën. Tëë kë'ëm t'amëtoy ets jam nëjkx yajpaye'ey ma ja yajkutujkpë kopkën, paatyës jam ntimyajnëjkxa'any.

Hechos 23:29

Ënätës nija'awëy ko Pablo yë'ë yajtukni'ë'ënëp ko tkapatuny ja y'ënä'ämënëty, e ka'apës mpaty ja pyoky ets y'ookëty ets tsumy y'itëty.

Marcos 2:16

Ja fariseë ja'ayëty, mëti'ipë tuk'ijxpëjktëpën ja jutiis ja y'ënä'ämënëty, ko t'ijxtë ko ja Jesús ënety tmëëtkay ja yajkukëpäjtpëtëjk ets mëti'ipë yajtijtëpën pokyjyä'äy, ënät tyajtëëwtë ja Jesús y'ijxpëjkpëtëjk: ¿Tii ko yë mwintsën tmëëtkay yë yajkukëpäjtpëtëjk ets pokyjä'äytyëjk?

Proverbios 16:7

Ko Dios t'oy'ixy ko yë ja'ay oypyëtsëëmp yë tyu'unën kyajpxën, yë'ëpaat yë myëtsip mëët nyämyë'oypyikyë.

1 Corintios 10:22

Ëkë ¿yë'ë Wintsën nyajjoot'anpëka'anëmë? ¿Wäänë mëj jëtää ja winma'any nmëët'ajtëm këtiinëm yë'ëjë?

Hechos 27:23

Ja Dios, mëti'ipës nmëtuumpyën ets xyjyä'ä''ajtpën, äämkyoots tu'uk ja y'anklës të nwin'ixyës.

Hechos 23:8

Jä'ä ko ja saduceos y'ëna'antë ko ka'ap ja o'kpë y'ëkjuukpyëjknëtë, ko ka'ap tii ja tsajpjotmëtë kukäjpxy, ni ja anëmë; e yë fariseë ja'ayëty myëpëjktëp yë'ë tu'kë'ëyë.

Hechos 11:17

E jëtu'unës n'ëna'any, pën Dios të myo'ojëtë ja mëti'ipë ojts näjyëtu'un ëëtsajtëm nyajmo'oyëmën ko të nmëpëjkëmë ja Wintsën Jesukristë, ¿ëjts tiis natuunta'akëp etsës n'akajpxtukëty mëti'ipë Dios tëë tuknipëjktaakën?

Hechos 9:4

Tääts kyëtääy ets tmëtooy tu'uk ja ja'ay kyäjpxy ets y'ënä'äny: Saulo, Saulo, ¿tii koos xy'ixjëtity xypyajëtiy?

Hechos 5:39

e pën Dios yë jyä'ä yajtuunëtëp, nijëna'a miits xykyayajkutëkoytyëty. Näkyëwent'atëtë, ka'ap mëpaat mtsiptuntë mëët ja Dios.

Lucas 23:22

Tääts ja Pilato mëtëkëëk'ok t'ënëmaay ja ja'ay: ¿Tii ko nyajkruutspätëtyës, tii tyuuntëkoopy? Ëjts ka'apës tii pyoky npatë ets tku'ookëty, je'eyës ntëytyuna'any etsës n'ëxmatsa'any ëwaatsëtum.

Lucas 23:4

Ënet ja Pilato t'ënëmaay ja teety wintsënëty ets ja ja'ayëty: Ka'apës tii poky npaaty ma ya'atë ye'etyëjkën.

Lucas 5:30

Tääts ja fariseë ja'ayëty ets ja tsajptëkotyëtë yaj'ijxpëjkpë ojts tuknëëmëtë ja y'ijxpëjkpëtëjk ets t'ënëmaaytyë: ¿Tii ko yë Jesús ets miitsëty xymyëëtkaytyë yë yajkukëpäjtpëtëjk ets pokyjä'äytyëjkëty?

1 Samuel 24:17

ets t'ënëmaay: Tëy tä m'ënanyën, mijts mëët ja oyjyot oywyinma'any të xyajwinpity ja ëxëëkpë, mëti'ipës ntuunpyën ma mijtsën,

1 Samuel 12:5

Jëtu'un ja Samuel ojts tnikäjpxy ja ayuk: Yë Wintsën ets ya'atë yajkutujkpë yë'ë jëtu'un wë'ëmtëp ijxpë nija'apë ko miitsëty ka'ap tii tëko'oyën të xypyaatë ma ëjtsën. Tääts y'ëtsoowtë ja Israel ja'ayëty: Tëyajtën jëtu'un.

Jeremias 26:16

Ënet ja kopktëjkëty ets ja mayjyä'äyëty t'ënëmaaytyë ja teetytyëjkëty ets ja käjpxynyajxpëtëjkëty: Ka'ap tyaapë ja'ay tii poky tjantymyëëtëty wi'ix ko nyaj'o'kmëty; yë'ë të tnikäjpxy yë Wintsën yë y'aaw y'ayuk mëti'ipë nTios'ajtëmën.

Hechos 22:6

Ets ko ënety jam ntu'uye'eyës, tamës ënety nja'tanë Damaskë, kujkyxyëëwën; ënätës ojts ajotkumonë n'ijxpaaty ja ajajk atë'kxk na'ëwtityë mëti'ipë janty mëk ajajpën. N'ixyës ko tsajpjotm tsyoony.