Hechos 23:18 - Biblia Dc en Mixe de Quetzaltepec

¹⁸ Tääts ja tsiptuunpë tu'uwinye'epyë ojts twoownëjkxy ja yä'äy ëna'k ma ja tsiptuunpë wintsënën, ets t'ënëmaay: Yë'ës yë Pablo të xyaaxë mëti'ipë jap tsumyën, etsës të xy'ënëëmë ko ya'atë yä'äy ëna'k yaa nwoowminëtyës, aaw ayukëk myëmiinpy mëti'ipë mtuk'ëwaanëjanëpën.

Biblia Mixe de Quetzaltepec

¹⁸ Tääts ja tsiptuunpë tu'uwinye'epyë ojts twoownëjkxy ja yä'äy ëna'k ma ja tsiptuunpë wintsënën, ets t'ënëmaay: Yë'ës yë Pablo të xyaaxë mëti'ipë jap tsumyën, etsës të xy'ënëëmë ko ya'atë yä'äy ëna'k yaa nwoowminëtyës, aaw ayukëk myëmiinpy mëti'ipë mtuk'ëwaanëjanëpën.

Hechos 23:18 ပူးပေါင်းရင်းမြစ်များ

Efesios 3:1

Paatyës, ëjts Pablo, yap tsumy n'ity mëët yë'ëkyëjxm koos ja Kristë nmëtuny ets miits xytyuk'oy'attëty mëti'ipë ka'ap jyutiis'atën.

Filemón 1:9

nikë oy yajmëtowëty ko mijts nmënu'kxta'akëty mëët ja tsojkën ja'awën. Ëjts Pablo, tëëjës nmëjja'ayënë ets tsumy matsyës yap n'ity koos ja Kristë Jesús ja y'aaw y'ayuk nkajpxwa'kxë.

Efesios 4:1

Paaty ëjts, maas yap tsumy n'ityën koos yë Wintsën Jesukristë tmëpëky, tyam miits nmënu'kxta'aktë ets jëtu'un mjuuky'attëty ijxtëm ja ja'ayëtyën mëti'ipë ja Dios të myëkajpxëtën, ijxtëm miitsëty ojts mjuuky'atën.

Hechos 28:17

Ko ja Pablo jam jyä'äjty, kom tëkëëk xëëw twoowtsooy ja jutiis ja'ay mëti'ipë wintsën'ajtëpën jam Roma. Ko nyiye'eypyäjtë ets ja Pablo t'ënëmaay: Mëku'uktëjkëty, ëjts, ka'apës yë nja'ay'ajtëm tii të ntukmëtuuntëkoytyë ets nän ka'apës ja n'ap'ajt nteety'ajtëm ja y'ënä'ämën të nkäjpxykyutëjë. Nanëkokyëjxmës xymyajtstë jam Jerusalén ets xykyë'ëyajktës ma ja Romë ja'ayëtyën.

Hechos 27:1

Ko tuknipëjktakëtyë ets xyajnëjkxa'antës jam Italia, ja Pablo mëët wiinkëtypë ja tsumyjä'äy yë'ë ojts y'ëxajëtë ja Julio, tu'uk tsiptuunpë kopk, mëti'ipë yajtijtëpën Yajkutujkpë kopk.

Hechos 16:25

Tsu'umkujk ënety, tap tmëtowtë ja wiinkëtypë ja pujxntëjkja'ayëty ko ja Pablo mëët ja Silas tyëjkëtyë Dios mëkajpxpë ets tkuuy'ëwtë.

Lucas 7:40

Ënet ja Jesús t'ënëmaay ja fariseë: Simón, tap wäänë nmëkajpxa'any. Ets ja fariseë y'ëtsooy: Oy, Wintsën.

Juan 18:12

Ënet ja tsiptuunpëtëjkëty, wintsëntëjkëty ets mëti'ipë jap tuuntëpën ma tsajptëjkën tmajtstë ja Jesús ets tkë'ëtsuumtë.

Hechos 23:17

Tää ja Pablo tu'uk twoowtsooy ja tsiptuunpë wintsën, ets t'ënëmaay: Woownëjkx ya'atë yä'äy ëna'k ma ja mëj tsiptuunpë wintsënën, tap ayuk tuk'ëwaanëja'any.

Hechos 23:19

Tääts ja mëj tsiptuunpë wintsën ja yä'äy ëna'k tkë'ëmajtsy ets ojts twijtsnëjkxy ëpëky. Tääts tyajtëëy: ¿Tiis xytyukmëmëtya'akaanpës?