Hechos 23:16 - Biblia Dc en Mixe de Quetzaltepec

¹⁶ Ojts ja Pablo ja tsyojkmaank tnijawë ko ja Pablo ja ja'ay yaj'ooka'anyë, ënät ja jyämy ojts tninëjkxy ma ja tsiptuunpë y'itën ets tuk'ëwa'anëy.

Biblia Mixe de Quetzaltepec

¹⁶ Ojts ja Pablo ja tsyojkmaank tnijawë ko ja Pablo ja ja'ay yaj'ooka'anyë, ënät ja jyämy ojts tninëjkxy ma ja tsiptuunpë y'itën ets tuk'ëwa'anëy.

Hechos 23:16 ပူးပေါင်းရင်းမြစ်များ

Hechos 23:10

Tääts ko ni'ikyë tyëjkëtyë yaxpë jojkpë, ënät ja mëj tsiptuunpë wintsën ojts tsyë'ëkë ko tsojk yowë ja Pablo yajtuknukëty. Ënet ja tsyiptuumpë tkejxy ets ja Pablo yajwijtspëtsëmëty jap mayjä'äyjoty ma ya'axtën jyoktën ets ojts twoownëjkxy jëkäm ma ja tsiptuunpë y'itën.

1 Corintios 3:19

Yë naaxwiinyëtë ixpëkyajtën tsuuwinma'any yë Dios tyajnaxy, jëtu'un ja Dios ja y'aaw y'ayuk kyëxja'ayëty: Näy yë'ë kyë'ëm wijyajtën nëjkx ja ixpëkyjyä'äy Dios tyu'u'ëtukëtë ijxtëm tu'uk ja jëyujk yajtu'u'ëtukyën, jä'äkyëjxm ko tkanijawëtë ko ja y'o'kën t'anëjkxëtë.

Hechos 23:32

Komjëpom ja tsiptuunpë wyimpijtë jam Jerusalén mëti'ipë teky'am nëjkxtëpën ets ja këwaaykyijxypyë tpanëjkxtë ja Pablo.

Hechos 21:34

E ja ja'ayëty wi'ix kawi'ixëty jyänty y'ëna'antë, ja mëj tsiptuunpë wintsën ka'ap tja'akyujkëy wi'ix y'ëna'antën. Ënet ojts tni'ënä'ämë ets jap tyajnëjkxtëty ma ja tsiptuunpë y'itën.

Lamentaciones 3:37

Ko pën wi'ix y'ënä'äny, ko pën tii jyätyë kyëpetyë, paaty jyëtu'un'aty jä'ä ko Ni'ik Këjxmëpë jëtu'un të tyajnikutukë.

Proverbios 21:30

Ma Tiosën ka'ap nimëti'ipë wijyajtën tsyowpaaty, yë'ëpaat ka'ap tsyowpaaty yë këpetyajtën ets ja ma'ayën tajën.

Job 5:13

Kë'ëm yë ëxëëkja'aytyëjk ëxëëk nyätyuktunyë yë y'ëxëëkjot y'ëxëëk winma'any, yë'ë yajma'tääpy yë winma'any mëti'ipë yë ëxëëkja'aytyëjk të tjamay të tjatajtën.

2 Samuel 17:17

E jä'ä ko yë Jonatán ets Ahimaas tam ënety yajpaatë ma En-roguel kajpnën, ka'ap tjëkyepy pyëtsëmëty këtiipë ja ja'ay y'ixëtëty, ënät tu'uk ja to'oxytyëjk mëtuunpë nyimiinëtë mëti'ipë tuk'ëwa'anutyääyëtën winë, tääts ënätyë tsyo'ontë ets tukmëmëtyaktë ja David.

Hechos 21:37

Ko ënety ja Pablo jap tyajtëkëja'antë ma ja tsiptuunpë y'itën, tääts ja Pablo tyajtëëy ja mëj tsiptuunpë wintsën: ¿Mëpaat mijts wäänë nmëkäjpxyë? Tääts ja wintsën y'ëtsooy: ¿Tii, mkäjpxyp yë griego ayukë?

Hechos 23:17

Tää ja Pablo tu'uk twoowtsooy ja tsiptuunpë wintsën, ets t'ënëmaay: Woownëjkx ya'atë yä'äy ëna'k ma ja mëj tsiptuunpë wintsënën, tap ayuk tuk'ëwaanëja'any.

Hechos 24:23

Ënet ja yajkutujkpë Félix ojts t'ëne'emy tu'uk ja tsiptuunpë wintsën ets ja Pablo oy tsuj yajkëwent'atëty ets t'ënëmaay ko y'a'ixëp ets ja Pablo ja myëku'uktëjk min kyu'ixëty.

Proverbios 24:15

Nijëna'a ja ëxëëk winma'any xykyapaatëty ma ja'ayën mëti'ipë oy tsuj juukyajtpën, këtii ëxëëk m'ëtë'ëts m'ëna'anëty ma jyëën tyëjkën.