Hechos 23:15 - Biblia Dc en Mixe de Quetzaltepec

¹⁵ Miitsëty ets ni'ëmukë ja tsajptëkotyëtë yajkutujkpë nëëmëtë ja mëjtsiptuunpë wintsën ets ja Pablo yaa tyajminëty, jëtu'un ja mëj soldadëty wintsën xywin'ëëntëty ko yë'ë myajtëytyëkëjantëp mëti'ipë ja Pablo të tuuntëkoy të tkajpxtëkoyën. Naamka'anëm ënety yaa jyä'ty, jamës n'ëwxita'antë tu'ujotm ets jamës nyaj'ooka'antë.

Biblia Mixe de Quetzaltepec

¹⁵ Miitsëty ets ni'ëmukë ja tsajptëkotyëtë yajkutujkpë nëëmëtë ja mëjtsiptuunpë wintsën ets ja Pablo yaa tyajminëty, jëtu'un ja mëj soldadëty wintsën xywin'ëëntëty ko yë'ë myajtëytyëkëjantëp mëti'ipë ja Pablo të tuuntëkoy të tkajpxtëkoyën. Naamka'anëm ënäty yaa jyä'ty, jamës n'ëwxita'antë tu'ujotm ets jamës nyaj'ooka'antë.

Hechos 23:15 ပူးပေါင်းရင်းမြစ်များ

Isaías 59:7

Mtimnyëëkajp mtimyujkajptëp yë mtekyëty ets ëxëëkpë xytyuna'antë, xyaj'ooka'antë ja mjëëky mëku'ukëty. Aakyë'ë mëmaay mëët'ajtëp wi'ix myajja'ay ooktëtyën maajaty mnaxtën xit ko'ow winë xytyuunta'atë.

Proverbios 1:16

jä'ä ko janty näjyotkëjxëtëp ets ëxëëkpë tuntëty. Janty poj'am timtyunankojtë winë, ets ja ne'pny jä'ä tyimtäman tyimjä'ätsantëp.

Hechos 22:30

Komjëpom, yë'ë ënety ja mëj tsiptuunpë wintsën, oy tnijawëja'any tii ko ja Pablo ja jutiis ja'ay nyi''ëënëty. Tääts ojts tkë'ëkejy ets ja teety wintsëntëjk twoowmujky mëët ni'ëmukë ja tsajptëkotyëtë yajuntë'ajtpë. Tääts ja Pablo tyajpëtsëëmy ets twoowmiiny may ja'aywyintum.

Proverbios 4:16

yë ëxëëkja'aytyëjk ka'ap jotkujk nyäyjyawëtë pën ka'ap tii tuuntëkoy tkajpxtëkoytyë. Yajtëkooytyëp yë tsyuu myä'äyëty ko pën wi'ix muum tuna'antë.

Salmos 21:11

Oy tjatuknipëjktaakëtëty myaj'ooka'anëtë ets tjaniwinmayëtëty ëxëëk mjatëty mkëpätëty, yë'ë ka'ap nitii tuntëty,

Hechos 25:3

Ënet ja Festo t'amëtoowtë ja mëyajtën ets ja Pablo tyajminëty jam Jerusalén. Jëtu'un ënety ja jutiis ja'ayëty të tuknipëjktaakëtë ets ja Pablo tyaj'ooka'antë tu'ujoty.

Juan 18:12

Ënet ja tsiptuunpëtëjkëty, wintsëntëjkëty ets mëti'ipë jap tuuntëpën ma tsajptëjkën tmajtstë ja Jesús ets tkë'ëtsuumtë.

Hechos 23:1

Tääts ja Pablo twin'ijxpejty ja mëjja'aytyëjk ets t'ënëmaay: Mëku'uktëjkëty, ëjts nija'apës ko oyës ja njot nwinma'any nmëëtëty Dios wintum.

Hechos 23:6

Nyija'awëy ja Pablo ko mäjtskpëky ja ja'ay të nyäwya'kxëtë, tam mëti'ipë ja saduceos ja y'ijxpëjkën pyatuuntëpën ets tam mëti'ipë ja fariseë ja'ayëty mëët y'itën. Paaty ja Pablo ojts janty mëk kyäjpxy ma ja tsajptëkotyëtë yajjuntë'ajtpën: Miits, mëku'uktëjkëty, fariseë ëjts, nän fariseë ja'ayës ëjts nteety'äjtyp. Paaty miits xypyaye'eytyës koos nmëpëky ko ja o'kpë jyuukpyëka'any.

2 Samuel 13:5

Ënet ja Jonadab ojts kyajpxwijyë: Tëkë jap mtëkoty ets mnäpyëjkta'akëtëty mpëjkëp yowë. E ko yë mteety mniminëtëty, ënëëmë wä'än tkexy yë m'uty Tamar ets yë'ë myajkayëtëty, jäpyë tëkoty tyaj'o'oyëkyojëty mëti'ipë mjë'kxëpën ets kë'ëm xy'ixëty.