Hechos 22:25 - Biblia Dc en Mixe de Quetzaltepec

²⁵ Ko ënety ja Pablo të yajkutsuumnë ets yajwopa'any, ënät ja Pablo t'ënëmaay ja tsiptuunpë wintsën mëti'ipë ënety jam wopanëpën: ¿Yajkutujkpy ja ënä'ämën ko tu'uk yë Romë ja'ay yajwopëtyë ets ka'anëm yajpaye'eyë?

Biblia Mixe de Quetzaltepec

²⁵ Ko ënäty ja Pablo të yajkutsuumnë ets yajwopa'any, ënät ja Pablo t'ënëmaay ja tsiptuunpë wintsën mëti'ipë ënäty jam wopanëpën: ¿Yajkutujkpy ja ënä'ämën ko tu'uk yë Romë ja'ay yajwopëtyë ets ka'anëm yajpaye'eyë?

Hechos 22:25 ပူးပေါင်းရင်းမြစ်များ

Hechos 16:37

E jëtu'un ja Pablo t'ënëmaay ja kukäjpxy: Nen Romë ja'ay ëëtsëty, ets tëëjës nyajwop nyajka'atstë mayjyä'äyjoty nanëkookyëjxm, ka'anëm ënety ja npokyës yajpaye'eynyëm, ets tëëjës näjyëtu'un nyajtsumtë. ¿Wi'ix ko ënät tyam yu'utsy me'tsy xy'ëxmatsa'antës? Ka'ap jëtu'un myëtëyëty. Wä'än kë'ëm tmintë ja kutuunktëjkëty etsës yë'ë xyajpëtsëmtëty.

Hechos 25:16

Tääts ënëmaaytyës ko ka'ap yë Romë jëtu'un yë kyutujkën tmëët'atë ets pën y'ookëty pën ka'anëm ja paye'eyën tyunyë ets pën ka'anëm nyäwyintänëtë mëti'ipë nänyi'ë'ënëtëpën.

Hechos 27:43

E ja tsiptuunpë wintsën ka'ap tsoky ets ja Pablo y'ookëty, paaty ojts ka'ap tyaj'o'knëpë. Je'eyë ojts y'ënä'äny pën jyäjtyp nyëëyunëty, wä'än jëyëjp tnëëtëkë ets mejyjoty pyëtsëmëty.

Hechos 23:17

Tää ja Pablo tu'uk twoowtsooy ja tsiptuunpë wintsën, ets t'ënëmaay: Woownëjkx ya'atë yä'äy ëna'k ma ja mëj tsiptuunpë wintsënën, tap ayuk tuk'ëwaanëja'any.

Hechos 27:3

Ënätës ntso'ontë Cesarea etsës nja'ajtë ma ja kajpn txëëwatyën Sidón. Jamts ja Julio ojts ja Pablo tnajtsmatsë ëwaatsëtum ets nëjkx tku'ixë ja myëku'uktëjk ets yajxon yajkaay yaj'ukë.

Hechos 27:1

Ko tuknipëjktakëtyë ets xyajnëjkxa'antës jam Italia, ja Pablo mëët wiinkëtypë ja tsumyjä'äy yë'ë ojts y'ëxajëtë ja Julio, tu'uk tsiptuunpë kopk, mëti'ipë yajtijtëpën Yajkutujkpë kopk.

Hechos 10:1

Jam ma Cesarea kajpnën, jam ijty tu'uk ja ja'ay tsyëënë; Cornelio xyëëwajtyp, tsiptuunpë wintsën ijty tyuunk'ajtyp ma ja soldadëtëjkëtën mëti'ipë yajtijtëpën Italiano.

Mateo 27:54

Ko ja tsiptuunpë wintsën jëtu'un t'ijxtë, mëti'ipë ënety jam kyëwent'ajtëpën ja Jesús, ko nëkoo ja naaxwiinyëtë y'ëkyu'kxnë, ënät tsyë'këtyë ets y'ënantë: Tëytyëm ko tääpë ja'ay Tiostëm ijty U'unk'ajtëp.

Mateo 8:8

Ets ja tsiptuunpë wintsën y'ëtsooy: Wintsën, ka'apës xypyaat'aty ets mtëkëty ntëkotyës, je'eyë xynyi'ënä'ämëty etsës ja ntuunpë tsyo'okëty.

Mateo 10:17

Näkyëwent'atëtë, jä'ä ko nëjkxëp myajkë'ëyaktë ma kutuunkëtyën ets nëjkxëp myajwoptë tsajptëkoty.

Hechos 22:26

Ko tmëtooy ja tsiptuunpë wintsën, tää ojts tuk'ëwaanë ja mëj tsiptuunpë wintsën ets t'ënëmaay: ¿Tii mijts mtunäämpy?, Romë ja'ayts tääpë ja'ay.

Hechos 23:27

Ya'atë ye'etyëjk, jutiis të myatsëtë. Yaj'ookantëp ënety. E koos ojts nijawë ko Romë ja'ay, täätsës ojts nninëjkxy mëëtës ja tsiptuunpëtëjk etsës nyaj'ëwaatsëpëtsëëmy.