Hechos 22:1 - Biblia Dc en Mixe de Quetzaltepec

¹ Miits, mëku'uktëjkëty, mëtowtë ja aaw ayuk wi'ixës tyam nnäkyukajpxa'anyën.

Biblia Mixe de Quetzaltepec

¹ Miits, mëku'uktëjkëty, mëtowtë ja aaw ayuk wi'ixës tyam nnäkyukajpxa'anyën.

Hechos 22:1 ပူးပေါင်းရင်းမြစ်များ

Lucas 12:11

Ko pën myajnëjkxëtëty ma ja tsajptëjkën, ma ja kutuunktëjkëtyën ets ma ja tëytyuunpëtëjkëtyën, ka'ap xymyëmay xymyëtajtëty wi'ix m'ëtsowtëtyën ëkë pën tii mkajpxtëp;

Lucas 21:14

Këtii xymyëmay xymyëtajtëty wi'ix m'ëtsowtëtyën.

Hechos 13:26

Tääts ja Pablo jyaak'ënany: Mëku'uktëjkëty, Abraham yë y'u'unk y'ok, ets miitsëty ka'apë jyutiis'atën je'eyëp ko mmëpëjktaktëp ja Dios: ëëts jëtu'un ojts nyajtuknikäjxëm ja aaw ayuk mëti'ipë yajknitsokpën.

Hechos 19:33

E tam ja ja'ayëty mëti'ipë ojts tukmëmëtya'aktën ja Alejandro, mëti'ipë ja Jutiis ja'ayëty nyajtstijëtën jap mayjä'äyjoty ets kyajpxëty. Tääts ja Alejandro ja kyë'ë txajë'ky ko kyajpxa'any ets ja ja'ay y'amontëty, jä'ä ja jutiis ja'ayëty nyikajpxtu'utäämpy.

Hechos 23:1

Tääts ja Pablo twin'ijxpejty ja mëjja'aytyëjk ets t'ënëmaay: Mëku'uktëjkëty, ëjts nija'apës ko oyës ja njot nwinma'any nmëëtëty Dios wintum.

Hechos 23:6

Nyija'awëy ja Pablo ko mäjtskpëky ja ja'ay të nyäwya'kxëtë, tam mëti'ipë ja saduceos ja y'ijxpëjkën pyatuuntëpën ets tam mëti'ipë ja fariseë ja'ayëty mëët y'itën. Paaty ja Pablo ojts janty mëk kyäjpxy ma ja tsajptëkotyëtë yajjuntë'ajtpën: Miits, mëku'uktëjkëty, fariseë ëjts, nän fariseë ja'ayës ëjts nteety'äjtyp. Paaty miits xypyaye'eytyës koos nmëpëky ko ja o'kpë jyuukpyëka'any.

Hechos 24:10

Ënet ja yajkutujkpë ojts ja kyë'ë txajë'ëky ets ja Pablo kyajpxëty. Tä ja Pablo y'ënäny: Jotkujkës näjyawëty ma mijtsën etsës nnäkyukajpxëtëty, jä'ä ko nnija'apës ko mijts tëë kanaak jëmëjt myajkutujknë ma ya'atë itën.

Hechos 25:16

Tääts ënëmaaytyës ko ka'ap yë Romë jëtu'un yë kyutujkën tmëët'atë ets pën y'ookëty pën ka'anëm ja paye'eyën tyunyë ets pën ka'anëm nyäwyintänëtë mëti'ipë nänyi'ë'ënëtëpën.

Hechos 25:8

Tääts ja Pablo ojts nyäkyukäjpxyë ets t'ënëmaay ja yajkutujkpë Festo: Ni tiis pën nkatukmëtëkoy, ni yë jutiis ja'ay y'ënä'ämënëty, ni yë mëjtsajptëjk ets ni yë yajkutujkpë kopk.

Hechos 26:24

Ko ja Pablo jëtu'un nyäkyukajpxtaayë, ënät ja yajkutujkpë Festo mëk y'akajpxtujkë: Pablo kupoj. Yë m'ijxpëjkën yë'ë të myajlokëjajtënë.

Hechos 28:17

Ko ja Pablo jam jyä'äjty, kom tëkëëk xëëw twoowtsooy ja jutiis ja'ay mëti'ipë wintsën'ajtëpën jam Roma. Ko nyiye'eypyäjtë ets ja Pablo t'ënëmaay: Mëku'uktëjkëty, ëjts, ka'apës yë nja'ay'ajtëm tii të ntukmëtuuntëkoytyë ets nän ka'apës ja n'ap'ajt nteety'ajtëm ja y'ënä'ämën të nkäjpxykyutëjë. Nanëkokyëjxmës xymyajtstë jam Jerusalén ets xykyë'ëyajktës ma ja Romë ja'ayëtyën.

Hechos 7:2

Tääts ja Esteban y'ëtsooy: Mëku'uktëjkëty, mëjja'aytyëjkëty, amëtoow'ijtëkës. Ko ja nteety'ajt n'ap'ajtëmë Abraham tsyënaay jam Mesopotamia, ka'anëm ënety nyijkx tsënääpyë ma ja it txëëwatyën Harán, ko ja Dios mëjpë jaantypë ojts nyänyikëxë'ëkyë ma yë'ëjën.

Romanos 2:15

jëtu'un tyajnikëxë'ëktë ko t'aaw'at tjot'atë ja ënä'ämën. Kyë'ëm winma'any yajnikëxë'këtëp ets kyë'ëm winma'any yajpokykya'ajëtëp ëkë kuwanëtëp,

1 Corintios 9:3

Yë'ës nätyukuwanëp koos pën xynyikäjpxy xynyimëtyä'äky.

2 Corintios 12:19

¿Wä'än jëtää miits mmaytyë mtajtë? ko mä'kxën yam mpëjktsoowtëpës ma miitsëtyën, je'eyëp ko ka'ap jyëtu'unëty. Dios wyintuuy wyinkujk ëëts nkajpxtë nmëtya'aktë ijxtëm ja Kristë të xymyo'otënës ja aaw ayuk. Mëku'uktëjkëty mëti'ipës ni'ik ntsojktëpën, tu'kë'ëyë mëti'ipës ntuuntëpën, yë'ëkyëjxm ets miits mwinpätëty ma ja mmëpëjkënëtyën.

2 Corintios 7:11

Jëtu'un miits ja ma'ayën tajën të xymyëtänëtë ijxtëm ja Dios tukjotkëtä'äkyën. Ets ixtë ënät tyam wi'ix të wyimpëtsëmyën. Tëë xytyukpëtsëmtë ja aaw ayuk mëti'ipës të nnikäjpxyën, ojts mjoot'anpëktë ets tëë mtsë'ëkëtë. Ok ojts xyjya'ixa'antës ets xytyukkumëtoowtë ja pokyjyä'äy ja nyëë pyoky. Yë'ë miits myajnikëxë'ëktëp ko ka'ap myiitsëty të mtuuntëkoytyë.

Filipenses 1:17

e mëti'ipë tsipkyëjxm nyikajpxtëpën, yë'ë tyuuntëp ko kyë'ëm jä'ä tyajmëjtëkëja'antë, ka'ap ëmuumtu'ukjot tuntë, je'eyë xyajtsiptëkëja'antës maajës tyam n'ityën tsumy.

Filipenses 1:7

Jëtu'un pyaat'atyë ko miits nmëmay nmëtajtëty, jä'ä ko mëk miits n'oyjyawëtë ets jä'ä ko nän mëët miits n'itë ma ja Dios ja kyënu'kxënën, oyës tsumy matsy nyajpaaty ëkë oyës ja kutuunktëjk nwinkuwa'akëty, ja oy aaw oy ayuk jootjoty nwinma'anyjyotyës yajpaaty.

2 Timoteo 4:16

Koos ënety nänyikajpxtu'utyë ma ja kutuunkëtyën, ka'ap ojts pën xypyutëkës, ni'ëmukë xy'ëxmajtstaaytyës. Jääpëk yë Dios ka'ap tja'amyetsy.

1 Pedro 3:15

Je'eyëm mjootjoty mwinma'anyjoty xymyëjjaw xyjyääntyjyawëtëty ja Kristë mëti'ipë nWintsën'ajtëmën. Jëjp'ixy xëmë m'ittëty wi'ix xy'ëtsowtëtyën ja mëti'ipë myajtëëwëtëpën tii ko ja a'ijxën jëjp'ijxën xymyëët'atë.