Hechos 21:40 - Biblia Dc en Mixe de Quetzaltepec

⁴⁰ Tääts ja wintsën tyajkutujky ets ja Pablo ja ja'ay tmëkajpxëty. Ënet ja Pablo ojts wya'kukë jam këjxm ets ja kyë'ë txajë'ky ets ja ja'ay y'ëmoontë. Ko ja ja'ay y'ëmoontaaytyë, tää ja Pablo hebreo ayuk myëtyaktso'ony:

Biblia Mixe de Quetzaltepec

⁴⁰ Tääts ja wintsën tyajkutujky ets ja Pablo ja ja'ay tmëkajpxëty. Ënät ja Pablo ojts wya'kukë jam këjxm ets ja kyë'ë txajë'ky ets ja ja'ay y'ëmoontë. Ko ja ja'ay y'ëmoontaaytyë, tää ja Pablo hebreo ayuk myëtyaktso'ony:

Hechos 21:40 ပူးပေါင်းရင်းမြစ်များ

Hechos 12:17

Je'eyë ja Pedro ojts ja kyë'ë tyaj'ixyë ets amonyë y'itëty. Tää myëtyaktso'ony wi'ix ënety ja Wintsën të yajpëtsëmyën jap pujxn tëkoty. Tää jyaak'ënany: Tuk'ëwaanëtë ja Santiagë mëët ja nmëku'uk'ajtëmë, wä'än tnijawëtë. Ko jëtu'un tnimëtyaktaay, tää jam tsyo'ony ets ojts nyijkx wiinktsow.

Hechos 26:14

Täätsës ni'ëmukë nkëtaawtaaytyë ets ojts nmëtoyës ja hebreo ayuk y'ënä'äny: Saulo, Saulo, ¿tii ko xypyajëtityës? Kë'ëm mnäyajtsëtyutyë ijxtëm ja tsajpkaa tjëjpkunäpën ja kepy jëjpxu'uny.

Hechos 22:2

Ko ja ja'ay tmëtoowtë ko ja Pablo hebreo ayuk kyäjpxyp, tää y'ëmoontaaytyë wäänëni'ik ets ja Pablo y'ënëmaayëtë:

Juan 5:2

Jam ijty tu'uk ja tëjk'aaw mëti'ipë xyëëwajtypyën Kupixyny Tëjk Aaw ets jam tu'uk ja nëë apojtsë'ëky, Betesda yajtijy hebreo ayuk, mëkoxk ja nyitëjk'aaw.

Hechos 21:35

Ko tyajja'ajtë ma ja potsyën mëti'ipë win'jënajkpën, ni'ikyë ja ja'ay tukjoot'anpëktë ja Pablo, paaty ja këwent'ajtpëtëjk ojts ja Pablo tmënëjkxtë jam këjxm jä'ä ko nëkoo ënety ja ja'ay ëxëëk y'ëk'ëtëtsnëtë,

Hechos 19:33

E tam ja ja'ayëty mëti'ipë ojts tukmëmëtya'aktën ja Alejandro, mëti'ipë ja Jutiis ja'ayëty nyajtstijëtën jap mayjä'äyjoty ets kyajpxëty. Tääts ja Alejandro ja kyë'ë txajë'ky ko kyajpxa'any ets ja ja'ay y'amontëty, jä'ä ja jutiis ja'ayëty nyikajpxtu'utäämpy.

Apocalipsis 16:16

E ja yajkutujkpëtëjk ojts ja myuktë ma tu'uk ja it txëëwatyën hebreo ayuk'äämpy Armagedón.

Apocalipsis 9:11

Jam tu'uk ja tsajpjotmëtë kukäjpxy mëti'ipë tso'onpën ëyoowtaknjotm, yë'ë nyiwintsën'ajtyp ja maymyu'u. Abadón yajtijy ma hebreo ayukën ets ma griego ayukën, Apolion.

Hechos 13:16

Tääts ja Pablo wya'kujkëy ets ja kyë'ë txajjë'ky ets ja ja'ay y'amontëty ets t'amëtoow'itëty. Tää y'ënäny: Mëtoow'itë miits, Israel ja'ayëty ets näjyëtu'un miitsëty mëti'ipë ka'ap jyutiisëty mëti'ipë ja Dios wyintsë'këtëpën.

Hechos 6:1

Näy jä'ä xëës jä'ä jëmëjt, ma ënety ni'ikyë nyimayëtën mëti'ipë myëpëjktëpën ja Jesús; ja ja'ayëty mëti'ipë ja griego ayuk kyajpxtëpën, ojts tukjoot'anpëktë ja myëku'ukëty mëti'ipë kyajpxtëpën ja hebreo ayuk ets y'ëna'antë ko ja ku'ooky tyo'oxytyëjkëty mëti'ipë griegë ja'ayëtyën ka'ap oy yajputëkëtë ma winë wyä'kxyën.

Juan 19:20

May ja jutiis ja'ay ja letrë ojts tkajpxtë, jä'ä ko kajpn mëwinkon ja it wyi'im ma ja Jesús ojts tyajkruutspätën ets ja letrë, hebreo, latín ets griego ayuk jyä'äyëty.

Juan 19:17

Tääts ja Jesús tsyo'ony, tam ja kruuts tpakäpy, ets nyijkx ma txëëwatyën O'kpë Këpajk mëti'ipë hebreo ayuk yajtijpën Gólgota.

Juan 19:13

Ko ja Pilato jëtu'un tmëtooy ënät ojts tni'ënä'ämë ets ja Jesús tyajpëtsëmtëty ets nyaaxwe'tsy ënyääypyäjnkëjxy ma pyaye'eyën, ma txëëwatyën hebreo ayuk Gabatá, jä'ä nyiwijy Tsaa Winwääpy.

Lucas 23:38

Tam ja letrë ënety të tkëxja'atë kyëpäjky, griego, latín ets hebreo ayuk mëti'ipë ënaanpën: Ya'atë ja jutiis yajkutujkpë.

2 Reyes 9:13

Tä ënätyë nitu'ukjaty nyätyuknijääntutëtë ja nyijänëty ets tyä'ptë ma ja tëjk yajnipäjtë'ëkyën, jä'ä tyukniyä'pëtyë ja Jehú. Tääts ojts txuxmuktë ja mayjyä'äy ets mëk tukyax tukjojkëtyë: Yë Jehú yë'ë tyam yajkutujkp.

Hechos 1:19

Tu'kë'ëyë ja ja'ay tnija'awëtyë mëti'ipë ënety jam tsënaaytyëpën Jerusalén. Tääts ja naax ojts tyajxëëwpätë mëët ja kyë'ëm ayukëty Hacéldama, jä'ä nyiwijy Ne'pnyë'am.