Hechos 21:39 - Biblia Dc en Mixe de Quetzaltepec

³⁹ Tääts ja Pablo y'ëtsooy: Jutiis ja'ayës ëjts, Tarsis nmëxu'unk'ajty, mëti'ipë yajpatpën ma ja Cilicia y'itjotmën. Tun mëyajtën, minës yë ja'ay n'ëkmëkäjpxy.

Biblia Mixe de Quetzaltepec

³⁹ Tääts ja Pablo y'ëtsooy: Jutiis ja'ayës ëjts, Tarsis nmëxu'unk'ajty, mëti'ipë yajpatpën ma ja Cilicia y'itjotmën. Tun mëyajtën, minës yë ja'ay n'ëkmëkäjpxy.

Hechos 21:39 ပူးပေါင်းရင်းမြစ်များ

Hechos 15:23

Yë'ëts ojts ja noky tmënëjkxtë mëti'ipë ënaanpën: Ëëts, ijxpëjkpëtëjkëty ets ja mëjja'aytyëjk, miits yë mmëku'uktëjkëty. Nkajpxpo'kxtë miitsëty mëti'ipë ka'ap jyutiisëty, mëti'ipë tsënaaytyëpën jam Antioquía, Sirië ets Cilicia.

Hechos 15:41

jam nyëjkxtë Sirië ets Cilicia, tyajjotkujkta'aktë ja mëpëjkpëtëjk maajëty ye'eymyuktën.

Hechos 16:37

E jëtu'un ja Pablo t'ënëmaay ja kukäjpxy: Nen Romë ja'ay ëëtsëty, ets tëëjës nyajwop nyajka'atstë mayjyä'äyjoty nanëkookyëjxm, ka'anëm ënety ja npokyës yajpaye'eynyëm, ets tëëjës näjyëtu'un nyajtsumtë. ¿Wi'ix ko ënät tyam yu'utsy me'tsy xy'ëxmatsa'antës? Ka'ap jëtu'un myëtëyëty. Wä'än kë'ëm tmintë ja kutuunktëjkëty etsës yë'ë xyajpëtsëmtëty.

Hechos 21:37

Ko ënety ja Pablo jap tyajtëkëja'antë ma ja tsiptuunpë y'itën, tääts ja Pablo tyajtëëy ja mëj tsiptuunpë wintsën: ¿Mëpaat mijts wäänë nmëkäjpxyë? Tääts ja wintsën y'ëtsooy: ¿Tii, mkäjpxyp yë griego ayukë?

Hechos 22:3

Jutiis ja'ayës ëjts, Tarsis nmëxu'unk'ajty, Cilicia y'itjotm. Yaas Jerusalén të nyeeky, Gamalielës xyaj'ijxpëjk; wa'atsës xytyuk'ijxpëjky ja aptëjk ja y'ënä'ämën, etsës ja Dios ja jyä'ä npatuunëty ijxtëm miits xytyuunk'atën.

Hechos 23:27

Ya'atë ye'etyëjk, jutiis të myatsëtë. Yaj'ookantëp ënety. E koos ojts nijawë ko Romë ja'ay, täätsës ojts nninëjkxy mëëtës ja tsiptuunpëtëjk etsës nyaj'ëwaatsëpëtsëëmy.

Hechos 23:34

Ja yajkutujkpë Félix ojts tkäjpxy ja noky. Tääts tyajtëëy ja Pablo'ajtp maa tsyoony; ko tnija'awëy ko Cilicia y'itjotm tsyoony.

Hechos 6:9

E tam ënety ja ja'ayëty yajpaatë ma ja tsajptëjkën mëti'ipë yajtijpën Najtspëkë Ja'ay Tsyajptëjk, mëti'ipë tso'ontëpën Cirenë, Alejandría, Cilicia ets Asia. Jä'ä ojts ja Esteban mëët nyäy'ojëtë,

Hechos 9:11

Tääts y'ënëmaayë: Nëjkx ma ja tu'u txëëwatyën Tëytyu'u. Ko mja'tëty ma ja Judas ja tyëjkën, jam xyajnitëwëty ja Tarsëtë ja'ay mëti'ipë xyëëwajtypyën Saulo. Yë'ë tam ja Dios tja'amyetsy.

Hechos 9:30

Ko ja mëpëjkpëtëjk tnija'awëtyë ko ja Saulo ja ja'ay yaj'ooka'anyë, tää ojts twoownëjkxtë jam Cesarea, jam ojts tsyoony ets tkäjxtë Tarso.

1 Pedro 3:15

Je'eyëm mjootjoty mwinma'anyjoty xymyëjjaw xyjyääntyjyawëtëty ja Kristë mëti'ipë nWintsën'ajtëmën. Jëjp'ixy xëmë m'ittëty wi'ix xy'ëtsowtëtyën ja mëti'ipë myajtëëwëtëpën tii ko ja a'ijxën jëjp'ijxën xymyëët'atë.