Hechos 21:31 - Biblia Dc en Mixe de Quetzaltepec

³¹ Tyimyaj'ookantëp ënety ko ja mëj tsiptuunpë wintsën, mëti'ipë nyiwintsën'ajtypyën nitu'kmil ja tsiptuunpë, tnija'awëy ko ja Jerusalén ja'ayëty tëë tnipëtë'ëktë ja Pablo.

Biblia Mixe de Quetzaltepec

³¹ Tyimyaj'ookantëp ënäty ko ja mëj tsiptuunpë wintsën, mëti'ipë nyiwintsën'ajtypyën nitu'kmil ja tsiptuunpë, tnija'awëy ko ja Jerusalén ja'ayëty tëë tnipëtë'ëktë ja Pablo.

Hechos 21:31 ပူးပေါင်းရင်းမြစ်များ

1 Reyes 1:41

Ja Adonías ets mëët nitëkokyë ja ja'ayëty mëti'ipë ënety jap mëët kyäytyë y'uuktën, ko tmëtoowpatë ja ja'ay ya'axtë jyoktë. Ko ja Joab tmëtoowpaty nëkoo ja ja'ay y'ëknä'ämnëtë, tä y'ënäny: ¿Wi'ix ko nëkooyë ja'ay nyä'ämnëtë?

Mateo 26:5

Je'eyëp tyaa y'ënantë: Ka'ap yowë y'oy'atëty ko xëëwjoty nmajtsmëty, këtiipë ja'ay xim yam xynyipëtë'kmëty.

Mateo 27:27

Ënet ja tsiptuunpëtëjkëty mëti'ipë myëtuuntëpën ja Poncio Pilato ojts tmënëjkxtë ja Jesús ma ja këmoontëjkën ets jam nyäwyoowmujktaayëtë,

Marcos 14:2

Tääts aak ayi'iyë nyäy'ënanëtë: Ka'ap y'oyëty ko jää nmajtsmëty xëëwjoty, jä'ä ko tsojk ja'ay xim yam pyëtë'ëktëty.

Juan 16:2

Nëjkxëp myaj'ixkäxtë jap tsajptëkoty ets nëjkxëp ja'ay myaj'ookëtë ets jëtu'un nëjkx myäytyë tyajtë ko Dios myëtuuntëp.

Juan 18:12

Ënet ja tsiptuunpëtëjkëty, wintsëntëjkëty ets mëti'ipë jap tuuntëpën ma tsajptëjkën tmajtstë ja Jesús ets tkë'ëtsuumtë.

Hechos 10:1

Jam ma Cesarea kajpnën, jam ijty tu'uk ja ja'ay tsyëënë; Cornelio xyëëwajtyp, tsiptuunpë wintsën ijty tyuunk'ajtyp ma ja soldadëtëjkëtën mëti'ipë yajtijtëpën Italiano.

Hechos 17:5

Tam ja Judá ja'ayëty mëti'ipë joot'anpëjktën ets twoowmujktë ja ëxëëkja'aytyëjk mëti'ipë jëtijtëpën jam kajpnjotm ets ja ja'ay tyajjoot'anpëjktë ets ënätyë ye'eymyujktë. Ënet ojts pëyi'ikyë nyëjkxtë ma ja Jasón ja tyëjkën, ja Pablo ets Silas myatsantëp ets tkë'ëka'antë ma kutuunkën;

Hechos 19:40

Mëti'ipë tyam të tyuny të jyätyën, tsojk ja'ay xypyokynyipëjkmëty ko ja'ay nëkoo ntsipwinkajpxëmë, ka'ap yajmëëtëty ja mëk'ajtën wi'ix n'ëtso'owmëty ko ënät ëëtsajtëm pën xyajtë'ëwmëty tii ko ja ja'ay të y'ëtë'ëtstë y'ëna'antë.

Hechos 21:38

¿Tii këtii mijts m'egiptë ja'ayëtyë mëti'ipë ja tsip yajtso'ontakën ets ojts kyäktso'oktë nimajktaxk milën jam të'ëts'itjotm mëët ja tsip tuunpëtyë?

Hechos 22:22

Ko ja Pablo kyajpxtaay, ënät ja ja'ay tyëjkëtyë yaxpë jojkpë: Tääpë ja'ay ka'ap nyitëkëty jyuuky'atëty. Jo'tsë xyëëw yaa naaxwiiny.

Hechos 23:17

Tää ja Pablo tu'uk twoowtsooy ja tsiptuunpë wintsën, ets t'ënëmaay: Woownëjkx ya'atë yä'äy ëna'k ma ja mëj tsiptuunpë wintsënën, tap ayuk tuk'ëwaanëja'any.

Hechos 24:22

Ko ja yajkutujkpë Félix tmëtooy ja Pablo ja y'aaw y'ayuk, ënät ja näpyaye'eyë ënätyë tkajpxtujky, jä'ä ko wa'ats ja Félix tnijawë wi'ix myëpëktën mëti'ipë ja Jesús pyanëjkxtëpën. Ënet ja yajkutujkpë Félix y'ënäny: Wä'än t'ëk'ëwxitynyëm ya'atë jotmay, koonëm myinëty ja mëj tsiptuunpë wintsën Lisías ets yë'ë tjaaknikajpxëty wi'ix ya'atë tsyo'onë'ëky tsyo'ontä'äkyën mëti'ipë miits mëmiintëpën.

Hechos 24:6

Näyjyëtu'un ojts ja griego ja'ay tkuwowë ma ja mëjtsajptëjkën ets ja mëjtsajptëjk tyaj'ëxëëkëja'antë. Jä'äkyëjxmës nmajtstë ets npaye'eya'antës ijxtëm ëëts ja n'ënä'ämën myintën.

Hechos 24:7

E ja mëj tsiptuunpë wintsën Lisías ojts tuktëkë ya'atë jotmay, ets ojts atsip ëëts xypyëjkëtë ya'atë ja'ay.

Hechos 25:23

Ko jëpom, ënät ja yajkutujkpë Agripa jyä'äjty mëët ja tyo'oxytyëjk Berenice wintsë'kën mëët ma ja mayjyä'äy ënety myuka'antën, ma Festo yajkutukyën. Mëët ojts jyä'ty ja mëj tsiptuunpë wintsënëty ets näjyëtu'un mëët ja kutuunkëty. Tääts ja Festo tnikäjxëy ets myinëty ja Pablo,

Hechos 26:21

Jä'äkyëjxm ko ojts jëtu'un ntunyës, paaty ja nmëjutiis ja'ayës xymyajtstës ma ja mëjtsajptëjkën ets ojts xyjyayaj'ooka'antës.